Yog tias koj nyuam qhuav ras los ua leej niam leej txiv thawj zaug ntawm Australia xwb, ces cov kev xaiv tias yuav yug me nyuam qhov twg yuav yug i cas kuj yog tej yam ua rau yus ntxhov siab kawg thiab. Tsis hais koj yusv mus siv zej tsoom cov kev kho mob los yog kev kho mob ntiav, yog tej yam tseem ceeb kom totaub txog tej xub kev yus xaiv siv thiab paub tias yuav mus nrhiav kev sab laj qhov twg kom thiaj pab yus ua tau cov kev txiav txim siab haum raws li yus thiab yus tus me nyuam mob liab xav tau.
NTSIAB LUS:
- Yus muaj peev xwm xaiv yug yus tus me nyuam ntawm ib lub tsev kho mob, yog ntawm ib lub chaw yug me nyuam twg, los yog yug ntawm yus tsev tsuas nyob rau ntawm seb yus xav siv cov kev kho mob li cas thiab yus nyob rau qhov twg xwb.
- Cov kev tau txais kev tu saib xyuas ua ntuv zoo cuam tshuam txog cov kev yus me nyuam uas siv tau zoo thiab pab kom tej poj niam thiab tej me nyuam mob liab tau txais kev noj qab nyob zoo tuaj ntxiv.
- Tej chaw kho mob uas pab tiab tu saib xyuas yus rau lub caij muaj me nyuam muaj peev xwm qhia tej xov xwm thiab muaj ib co lus taw qhia tsi ntsees txog yus tej keeb kwm kho mob thiab tej kev kho mob uas yus xav siv.
Australia tej koom haum uas pab tu, saib xyuas thiab pab tej poj niam yug me nyuam uas xub kub siab tshaj plaws txog tej poj niam ua ntej pab kom tej poj niam muaj me nyuam muaj peev xwm ua tib zoo xaiv siv tau cov kho mob thiab kev tu saib xyuas lawv rau lub caij yug me nyuam uas lawv nkag siab zoo.
Muaj tej xub ke dab tsi rau yus siv yug me nyuam ntawm Australia?
Yeej muaj ntau txoj xub ke sib txawv tu saib xyuas tej poj niam thiab thiab pab lawv yug me nyuam uas lawv muaj peev xwm xaiv siv, tsuas nyog ntawm seb lawv xav tau cov kev kho mob zoo li cas siv los yog ho muaj tej kev pab kho mob dab tsi siv ntawm tej chaw uas lawv nyob xwb.
Tej qauv tswv yim uas siv tu saib xyuas, pab yug thiab tu tej poj niam lub cej xeeb me nyuam, yug me nyuam thiab tom qab yug me nyuam uas pom siv tas mus li ces yog cov public hospital maternity care, shared care, midwifery group practice thiab private obstetrician care.
Koj yeej muaj peev xwm mus txheeb tau ntau cov models tu saib xyuas ntawm tsoom fwv Australia lub vas sab
Pregnancy, Birth and Baby los yog sab laj nrog yus tus kws kho mob.
Rachel Worboys uas yog tus Clinical Lead of Pregnancy, Birth and Baby hais tias "Yus tus kws kho mob muaj peev xwm tshab txhais txog cov maternity models of care uas muaj siv ntawm yus tej zos li cov public care, private care thiab cov midwifery programs.''
Leej twg them tej nqe yug me nyuam thiab nqe tu saib xyuas lub caij tej poj niam muaj me nyuam?
Yog tias koj siv cov private health yug me nyuam, ces tej zaum koj lub tuam txhab muag nyiaj tuav pov hwm tswj kev kho mob ntiag tug (Private Health Insurance) yuav pab them qee cov nqe yug me nyuam.
Hos tej poj niam uas siv zej tsoom cov kev kho mob (Public Healthcare system) uas muaj cai siv, ces Medicare mam them tej nqe yug me nyuam ntawm zej tsoom ib lub tsev kho mob twg nrog rau tej nqe uas mus siv ib cov kev tu saib xyuas twg rau lub caij muaj me nyuam.
Ms Worboys hais tias ''Yuav pab them tej nqe siv cov kev pab antenatal visits nrog yus tus midwife, tus kws kho mob los yog mus kawm ib co sob kawm qhia kom paub txog cov kev tu saib xyuas lub caij muaj me nyuam, yug me nyuam thiab tej kev tu saib xyuas tom qab yug me nyuam, cov kev siv cov allied health (siv cov specialist kho ib yam mob twg) li tej kws qhia kom paub noj zaub mov muaj txiaj ntsim pab lub cev, tej social workers, tej kws pab daws kev nyuaj siab ntxhov plawv yog yus xav siv."
"Tab sis tej zaum kuj muaj qee cov kev siv uas yus yuav tau rho yus nyiaj ntiag tug them ntxiv thiab."
Thiaj xav kom nug lub chaw kho mob yus siv ntawd seb Medicare puas pab them los sis tsis pab them tej nqe, los yog xav kom nug yus lub private health insurance seb lawv puas pab them tej nqe dab tsi.
Leej twg yuav tu saib xyuas kuv lub caij kuv muaj me nyuam thiab yug me nyuam?
Tsuas nyob ntawm seb koj xav siv cov kev kho mob li cas xwb, thiab muaj tej kev kho mob twg siv, los yog seb koj xav yug me nyuam qhov twg xwb, tej zaum kuj yuav muaj tej midwives, yus tus kws kho mob, tus kws paub zoo txog cov kev yug me nyuam los yog tej kws kho mob ntau yam sib pab.
Tej midwives tsis yog tib cov neeg uas yus muaj peev xwm ntsib lub caij yus muaj me nyuam xwb, tab sis tej neeg feem coob ces tsis hais yuav siv zej tsoom cov kev kho mob los yog siv cov kev kho mob ntiav li yus yeej yuav ntsib ib tug midwife rau ib lub caij twg.Rachel Worboys
Yog tias yus tab tom npaj yuav mus yug me nyuam ntawm zej tsoom ib lub tsev kho mob, ces tej zaum yus kuj yuav ntsib ib tug kho mob uas saib xyuas kev xeeb me nyuam thiab yug me nyuam yog lawv xav tias yus cov kev muaj me nyuam no yuav raug kev phom sij loj.
Yog tias yus siv tsev kho mob ntiav ces tej zaum yus kuj xav xaiv siv ib tug midwife twg los yog ib tug khws paub txog poj niam cov kev xeeb me nyuam thiab yug me nyuam.
Ms Worboys tshab txhais tias "Tej midwives ces yeej ib txwm pab cov kev xeeb me nyuam uas tsis muaj mob dab tsi, tsis muaj dab tsi cuam tshuam, hos yog cuam tshuam txog tej obstetricians (tej kws paub tu poj niam muaj me nyuam thiab yug me nyuam) ces yog cov kws paub tswj ib co kev yug me nyuam uas sib chab sib chaws dua."
"Txawm li cas los ob co neeg no yeej pab tu thiab saib xyuas tau tej poj niam zoo heev. Tab sis kuj tsuas nyob ntawm seb yus xav siv cov kev pab cuam rau lub caij xeeb me nyuam thiab yug me nyuam zoo li cas xwb."
Cov kev tu saib xyuas ua ntuv zus yog dab tsi?
Cov kev tu saib xyuas ib tug poj niam xeeb/muaj me nyuam ua ntuv zus ces yog thaum yus mus ntsib los yog siv tib tug kws kho mob qub, tib tug midwife qub los yog ib pag midwives tsawg tsawg thoob plaws rau lub caij yus muaj me nyuam thiab yug me nyuam ntawd.
Vim cov kev tu saib xyuas uas ntsib ib tug twg tim ntsej tim muag yeej raug txheeb tau tias tau txais txiaj ntsim rau tus leej niam thiab tus me nyuam mos liab.
Hannah Dahlen uas yog tus zeskais (Professor) paub zoo txog cov hauj lwm Midwifery ntawm tsev kawm qib siab Western Sydney University hais tias:
"Piv txwv li peb paub tias yog tau txais kev tu saib xyuas ua ntuv zus ntawm ib midwife ces yuav ua rau muaj cov kev raus tes tsawg thiab ua rau muaj txoj kev txaus siab rau cov kev pab ntau tshaj plaws, yuav ua rau tej leej niam pub niam mis rau lawv tej me nyuam noj thiab yuav ntsib teeb meem rau tus leej niam lub cev los yog yuav ntsib kev nyuaj siab tsawg dua."
Kuv puas muaj peev xwm yug me nyuam rau ib qho chaw twg dua ntawm cov kev yug ntawm tsev kho mob?
Feem ntau mas ntawm Australia no yeej yug me nyuam ntawm tej tsev kho mob xwb.
Tej zaum yus kuj yuav tau xaiv tias seb yus xav mus yug yus tus me nyuam ntawm ib lub chaw yug me nyuam ze ntawm yus. Tej chaw yug me nyuam no ces yeej kub siab txog qhov tias muaj kev raus tes tsawg rau lub caij mob plab yug me nyuam rau tej kev yug me nyuam uas tsis dab tsi cuam tshuam.
Cov kev yug me nyuam ntawm tsev los kuj yog lwm txoj xub ke rau tej poj niam muaj me nyuam siv yug me nyuam ntawm tsev tau thiab yog tias lawv cov kev xeeb me nyuam ntawd yuav raug kev phom sij tsawg.
Zeskais Dahlen tshab txhais tias ''Cov kev yug me nyuam ces yog ib tug poj niam yug me nyuam ntawm tsev uas muaj ib tug registered midwife tuaj pab tu saib xyuas tus leej niam thoob plaws rau lub caij nws muaj me nyuam, thiab nws yuav raug hu tuaj pab tus poj niam ntawd yug me nyuam ntawm tsev."
"Yog tias txhua yam mus raws siab xav, ces yus yeej yug me nyuam ntawm tsev xwb, tab sis yog tias ho muaj lwm yam teeb meem phom sij cuam tshuam ces tej zaum yus yuav raug xa mus rau tsev kho mob."
Thiab yus tus midwife los yog yus tus kws kho mob yeej yuav nrog yus tham txog tias yuav tau txiaj ntsim los yog yuav ntsib teeb meem dab tsi cuam tshuam txog cov kev yug me nyuam ntawm tsev.
Puas yog cov homebirth thiab freebirth zoo tib yam?
Homebirth thiab freebirth ces nyias txawv nyias.
Cov kev yug me nyuam kheej ntawm tsev (Freebirths) uas yus yug yus xwb tsis muaj ib co neeg kho mob paub tej hauj lwm no pab yus rau lub caij yus yug me nyuam li.Prof Hannah Dahlen
Hos cov homebirths ces kuj yog cov kev yug me nyuam ntawm tsev tib yam tab sis yog cov uas yeej muaj ib tug neeg paub tej hauj lwm li register midwife pab yug me nyuam uas npaj txhij pab yus.
"Midwives yuav tuaj tso cua oxygen rau yus, tuaj muab tshuaj noj/hno tshuaj/tso tshuaj rau yus, thiab yog thaum peb paub tias muaj ib yam dab tsi txawv txav lawm ces peb yuav muab tus poj niam ntawd xa mus rau tsev kho mob. Tab sis yuav tsis muaj tag nrho tej kev pab no rau tus neeg siv cov freebirth yug me nyuam ntawm tsev."
Yuav ua li cas yog kuv pheej tsis muaj peev xwm txiav txim siab tias yuav siv cov kev yug me nyuam dab tsi?
Cov kev ntxhov siab txog tej xub ke yuav siv yug me nyuam no kuj yog tej ib txwm pom muaj xwb.
Thiab yog tias yus ho ntsib kev nyuaj siab ntxhov plawv, ces kom paub tias tsis yog yus tib leeg thiaj ntsib tej xwm txheej no kheej xwb.
Raws li Mathew Aquilina hais ces cov kev nyuaj siab ntxhov plawv rau lub caij muaj thiab yug me nyuam — Perinatal depression and anxiety (PNDA) no yeej raug tau rau ob tug neeg tib sis - uas yog tus leej niam uas yuav yug me nyuam thiab tus leej txiv rau ib lub caij twg thaum tseem xeeb me nyuam los yog tom qab yug me nyuam tag lawm. Nws kuj yog tus clinical team manager ntwam lub koom haum Gidget Foundation Australia, uas yog lub koom haum national perinatal mental health service uas pab daws kev nyuaj siab rau tej leej niam leej txiv thawj lub xyoo tom qab yug me nyuam tshiab tag.
Ntawm Australia ces yeej muaj ib (1) tug leej niam ntawm tsib (5) tug twg, thiab muaj ib (1) tug ntawm kaum (10) tus leej txiv twg ntsib cov teeb meeb meem nyuaj siab ntxhov plawv rau ib lub caij twg thaum xeeb thiab yug me nyuam.Mathew Aquilina
"Peb yeej ib txwm pom tias muaj tej niam txiv txog li ntawm 100,000 tus yog cov ntsib kev nyuaj siab ib xyoos twg."
Nrog yus tus kws kho mob tham kom xa yus mus thov cov kev pab cuam daws kev nyuaj siab ntxhov plawv yog tias yus xav siv tiag.
Mr Aquilina hais tias cov kev nug yus tus kheej tias seb yus xav kom yus cov kev yug me nyuam zoo li cas yog thawj kauj ruam yooj yim uas yus muaj peev xwm ua tau.
"Los sis yog tias cov kev yug me nyuam zaum no twb yog zaum ob txuas ntxiv lawm ne, yus ho xav kom cov kev yug me nyuam no txawv li cas?"
Txawm li cas los thaum kawg ces cov kev yug me nyuam uas ua tib zoo txiav txim siab thiab totaub tias yuav ua li cas no txhais tias yog cov kev nkag siab thiab paub txog yus cov kev xaiv thiab tau txais kev pab rau yus cov kev txiav txim siab.
"Yog cov kev muaj neeg kub siab thiab mloog yus hais thiab ua kom haum raws li yus tej kab lis kev cai xav tau, thiab tau txais kev hwm rau yus cov kev xaiv yug me nyuam, thiab yog ib feem ntawm txhua cov kev txiav txim siab, thiab tej kev sab laj ntawm yus, nrog yus tus midwife thiab yus tus kws kho mob," raws li Ms Worboys uas yog tus clinical Lead of Pregnancy, Birth thiab Baby xaus lus.
Subcribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia koj koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm australiaexplained@sbs.com.au
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
