Dr Garry Yaj hais tias nws yeej zoo tib yam li lwm tus uas muaj lawv tej niam tej txiv yog cov neeg tawg tsov tawg rog tsiv teb tsaws chaw uas tau lub neej txom nyem tuaj ua neeg thoj nam nyob teb chaws Australia. Nws kuj yog ib tug tau yug ntawm teb chaws Australia no thiab kuj nyob rau lub teb chaws vam meej uas muaj cib fim ua ntau yam, tsuas nyob ntawm seb yus xav ua dab tsi xwb.
Dr Garry Yaj yees duab nrog nws tsev neeg Credit: Garry Yang (Supplied)
''Kuv los yeej zoo tib yam li lwm tus me nyuam Hmoob ntawm teb chaws Australia uas yeej mus kawm ntawv, thiab yeej raug lawv niam lawv txiv qhia kom seb puas mus kawm ua kws kho mob, kws lij choj," raws li Dr Garry Yaj hais.
Txij thaum nws xeev xwm los ces nws kuj yog ib tug me nyuam uas tsis tshua mloog lus, tsis rau siab kawm, tab sis tom qab uas tau hloov mus kawm tsev kawm ntawv ntiav, rau siab kawm thiab poo ntaus phooj ywg nrog tej me nyuam neeg Australia uas kawm tau zoo lawm ces tau muaj kev pauv hloov zoo rau nws cov kev kawm thiab kawm tau zoo li tej kawm tshaj lij lawm.
Credit: Garry Yang (Supplied)
Kev kawm yog tus yawm sij kub
Bee Vaj uas yog kuv tus yawm yij thiab yog ib tug kws tsav dav hlau T28 yeej hais tias 'Kev kawm yog ib tug yawm sij kub', yog yus kawm tau lawm ces yeej yuav qhib tau tej opportunities ntau yam, tsuas nyob ntawm seb yus yuav qhib lub twg xwb.Dr Garry Yang, anaesthetist specialist.
Nws thiaj hais tias nws niam nws txiv cov kev txhawb nqa thiab pab nws thiab xav kom nws kawm ua kws kho mob txhawb nqa kom nws kawm thiab sim tias seb kawm puas tau.
Dr Garry hais tias "Nyob ntawm seb yus muaj zeem muag/hom phiaj dab tsi uas yus xav ua npaum li cas xwb, seb yus xav phoom ua kom tau npaum li cas xwb, thiab yus muaj cov work ethic npaum li cas xwb. Tej uas muaj zeem muag thiab hom phiaj teev meej lawm yeej yog cov uas yuav ua tau tiav zoo dua tej tsis muaj."
"Tsis yog tias yuav tsum kawm ua kws kho mob xwb los yog ua kws lij choj xwb es thiaj yog tej yam ua tau tiav raws siab xav! koj yeej muaj peev xwm ua tau lwm yam tib yam thiab yeej tseem successful thiab, tab sis tsis hais koj ua dab tsi li yuav tsum ua kom tau zoo tshaj plaws."
Education is the very key. We are in the very previledge position. All the opportunities are there. It's up to us to decide what we want to do and focus on that.Dr Garry Yaj, anaestheticist specialist
Dr Garry Yaj hais tias "Txoj hauj lwm kho mob mas yog koj nyiam ua ces kav tsij kawm, vim yog ib co very satisfying job, yus muaj ib qho purpose, vim rau qhov yus pab neeg, yog ib txoj hauj lwm uas ua tsis paub dhuav, thiab the learning never stop and it's very engaging."
Dr Garry Yaj ua hauj lwm ntawm chav ICU uas tso raj pab kom tej me nyuam ua taus pa Credit: Garry Yang (Supplied)
Hmoob nyob txwm 50 xyoo ntawm Australia
Dr Garry Yaj hais tias "Tau 50 xyoo uas Hmoob nyob ntawm Australia Hmoob yeej vam meej thiab mus tau ib kauj ruam deb heev lawm, los kuv xav hais rau sawv daws tias txawm peb vam meej lawm los kom peb tsis txhob hnov qab tias peb yog Hmoob. Vim rau qhov kev cai Hmoob, lus Hmoob los yus twb tsis tshua paub zoo npaum li cas lawm thiab. Ces yog tias peb tsis phoom tiag tiag thiab tsis qhia ces ntshe peb tej me nyuam haj yam yuav tsis paub txog peb haiv neeg Hmoob lawm thiab. Qhov no yog ib qho peb yuav tsum tau ua tib zoo xyuas kom peb tsis txhob plam."
We have much opportunity to make our community much bigger, much inviting.Dr Garry Yaj, anaestheticist specialist
Lub zeem muag yav pem suab
Dr Garry Yaj hais tias "In the future I'd like to make sure that we don't forget our root, kom peb nco qab tias peb yog Hmoob, thiab koom nrog luag kom lawv paub tias peb yog Hmoob thiab.
"Peb uas dab tsi los kom tej nom tswv zos paub txog peb thiab. Peb thiaj nyob tau thiab muaj impact in our community,
"Kom yus tawm rooj mus koom nrog luag lwm cov NGOs thiab thiaj pom tias luag ua tau dab tsi zoo, thiab yus kawm ntawm luag thiab. Luag muaj dab tsi xav nug yus los yus pab luag thiab, vim yog kev sib pab xwb, luag thiaj paub yus, yus thiaj paub luag,
"Tsis xav kom peb Hmoob pheem yus nyob yus ntawm yus lub zejzog, tsis muaj conncection nrog luag li, vim ua rau luag tsis paub yus, ces qhov ntawd yog qhov yus nyob tsis taus nrog luag ua ke."
Lo lus kawg uas Dr Garry Yaj xav fi rau Hmoob tej zejzog ntawm teb chaws Australia tias:
"Kuv lub zeem muag rau Hmoob lub neej pem suab ntawm Australia yog xav kom peb yog ib lub zejzog ruaj khov, muaj kev txaus siab tias peb yog Hmoob thiab sib cuag tau nrog lwm cov neeg zejzog. Kuv xav kom peb tej hluas paub tias lawv tuaj qhov twg tuaj nyob teb chaws no, kom hais tau peb tej lus, paub peb tej ntaub ntawv thiab qhia peb tej dab neeg, txaus siab hlos lees tias peb yog ib tug Hmoob. Kuv vam thiab cia siab tias peb yuav muaj peev xwm ua tau ntau yam zoo ntawm peb lub neej, khaws tej kev coj taug ua zoo ntawm peb tsev neeg, muaj kev sib fim thiab sib hwm thiab muaj kev nyiaj ntxeem dhau ntawm ntau yam teeb meem nyuaj. Qhov tseem ceeb tshaj plaws, kuv xav kom peb lub zejzog muaj kev koom npoj thiab raug lees paub tias yog ib feem tseem ceeb ntawm Australia tej zejzog coj ntseeg ntau yam kab lis kev cai ntawm Australia."
READ MORE
My story - Hloov peb lub neej tshiab
