Xov xwm luv tshaj tawm hnub zwj Quag (Tuesday news 17.06.2025):
Australia tus thawj pwm tsav Anthony Albanese yuav tsis ntsib Meskas tus President Donald Trump raws li tau npaj tseg. Karoline Leavitt uas yog tsev dawb tus neeg nthuav xov xwm tau qhia rau hauv X tias Mr Trump tham tau zoo ntawm lub rooj sab laj G7 thiab yuav ncaim ntxov dua qhov tau npaj tseg tom qab koom nrog ntiaj teb tsoom thawj coj noj hmo. Thiaj ua rau tsev dawb tau qhia tej lus no tom qab ib teev uas Mr Trump tau hais kom tej neeg kav tsij tawm ntawm Iran lub tuam ceeb kiag tam sim no. Txawm li cas los tus kis rau Mr Albanese hais tias nws yeej nkag siab rau cov kev ncua tsis sib tham, tab sis yeej hais tias Australia tus thawj pwm tsav yeej xav kom txhua tog siv kev nom tswv sib kho. (Txawm li cas los Israel tus coj hais tias cov kev muab Iran tus coj Ayatollah Ali Khamenei tua ces tsov rog xaus ntawm ob lub teb chaws no tab sis Mekas tus coj Donald Trump tsis pom zoo. Ua ke no los Emmanuel Macron uas yog Fabkis tus coj tau qhia tias Meskas tus coj tau hais tias Meskas muaj peev xwm los xaus tsov rog ntawm ob lbu teb chaws no uas Fabkis pom zoo txhawb nqa.)
Mr Albanese tau zoo siab rau Askiv tus thawj pwm tsav Keir Starmer cov lus tawm tswv yim tias Askiv yej tau txheeb cov kev koom tes AUKUS deal tsiab no lawm thiab kuj pom tias yog ib cov yuav tau txais txiaj ntsim ntau yam.
Thaum tseem ntxov uas Australia tus thawj pwm tsav Albanese tseem koom rooj sab laj G7 ntawd ces nws kuj tau ntsib South Korea tus president tshiab hu ua Lee Jae-Myung tim ntsej tim muag. Yog lub sij hawm 20 xyoo uas lub teb chaws no yuav los ua tus tswv cuab tswj lub koom haum APEC rau yav lib lub 10 hli ntuj xyoo 2025 no.
Tau muaj ib lub chaw teeb txheeb ntawm New York tau ua kev zoo siab rau 100 xyoo uas tau teev tej neeg African America tus mus nyob ntawm teb chaws Meskas tej keeb kwm thiab tejkab lis kev cai.
Tau muaj tej kev kwv yees txog tej nqe roj rau lub caij tseem muaj kev sib tawm tsam sab nruag ntug ntawm Israel thiab Iran txuas ntxiv.
Nom tswv Nplog tau qhia tias yuav siv nyiaj yuav laug txog li USD 10 million los pab Nplog tej tub kawm kom tsis txhob tawm ntawv thiab kuj yuav pab tej lees kais qhia ntawv thoob plaws rau tej zos toj siab ntawm teb chaws Nplog.
Nom tswv Thaib tau qhia tias nws tseem yuav npaj ib lub rooj sab laj hauv tsev tsoom fwv los sib teev theev kom paub txog qhov tseeb ntawm cov kev tsis sib haum xeeb 4 thaj chaw ciam teb nrog teb chaws Cambodia.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
