Xov xwm luv tshaj tawm hnub zwj Teeb (Thursday news 07.08.2025):
Tswv yim pab kom tsis txhob rov qab mob cancer mis
Lub koom haum National Breast Cancer Foundation tau muab $25 million dollars rau tej kws teeb txheeb uas kub siab xav los txo kom muaj neeg tas sim neej ntawm kab mob cancer mis tsawg txog ib nrab. Cov program hu ua 'AllClear' no thiaj yuav coj mus pab lub chaw teeb txheeb Garvan Institite of Medical REsearch ntawm Sydney thiaj yuav coj los xau xov kev pheej rov qab mob cancer mis.
Txheeb tej tsheb siv hluav taws xob
Lub koom haum Australian Automobile Association tau qhia nws cov kev teeb txheeb txog 5 lub tsheb siv hluav taws xob uas tau muag zoo heev tias seb puas siv tau raws li lawv haub tau yam tiag li khiav tau deb thiab muaj zog tshaj qhov lawv tsim tau siv, ces pom tau tias muaj ib co tsheb siv tsis tau li hais.
Tsab cai tswj cov kev siv AI (Artificial Intelligence)
Tom qab uas treasurer Jim Chalmers tau qhia tias yog muaj peev xwm ua tib zoo tswj kom siv tau cov AI zoo ces yuav pab kom ua tau Australia tej lagluam zoo thiab pab kom ua tau lub zoo neej ces lwm pab nom teb chaws thiaj nqua hu kom tsim kom tau tsab cai coj los tswj cov kev siv tej artificial intelligence technology no vim tseem muaj kev txhawj xeeb tias tsam ua rau muaj teeb meem rau tej neeg ua hauj lwm tiab tej arts.
Israel npaj siv tub rog tawm tsam Gaza ntxiv
Israel tus nom tswj dej num tub rog hais tias Israel tej tub rog yuav tsum tau txiav txim siab seb yuav ua li cas rau Gaza tom qab tau muaj xov xwm cej luam qhia tias tseem muaj kev sib ov nyoam rau nws lub tswv yim tswj Gaza thaum muaj tej xov xwm qhia tias nws tej zaum lub teb chaws no tus thawj pwm tsav yuav qhia nws tej tswv yim tias yuav tswj Gaza li cas.
Meskas cov kev tsub se rau tej technology
Meskas tus President Donald Trump hais tias nws yuav tsub se 100 feem pua rau tej simiconductor chips yuav txawv teb chaws los siv rau lub caij nws nrog Tim Cook uas yog lub tuam txhab Apple tus coj tham.
Cov kev yws txog tej tuam txhab muag xov tooj thiab internet
Lub koom haum Telecommunications Industry Ombudsman hasi tias muaj ib txhia tuam txhab telecommunication industry ces yog cov tau ua rau muaj teeb meem, ua rau muaj teeb meem nyiaj txiaj nyuaj tuaj ntxiv rau tej customers uas txom nyem nyiaj txiaj. Raws li tau txheeb nrog 900 cov xwm txheej uas tej customers tau yws ces pom tias tej tuam txhab no yeej tsis pab tej customers uas txom nyem nyiaj txiaj li.
Cov urgent care clinics
Mark Butler uas yog Australia tus nom tswj dej num noj qab haus huv hasi tias tsoom fwv Albanese tab tom ua raws li tej lus tau cog tseg uas yog tsim 50 lub Medicare Urgent Care Clinics thoob teb chaws. 3 lub muaj siv tam sim no ntawm Victoria ces yuav raug kho ua cov Medicare Urgent Care Clinics no ntxiv ces thiaj ua rau yuav tsim tau cov chaw kho mob no 90 lub thoob teb chaws siv.
Hiroshima raug tua txwm 80 xyoo
Tau muaj Japan tej nom tswv thiab tej pej xeem tau mus sib ntsib ntawm nroog Hiroshima mus ua kev nco txog tej neeg tau tas sim neej rau hnub tim 6 lub 8 hli ntuj xyoo 1945 uas Meskas tau tso foob pob nuclear tus lub nroog no 80 xyoo dhau los, uas tau ua rau muaj tej neeg txog li ntawm 140,000 tau tas sim neej thiab ua rau tej neeg muaj mob thiab raug kev tsim txom.
Cov kev ntxias dag cuam tshuam txog lub tuam txhab Meta
Meta uas yog lub tuam txhab ua tswv rau cov social media platforms li WhatsApp, Facebook thiab Instagram tau qhia tias nws tau txwv 7 million cov WhatsApp account cuam tshuam txog tej neeg phem uas siv ntxias dag tej neeg ua txhaum cai ntawm cheeb tsam Southeast Asia.
