Tau muaj txog li 700 txheeb tus neeg Catalan tau mus rwg npoj qw ib tsaug ib tsaug tias "txhob ntiav tub ceev xwm los ua hauj lwm tab sis yuav tsum txhawb kev kawm rau zej tsoom " coj los tawm tsam hauv lub nroog Barcelona tej kev ntawm teb chaws Spain tom qab hnub tim 01/10/2017 uas cov neeg Catalan tau mus pov ntawv tawm suab cai tawm ntawm Spain los ua lub teb chaws tshiab tab sis raug tub ceev xwm Spainish tawm tsam ntawd.
Manuel yog ib tug ntawm cov neeg rwg npoj no hais tias:
"Peb txhuas tus tsuas xav mus pov ntawv tawm suab qhia txog peb txoj kev xav xwb tab sis nom tswv tseem tsim kev kub ntxhov thiab. Tsus yog peb xav siv peb txoj cai thiab tsuas yog ib los lus nug rau hnub ntawd xwb tsis tsim nyog yuav ua li no rau peb li."
Nom tswv Catalan kuj tau qhia tias muaj neeg raug mob txog li 900 leej thaum tub ceev xwm tau siv cov muas txwv roj hmab tua rau cov neeg rwg npoj thiab muab cov phiaj thiab tej qws los tawm tsam nrog cov neeg rwg npoj coj los ua cov kev txawv tsis pub lawv mus pov ntawv tawm suab ntawd.
Nom tswv zejzog tseem tau qhia tias cov pej xeem txog 42% uas xav kom cai cheeb tsam ua lub teb chaws ywj pheej tau mus tawm suab txog 90% diam, tab sis yeej tseem muaj cov neeg xav koom ua ib feem ntawm teb chaws Spain txuas ntxiv tau txwv tsis pub cov neeg xav cai tawm no mus pov ntawv tawm suab thiab.
Thaum muaj cov xwm txheej zoo li no lawm ces txawm muaj 2 pab neeg uas xav cai tawm thiab cov tseem xav koom nrog lub teb chaws Spain ua ke txuas ntxiv uas yeej muaj tej tswv yim thiab kev xav sib txawv los lawv yeej tau koom npoj los tawm tsam nrog tub ceev xwm tej kev tsim kev kub ntxhov rau tej neeg rwg npoj no. Thiab cov neeg rwg npoj tau liam tej tub ceev xwm uas tau ntau tej laus neeg, ntau tej me nyuam yaus los yog tej neeg rwg npoj no tias yog ib lub zog nias tsam thiab kom lawv kav tsij tawm ntawm cheeb tsam Catalonia no mus.
Hos tebchaws Spain tus huab tais Filipe 6 los los kuj tau hais tias txawv cheeb tsam Catalan yuav tawg cai thiab raug teeb meem los yeej tseem muaj ib txhia nom tswv muaj pluaj siab hlub haiv thiab yuav tsim kev koom npoj moj them nqag kab los sib sau cov neeg Spanish no ua ib lub teb chaws xwb, txawm hais tias yuav muaj ib txhia tau tsim teeb meem kub ntxhov rau cheeb tsam Catalonia thiab teb chaws Spain txoj kev ruaj ntseg thiab tej lagluam los lub teb chaws Spain yeej yuav nyiaj ntxeem thiab hla dhau tej teeb meem no mus.
Tab sis tau muaj ib cov neeg Catalan coob heev tau tawm los tsis lees paub Spainish tus huab tais Felipe tsab xo no thiab qhia tias tej lus hais ntawd tsis muaj laij thawj qab hau dab tsi.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBS Hmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawv daws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
