Cov ntsiab lus xov xwm:
- Australia tus coj Scott Morrison tau tawm los hais ib cov lus tsis pom zoo rau Suav cov kev tsom laser rau Australia ib lub dav hlau tub rog. Hnub Thursday tim 17 lub 2 hlis ntuj tau muaj Suav cov tub rog PLA ib lub nkoj tub rog ntawm suam hiav txwv Arafura Sea sab qaum teb teb chaws Australia tau tsom laser rau Australia ib lub dav hlau. Thiab Australia lub tuam chav tiv thaiv teb chaws hasi tias tsis yog ib cov cwjpwm zoo rau tej tug rog nruab deg thiab tej xwm txheej no yuav tsim tau kev phom sij thiab tsis tau txais kev nyab xeeb rau Australia tej tub rog.
- Ukraine tus President Volodymyr Zelensky tau hais ib cov lus thaum tseem koom lub rooj sab laj Munich Security Conference tias xav kom Russia tus President Vladimir Putin mus ntsib nws thiab nrhiav tswv yim los daws tej teeb meem kub ntxhov ntawm 2 lub teb chaws no. Ua ke no los nws kuj tau liam tias Russia yog tus thab plaub thiab yog tus neeg dag. Tib lub caij no los America tus lwm coj Kamala Harris los kuj tau ceeb toom tias yog Russia tseem nam nias Ukraine ntxiv thiab ces tej neeg muaj feem li tej dej num no yuav raug rau txim hnyav tshaj plaws yam tsis tau pom dua los, tsis yog yuav raug txim lagluam xwb tab sis cov teb chaws tub koom siab yeej npaj txhij rau sab hnub tuaj yuav los tiv thaiv lawv tus kheej ua ke lawm thiab.
- Thawj pwm tsav Scott Morrison qhia tias yuav tsis xa Australia tej tub rog mus rau teb chaws Ukraine yog tias Russia nam nias teb chaws Ukraine tiag. Thiab nws hais tias Suav uas yog tus xav los tswj kev thaj yeeb rau ntiaj teb ua txoj tsis paub dab tsi thiab tsim nyog nws yuav tawm los hais lus tsis pom zoo rau Russia cov kev hawv yuav tsim teeb meem kub ntxhov rau Ukraine.
- Grace Tame uas yog tus neeg tau txais cov khoom plig Australia of the Year tau hais tias tej chaw tshaj xov xwm haj yam tsim teeb meem kom tsis txhob muaj neeg ntseeg nws thaum lawv tau coj nws daim duab haus maj uas nws tau coj mus tso hauv Instagram account dhau los tshaj tawm dua ib zaug ntxiv. Nws hais tias qhov no tsis yog ua rau muaj teeb meem rau nws tam li ib tug neeg raug lwm tus yuam deev dhau los xwb, tab tseem ua rau nws ntsib teeb meem yuaj ntau yam li quav yaj yeeb, ua rau txhawj txog lub cev tsis xav noj mov kom yuag thiab muaj teeb meem nyuaj siab ntxhov plawv, tab sis tej chaw tshaj xov xwm no yeej tsis mloog li. Ces nws thiaj hais tias ntshetsoom fwv yuav los tswj tej kev siv yaj yeeb nruj tuaj ntxiv uas yuav tswj tej neeg cov kev xav kom tsis txhob muaj peev xwm qhia tau ib yam dab tsi los yog tshab txhais tau ib yam dab tsi nyuaj tshaj qub ntxiv xwb.
- Victoria tau qhia rau hnub tim 21.02.2022 tias nws tsim tau lub chaw cais tej neeg thiab sim tej neeg seb puas kis kab mob COVID-19 uas raug nyiaj $200 lawm. Thiab yuav qhib siv rau ntau hnub ntxiv tom ntej no. Lub chaw cais no yuav siv coj los hloov tej tsev tos qhua thiab muaj 1,000 lub txaj, muaj tshuab lim cua kom huv thiab muaj CCTV txheeb tej neeg.
- Bangkok Post tau tshaj tawm tias lub koom haum ASEAN xav kom tsoom fwv tub rog Phabmab kav tsij npaj kom sai npaum li sai tau tso cai rau nws tej neeg mus xyuas teb chaws Phabmab kom thiaj li ua tau raws li 5 lub hom phiaj kom tsim tau kev thawj yeeb rau lub teb chaws no.
- International Olympic Commettee tau muab lub Olympic Cup uas yog ib lub khob khoom plig tsim nuj tshaj plaws rau teb chaws Suav uas tau ua tus tswv cuab tswj lub koom txoos sib tw Beijing Winter Olympics 2022 uas sib tw 2 limtiam uas tau los xaus no lawm.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
