Muv yog ib hom tshiaj uas pab pov puag ntiaj teb cov Eco-systems (Txuab zeej txuab sim) ntiaj teb tej nroj tsuag xyoob ntoo hav zoov hav tsuag thiab pab kom tej qoob loos xyoob ntoo nroj tsuag ua tau txiv txi tau noob kom tsim tau noob qoob noob loos txog li 65% los yug tebchaws Australia no thiab los yug ntiaj teb.
Cov zib muv tau los ntawm cov ntoo Manuka no hu ua Manuka Honey, thiab yog ib cov zib muv uas tau nqe zoo heev. Ib killogram xwb twb raug nyiaj txog li AUD 150 dollars diam. Vim tias siv nyiaj ntau coj los yug cov muv thiab tsim tau cov zib muv no tsawg heev tsis txaus li tej neeg xav tau coj los siv ces tus nqe thiaj kim heev.
New Zealand yog tus xub pib tsim cov zib muv no coj los ua luam, ib xyoo twg twb khwv tau nyiaj txog li 230 million dollars diam. Vim li ntawd cov neeg Kiwis thiaj xav muab cov Manuka Honey lub npe no coj los teev zwm ua ib lub cim lagluam kom txhob muaj neeg coj mus siv ua luam tau ntxiv, kom nws thiaj muaj peev xwm ua luam muag tau cov zib muv no ntawm teb chaws America, Askiv thiab Suav tuam tshoj.
Ces thiaj tau ua rau teb chaws Australia thiab New Zealand tau los sib tawm tsam vim tus twg los xav kom tau txiaj tsim rau fab lagluam zib muv Manuka Honey no. Vim li no Australia thiaj tau teeb tsa nws lub koom haum Australian Manuka Honey Association thiab lis dej nuam nrog cov kws txawj txeeg thiab cov kws teeb txheeb paub zoo txog cov ntoo Manuka thiab cov zib mus los yog cov lagluam no coj los pab tshawb fawb kom tau qhov tseeb seb puas yuav ua tau lagluam, kom muaj neeg tig los ua cov lagluam no kom ntau tuaj ntxiv thiab tau txiaj ntsim rau fab kev lagluam.
Raws li Australia cov kws teeb txheeb uas muaj cov microbiologist, chemists tau mus teeb txheeb lawm, ces lawv txheeb tau tias Australia muaj cov ntoo Manuka no tshaj 80 hom diam hos teb chaws New Zealand tsuas muaj ib hom xwb. Thiab cov zib muv Manuka Honey uas tsim tau hauv teb chaws Australia no muaj zoo dua cov tsim tau nyob teb chaws New Zealand 3 mus txog 5 npaug diam.
"Microbiologist Shona Blair ntawm tsev kawm qib siab University of Technology Sydney hais tias "Cov zib muv Manuka honey muaj peev xwm tua tau cov kab mob bacteria li cov golden staphylococcus aureus, flesh-eating bacteria thiab e-colis bacteria uas kis tom tej tsev kho mob."
Tab sis Bruce White uas yog tus coj lub koom haum Amateur Beekeepers Association txhawj tias vim tseem muaj ntau lub tebchaws hauv ntiaj teb no tsim tau cov zib muv pheej yig dua Australia cov, thiab Australia cov neeg yug muv yuav tau siv nyiaj ntau los tsim thiaj tsim tau cov zib muv no tsawg tsawg tab sis tseem kim dua, ces ntshe Australia yuav tsis muaj peev xwm sib tw ua cov lagluam zib muv no.
"Raws li lub vam sab draxe.com tau qhia, ces cov zib muv Manuka honey no muaj txiaj ntsim ntau yam rau tib neeg txoj kev noj qab haus huv xws li pab kom txhob muaj kua tsib hlab kub ntsim plab, txhob muaj kua tsib txheem tawm rov nce toj mus hlab txoj hlab pas, zoo pleev kub hnyiab, qhov txhab, thiab to, zoo mob qa khaus qa, zoo cawm noj tsis haum los yog fab, zoo mob qhov ntswg voos ua paug, zoo mob hniav, zoo mob pos hniav o, thiab tua tau kab mob Staphylococcus Aureus."
Tsis tas li no vim cov zib muv Manuka Honey yog cov muaj vitamins thiab minerals ntau yam xws li Amino acids, B Vitamins i.e B6, thiamine, niacin, riboflavin, pantothenic acid, calcium, copper, iron, magnesium, manganese, phosphorus, potassium, sodium and zinc, ces thiaj yog ib yam khoom ntuj tsim tau los ua muaj ntxiaj ntsim ntau yam thiab ntiaj teb neeg xav tau coj los siv heev, tab sis muaj tsawg tsawg tsis txaus rau sawv daws siv, ces tus nqe thiaj kim heev.
Yog tias koj ho yog cov neeg noj tsis haum thiab fab rau tej muv no thiab yog koj yuav siv no ces yuav tsum tau mus sab laj thiab nrog cov kws paub zoo txog fab tswj kev noj qab haus huv tham kom meej tso yuav siv mam li siv cov zib muv Manuka Honey no thiaj tsis muaj teeb meem pheej hmoo rau koj.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
