Tej neeg pab cawm tau ib tug poj niam uas raug dej nyab ntawm tus dej Trishuli ntawm Nepal lub zos Nuwakot. Source: AAP / Niranjan Shrestha/AP Photo/Niranjan Shrestha
Tej xwm txheej dej nyab ciam teb ntawm Nepal thiab Tibet uas rau muaj neeg tas sim neej ntau tuaj ntxiv yuav laug txog li ntawm 500 leej lawm, thiab ua rau muaj tej neeg ntau tshaj 1,000 tus tau ploj nrhiav tsis tau lawm. Ntawm tej neeg ib txhiab tus tau ploj no muaj 540 tus yog neeg txawv teb chaws - uas muaj 39 tus yog neeg Australia uas tau ploj nrhiav tsis tau lawm thiab. Nepal thiab Suav hais tias vim tej daus ntawm roob Himalaya pob ces thiaj ua rau tej dej khov, tej kua av nkos thiab tej pob zeb nrog rau thoob txib puaj yam ntws raws tej dej los nyab thiab kuav tej zejzog thiab tej neeg ntoj ncig. Ua ke no los nom tswv tseem tau tab tom ceeb toom ntxiv tias ntshe tseem yuav rov qab muaj dej nyab ntawm ob lub pas dej ntxiv thiab. Tej neeg uas raug dej nyab los yog ploj lawm yog cov neeg India, Australia, Askiv, Malaysia, Netherlands, Portugal, South Africa, South Korea thiab Meskas. Tsoom fwv Australia los kuj tab tom npaj nyiaj 5 million Australian dollars pab tej zejzog ntawm Nepal thiab.
Tej xwm txheej dej nyab ciam teb ntawm Nepal thiab Tibet uas rau muaj neeg tas sim neej ntau tuaj ntxiv yuav laug txog li ntawm 500 leej lawm, thiab ua rau muaj tej neeg ntau tshaj 1,000 tus tau ploj nrhiav tsis tau lawm. Ntawm tej neeg ib txhiab tus tau ploj no muaj 540 tus yog neeg txawv teb chaws - uas muaj 39 tus yog neeg Australia uas tau ploj nrhiav tsis tau lawm thiab. Nepal thiab Suav hais tias vim tej daus ntawm roob Himalaya pob ces thiaj ua rau tej dej khov, tej kua av nkos thiab tej pob zeb nrog rau thoob txib puaj yam ntws raws tej dej los nyab thiab kuav tej zejzog thiab tej neeg ntoj ncig. Ua ke no los nom tswv tseem tau tab tom ceeb toom ntxiv tias ntshe tseem yuav rov qab muaj dej nyab ntawm ob lub pas dej ntxiv thiab. Tej neeg uas raug dej nyab los yog ploj lawm yog cov neeg India, Australia, Askiv, Malaysia, Netherlands, Portugal, South Africa, South Korea thiab Meskas. Tsoom fwv Australia los kuj tab tom npaj nyiaj 5 million Australian dollars pab tej zejzog ntawm Nepal thiab.
