Nod yog cov xov xwm muaj rau koj mloog rau hnub tim 28.11.2021 ntawm teb chaws Australia thiab txawv teb chaws:
- Australia tej xeev kho tej cai tswj ciam teb vim txhawj txog tus kab mob COVID-19 tshiab hu ua Omicron.
- Ntiaj teb lub koom haum tswj kev noj qab haus huv hais kom sawv daws tswj tus kheej kom tus vim ntshe tseem yuav siv sij hawm ntau limtiam thiaj mam paub ntxaws txog tus kab mob Omicron no.
- Muaj 2 tug neeg kis tau kab mob Omicron ntawm Aaskiv.
- Ib tug nom ntawm Germany qhia tias tej zaum muaj tus kab mob no kis rau nws lub teb chaws lawm.
- Netherlands tseem sam sim txheeb 2 fij dav hlau tias seb tej neeg kis tau kab mob COVID-19 ntawd puas yog tus kab mob COVID-19 tshiab Omicron.
- Tau muaj ib tug zes kais ntawm America lub xeev Michigan hais tias nws txhawj xeeb txog ntiaj teb cov kev tsis tau txais vaj huam sib luag rau cov kev siv tshuaj COVID-19 vaccine.
- South Africa hais tias tsim tsim nyog ntau lub teb chaws yuav txwv tsis pub tej neeg ntoj ncig vim tus kab mob Omicron no.
- Nplog muaj neeg kis kab mob COVID-19 coob tshaj 1,500 tus raws li Vientiane Times tau qhia rau hnub tim 26.11.2021.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
