Xov xwm luv tshaj tawm hnub zwj Quag (Tuesday newsflash 05.08.2025):
Coj Kmart mus hais plaub
Tau muaj ib rooj plaub yuav coj Australia lub tuam txhab Kmart mus hais plaub ntawm lub tsev hais plaub Federal Court liam tias lub tuam txhab no dag thiab tsis qhia qhov tseeb txog cov kev yuam siv dag zog rau nws cov supply chains. Ntxiv ntawd los lub koom haum Australian Uyghur Tangritanh Wone's Association los kuj liam ntxiv tias lub tuam txhab no tau yuam siv tej neeg Uyghur dag zog thiab.
Nyiaj pab cawm South Australia lub tuam txhab nchuav hlau
South Australia tus hau xeev hais tias muaj nyiaj $135 million coj los pab cawm lub tuam txhab nchuav hlau Nyrstar uas yog ib cov kev pov puag tej lagluam peev txheej tseem ceeb.
NSW tsab cai tshiab kho cov workers compensation
Daniel Mookhey uas yog tus nom tswj nyiaj txiaj rau tsoom fwv New South Wales hasi tias tsoom fwv yuav thov rov qab tsim ib tsab cai hauv tsev kis xeev qes (Lower House - House of Representative) limtiam no coj los sib teev theev txog tej tswv yim uas yuav kho cov workers compensation, vim nws hais tias ib hnub twg tej lagluam ntiag tug twg poob nyiaj txog li $6 million.
Tsab cai tswj roj hmab
Muaj ntau haiv neeg tsab tom sib ntsib ntawm Switzerland lub nroog Geneva yuav los tsim kom tau tsab cai tswj roj hmab (Global Plastic Treaty) coj los xaus tej plastic pollution rau txhua cov ecosystem thiab tib neeg hauv ntiaj teb no. (Uas seb paus tsim nyog tej teb chaws tsim roj uas feem ntau tsim tej roj hmab ntawm tej roj los siv no yuav tau tsis txhob tsim roj hmab ntau).
Japan ib lub tuam txhab yuav ua tus tsim Australia tej nkoj tub rog phaum tshiab
Australia kuj tau sib khom thiab tsim tau ib daim contract nrog Japan lub tuam txhab Mitsubishi Heavy Industries yuav ua tus los tsim Australia cov nkoj tub rog ANZAC class phaum tshiab, uas yua tsim 3 lub ntawm Japan hos cov seem 8 lub ces mam ua ntawm Perth (Western Australia) thiab yuav siv nyiaj txog li $10 billion ua.
Australia thiab cov kev ruaj ntseg ntawm cheeb tsam Middle East
Australia tus thawj pwm tsav Anthony Albanese tau nrog Mahmoud Abbas uas yog Palestinian tus President tham ib hmo dhau los thiab tau muaj cov kev nqua hu kom xa koom mus pab tej neeg Palestinians kiag tam sim no, xaus tsov rog ruaj thaib tso tag nrho tej neeg Hamas muab txhom rov qab. Ua ke no los nws kuj qhia meej tias tseem pom zoo rau lub tswv yim tsim ob lub teb chaws daws cov kev tsis haum xeeb, thiab tseem yuav nrog Paletinian tus coj tham thaum koom UN lub rooj sab laj ntawm New Year sai sai tsis ntev no thiab.
Hobart lub tshav dav hlau
Kuj tau siv nyiaj txog li $130 million los kho tau Hobart Airport txoj kab ya thiab tsaws dav hlau tiav lawm kom muaj cov kev ntoj ncig thiab pab tau lub xeev no tej lagluam kom loj hlob.
Meskas cov kev tsub se kim rau India
Meskas tus President Donald Trump tau hawv tias yuav tsub se 25 feem pua rau India tej khoom xa muag rau Meskas kom kim vim India tau yuam tsis ua raws cov kev txwv tsis pub yuav roj ntawm Russia siv limtiam dhau los no, txawm li cas los Trump kuj tsis qhia ntxaws tias yuav tsub li cas. Thiaj ua rau India tib tsis pom zoo nrog tej lus tawm tswv yim no thiab hais tias yog tej yam tsis muaj laij thawj yuav ua li ntawd.
Ua txhaum vim nyiag soj xwm ntawm Australia rau nom tswv txawv teb chaws
Tub ceev xwm teb chaws Australia hais tias tej zaum ntshe yuav tsub txim ntxiv rau ib tug poj niam neeg Australia uas tau visa nyob ruaj ntawm tuam cheeb Canberra tom qab nws raug tsub txim tias yog tus nyiag soj xwm rau nom tswv txawv teb chaws. ASIO uas yog Australia lub koom haum soj xwm thiaj hais tias tus poj niam no nyiag soj xwm txog lub koom haum Buddhist Association ntawm Canberra rau Suav lub tuam chav tswj kev ruaj ntseg.
Xov xwm ntawm cheeb tsam Southeast Asia
Lub caij uas muaj ntau cov teb chaws txawv teb chaws kub siab nqes peev lagluam ntau tuaj ntxiv ntawm teb chaws Cob tsib no kuj tau muaj kev nqua hu kom muaj tej xov xwm ua ntawv Askiv qhia txog Nyab laj tej stock exchange uas ntawv Askiv kom ntau tuaj ntxiv raws li Tuoitre News qhia.
Lub tuam txhab Visa kuj tau koom nrog Nplog lub tuam txhab MoneyX kom los siv tau cov digital payment rau zej tsoom Nplog siv raws li The Laotian Times tau qhia.
