Txawm tias cov neeg mus ncaws Takraw sawv cev rau teb chaws Australia, los lawv tseem yuav tau rho thiab siv lawv nyiaj ntiag tug ua pib dav hlau thiab nqe noj nqe haus xwb, thiab tseem xav tau neeg coob ntxiv thiab xav tau kev pab cuam ntawm tsoom hwv Australia ntxiv.
Cov kev sib tw Kab Tob (Takraw) tseem tshiab heev rau teb chaws Australia. Txawm li cas los yeej yog ib cov kev sib tw (Sport) qub heev uas tebchaws Thaib twb tau sib tw los tau ntau tiam neeg txij thaum tseem muaj huab tais rau tiam Ayutthaya Kingdom (1350-1767) los lawm raws li Wikepedia tau qhia.
Txawm tseem tau muaj ntau haiv neeg sib cav tias cov kev sib tw no tau xub tshwm sim qhov twg ua ntej los yeej muaj ib txhia tau qhia tias cov teb chaws Southeast Asia no tau sib koom lagluam nrog Suav tuam tshoj txheej thaum ub ces thiaj paub thiab coj los ua ib cov kev sib tw rau cov teb chaws no lawm.
Cov kev sib tw The 33th King's Cup Sepak Takraw Competition zaum no tau sib tw ntawm Korat, Rachathani Province, Thailand. Hais txog cov kev sib tw Doubles ces Australia tau ncaws yeej Germany thiab Bangladesh ua ntej swb rau Brazil lawm ces thiaj tsis tau mus sib tw ntxiv rau semi-final lawm.
Watch Australia played against Bangladesh in Doubles here by Takraw Australia:
Watch Australia played against Brazil in Requ here by Sepak Takraw:
In regu Australia has defeated Nepal and Hong Kong, before winning both Chinese Taipei in the quarter final and Brazil in the semi final, but lost to Cambodia in final in second place for silver.
Watch Australia played against Cambodia in Regu final here by Keng Sothearun:
Cov kev sib tw Regu los yog 3 leeg rau ib tog ntawd ces Australia kuj tau yeej Nepal, Hong Kong thiab Chinese Taipei rau quarter final thiab yeej Brazil rau semi final tab sis swb final rau Cambodia lawm ces thiaj tau npib nyiaj lawm xwb.
Hais txog cov kev sib tw 4 leeg (quad) ces Australia sib tw yeej Sri Lanka thiab Oman ua ntej yuav sib tw final nrog Chinese Taipei tab sis ho swb lawm thiab ces thiaj tau npib nyiaj xwb.
Thiaj ua rau Australia tau npib nyiaj rau 2 cov kev sib tw uas yog Regu thiab Quad xyoo 2018 no.
Thailand thiab Malaysia yog 2 lub teb chaws ncaws tau tshaj lij tshaj plaws. Yog tias ib lub teb chaws twg xav yeej ces yuav tsum tau sib tw kom yeej 2 lub teb chaws no xwb mas thiaj yuav yeej tau xwb. Txawm li cas los yeej tau muaj ib txhiab teb chaws li South Korea, Myanmar, Singapore thiab Vietname los yeej ncaws tau zoo zuj zus tuaj thiab tshij lij yuav laug cuag li 2 lub teb chaws ntawd lawm thiab.
Tam sim no ces twb muaj cov koom haum Takraw Association ntawm ntau tshaj 20 lub teb chaws yeej tau xa lawv cov neeg sawv cev tuaj koom ua pawg tswj rau ntawm lub koom haum Internatonal Sepak Takraw Federation (ISTAF) lawm thiab raws li Bangkok tau qhia.
Myanmar, South Korea, Singapore and Vietnam
Australia Takraw Association los kuj tau mus koom los tau 2-3 xyoos los no lawm thiab, tab sis cov neeg mus khoom cov kev sib tw no yuav tau tshwm nyiaj ntiag tug muas pib dav hlau thiab yuav tau yuav noj yuav haus tsuas yog tau chaw so ntawm nom tswv Thaib lub koom haum ncaws kabtob no pab rau lawv xwb.
Cov kev sib tw 32th Sepak Takraw Competition 2018 no tsuas muaj 2 Australia 4 tug hluas mus koom xwb xws li muaj 2 tug ntawm Darwin, thiab 2 tug ntawm Queensland uas muaj ib tug hluas Hmoob uas yog Nib Lis nrog rau ib tug hluas neeg Karen ntawm cov neeg zejzog Phabmab nrog rau 2 tus hluas neeg Australian mus koom xwb.
Australia vs Chinese Taipei in Quad Final 2018 in 33th Sepak Takraw Competition 2018-Nib Lis Source: Nib Lis
Txawm li cas los Australia kuj tau mus sib tw 3 cov kev sib tw thiab xws li muaj cov Double (2 leeg), Regu (3 leeg) thiab cov Quad uas muaj 4 leeg sib tw ua ib pab twg los yog ib tog twg ntawd.
Australia kuj muaj hmoo tau mus sib tw Final Rugu nrog Cambodia thiab sib tw Final Quad nrog Chinese Taipei tab sis tsis yeej ces thiaj tau npib nyiaj (Silver medal) rau Australia xwb.
Tos Australia ho tsuas tau li ntawd xwb los vim tsuas mus 4 leeg xyoo no thiab lawv yuav tau sib tw 5 cov kev sib tw rau ib hnub diam ces thiaj qaug zog thiab ncaws tsis tau zoo raws li siab xav.
Lub koom haum Takraw Australia Association los yeej tseem xav tau neeg mus koom ntxiv thiab yog tias koj yog tus neeg muaj peev xwm thiab tshaj lij rau fab kev ncaws Kab Tob no, koj muaj peev xwm mus txheeb tau xov xwm ntxiv ntawm Takraw Australia Facebook page tau los yog nrog lub koom haum no sib txuas lus tau.
Tham txog lub neej pem suab lawm ces, lub koom haum no yeej xav npaj sau ntaub ntawv thiab nrog tsoom hwv Australia tham kom muab cov kev sib tw Kab Tob no los zwm ua ib cov kev sib tw rau Australia, kom tshwm nyiaj coj los pab ua tej nqe dav hlau, nqe khaub ncaws hnav sib tw, thiab nqe chaw nyob, nqe ntiav tus coach thiab tej twj coj los rau lawv tau xyaum tau sib tw kom thiaj muaj peev xwm mus ncaws tau zoo sawv cev rau teb chaws Australia txuas ntxiv rau yav pem suab. Hos tam sim no ces yog leej twg xav ncaws ces nws yuav tau pab nqe nyob hoom thiab nqe noj haus rau nws tus kheej ua ntej tso.
Nib Lis cia siab tias ntxiv no yuav muaj Hmoob cov hluas thiab tej hluas ntawm Australia tej koom haum neeg zejzog kom ho tau mus koom cov kev sib tw ncaws Kab Tob no thiab kom Australia thiab muaj cov neeg sib tw coob tuaj ntxiv, thiab thiaj sib pab tau kom zoo tshaj qhov no ntxiv.
Ib qho uas ua rau nws cia siab heev mas yog lub koom haum Takraw Australia xav kom tsoom hwv Australia lees paub thiab tshwm nyiaj pab cuam rau cov kev sib tw Sepak Takraw Competition no ntxiv thiab kom thiaj li muaj cov kev txhawb siab thiab kev kub siab los koom sib tw cov kev sib tw no sawv cev rau teb chaws Australia no kom zoo dua no tuaj ntxiv rau yav pem suab.#
Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab www.sbs.com.au/hmong rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store https://apple.co/2pLgvCX thiab ntawm Google Play http://bit.ly/2GuIRv los yog download xov xwm kaw ua suab (Podcasts) ua lus Hmoob thiab lus Askiv tau ntawm www.sbs.com.au/podcasts/yourlanguage/hmong los sis download tau ntawm https://www.stitcher.com/podcast/sbs-radio/sbs-hmong thiab ntawm iTunes https://itunes.apple.com/us/podcast/sbs-hmong/id814724207?mt=2 tuaj koom ua tub koom siab thiab koom mloog tau tau ntawm #SBSHmong lub Facebook page www.facebook.com/sbshmong tau.
