Qhov tseem ceeb ntawm Hmoob tej lus thiab kab lis kev cai

Cov Hmong language thiab culture program no ''pab kom me nyuam Hmoob paub ntawv Hmoob, sau tau ntawv Hmoob, hais tau lus Hmoob, paub Hmoob keeb kwm, paub txog Hmoob tej puav pheej tias yus haiv neeg yog haiv neeg twg, pab kom yus muaj self-esteem thiab muaj self-pride ua ib tug Hmoob, ua rau yus tsis ntshai, yog ib qho chaw rau Hmoob tej me nyuam sib cog kawm ua ke, ua rau yus ntseeg yus tus kheej, yog ib lub hauv paus cag ua chaw tiag taw ruaj pab kom yus ntxeem dhau teeb meem nyuaj, ua rau yus muaj phlus, yus lub ntsej muag tshiab, ua kev txhawb siab rau yus, ua dab tsi los ua tau zoo raws li yus npaj, thiab pab kom yus muaj kev zoo siab rau yus lub neej, thiab ua tau lub neej vam meej.''

Credit: Peng Her/Hmong Institute

Mloog tau tej zaj lus thiab lwm yam xov xwm ua lus Hmoob tau ntawm SBS Hmong.

Txawj Pheej Hawj uas yog tus tswj lub koom haum Hmong Institute tau qhia tias nws lub koom haum muaj 3 co hauj lwm li qhia ntawv Hmoob, keeb kwm Hmoob rau Hmoob tej me nyuam thiab qhia neeg Meskas kom tsis txhob nkag siab yuam kev txog Hmoob, thiab tsim cov program pab daws kev nyuaj siab pab rau tej laus los yog tej neeg zejzog.

Nws hais tias cov Hmong language and culture program no muaj hom phiaj los qhia kom Hmoob tej tub tej ntxhais paub:

Hais lus Hmoob sau ntawv Hmoob, paub hais lus Hmoob, paug txog Hmoob keeb kwm, paub txog yus puav pheej teej tug, thaum mus kawm ntawv thiaj tsis txaj muag, ua rau yus muaj self-esteem, self-pride tias yus yog ib tug Hmoob.

Peng Her, CEO of Hmong Institute

Maiv Zoo Vwj uas yog tus program director ntawm cov Hmong language and culture ua rau summer ntawd hais tias cov program no pab kom Hmoog zaj dab neeg txhob ploj, ua qho chaw kawm thiab sib qhia, ua kev txhawb siab, ua qhov chaw tiag taw ruaj.

Credit: Peng Her/Hmong Institute

Cov summer program no yog ib qho chaw rau Hmoob tej me nyuam tuaj sib ntsib sib kawm ua ke, pab kom lawv paub txog lawv tus kheej yog leej twg, paub yus niam yus txiv, paub yus keeb kwm, paub yus haiv neeg lawm ces ua rau yus ntseeg yus tus kheej, ces ua rau yus muaj phlus, yus xyaum muaj peev xwm thiab muaj ntsej muag tshiab, yus ua dab tsi los yus ua tau zoo.

Mai Zong Vue, Program Director of Hmong Institute

Credit: Peng Her/Hmong Institute

Maiv Zoo Vwj kuj qhia tias lub caij 10 xyoo uas tau pib tsim cov Hmong language thiab culture program no siv ces kuj tau zog noj lawm, txhais tau tias muaj tej tub ntxhais Hmoob uas tau koom cov program no uas kawm tiav lawm rov qab tig los pab peb phaum lawm.

Hmoob txawm peb nyob lub teb chaws twg los kom peb nco tias peb zaj dab neeg zoo li cas tiag. Peb tuaj qhov twg tuaj, kom peb tej me nyuam thiaj muaj chaw tiag taw. Yog lawv tsis paub lawv yog leej twg, lawv niam lawv txiv yog leej twg, yog vim li cas lawv thiaj tuaj nyob lub teb chaws ntawd no ces, ces peb zaj dab neeg plam, ces tsis muaj chaw tiag taw rau peb cov me nyuam ces zoo li peb cov me nyuam poob zoo. Qhov program wb ua no yog ua los cawm sawv daws zaj dab neeg no, kom sawv daws paub. Kom zoo li tsob ntoo uas cov cag khov kho. Txawm cua daj cua dub los ntau los kom tsis txhob vaus los yog kom tsis txhob nkoj cag. Kom lawv (Hmoob tej me nyuam) paub lawv tus kheej es txawm lawv nyob lub teb chaws twg los lawv thiaj ua tau lub zoo neej npaum li lawv npaj. Yog yus ua neej nyob yus tsis paub yus yog leej twg no ces feem ntau yus tsis tshua txaus siab rau yus tus kheej, ces yus ua dab tsi los zoo li tsis vam meej pes tsawg.

Mai Zong Vue, Program Director of Hmong Institute.

Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.