Ceev Hmoob lub cim thawj kom txhob ploj thiab sib cuag nrog Australia lwm cov neeg zejzog

Hmong Australia Festival lub koob tsheej thov nyiaj pab Australia tej neeg tua hluav taws thiab Australia tej neeg zejzog raug cov teeb meem hav zoov kub hnyiab 2019-2020.

Paj Cai Xyooj, president of Hmong Australia Festival Inc Source: SBS Hmong

Paj Cai Xyooj uas yog tus coj lub koom haum Hmong Australia Festival Inc no yeej qhia tias "lub koom txoos no yeej muaj lub hom phiaj tseem ceeb yuav los khaws thiab ceev Hmoob lub cim thawj (identity) kom txhob ploj thiab pab kom Hmoob muaj feem sib cuag tau nrog lwm cov neeg zejzog hauv teb chaws Australia no thiab kom ho los lees paub tias yus yog Hmoob thiab qhia kom lwm tsav neeg kom muaj kev sib raug zoo thiab muaj kev sib nkag siab muaj kev haum xeeb thiab txhob muaj kev sib ntshai txhob muaj kev totaub yuam kev rau ib pawg neeg twg. Thaum kawg thiaj yuav ua tau lub neej nyob haum xeeb koom zej koom zos ua ke."

Nws hais ntxiv tias lwm lub neeg zejzog hauv teb chaws Australia no yeej xav kom lwm cov zejzog paub txog lawv tib yam thiab. Thiaj xav kom Hmoob yuav tsum mus koom thiab qhia kom lwm haiv neeg paub txog Hmoob ntau tuaj ntxiv, vim Hmoob twb tuaj nyob tau ntawm teb chaws Australia tau txog li 45 xyoos lawm los zoo li lwm cov neeg zejzog yeej tseem tsis tau paub txob Hmoob zoo li.

Tab sis lub hom phiaj loj tiag mas yeej yog tsa los thov dej siab coj mus pab rau Australia tej neeg zejzog raug hav zoov kub hnyiab thiab tej neeg tua hluav taws uas raug cov teeb meem hav zoov kub hnyiab xyoo 2019 txuas rau thaum ntxov xyoo 2020 no.

"Thaum lwm cov neeg zejzog raug kev txom nyem ces tsim nyog peb yuav tau pab lawv thiab, txog yus lawm lwm tus thiaj li xav pab thiab," raws li Paj Cai Xyooj uas yog tus coj lub koom haum Hmong Australia hais.

Kuj tau muaj tej nom tswv zos thiab lwm cov neeg zejzog tuaj koom los yog tej tub paj nruag tej ntxhais seev cev tub seev cev thiab tej kws nqua yas suab, ntawm ntau cov neeg zejzog los yeej tau tuaj koom thiab.

Saib tau ntau cov kev lom zem thiab tej duab ntawm ntau cov neeg zejzog li hauv qab no:

Cr Naim Kurt on behalf of Hume City Council speech at Hmong Australia Festival Inc Bushfire Fundraising event by Austin Vang:

Nom tswv zos, pawg tswj Hmong Australia Festival Inc thiab Kue Lee uas yog Hmoob ib tug neeg ua yeeb yam thiab kws tshuaj ntsuab nrog Bronwyn Halfpenny MP (representing the Premier of Victoria and Minister for Multicultural Affairs) and Councillor Naim Kurt (Hume City Council) by Hmong Australia Festival Inc :

Cov duab yees tej neeg tau mus koom lub koom txoos Hmong Australia Festival:

Hany Lee songs by Austin Vang:

Cov tub ntxhais hluas neeg Karen seev cev:

Cov duab uas SBS Hmong yees thaum mus koom lub koob tsheej Hmong Australia Festival Inc hnub tim 7 March 2020 ntawm Epping Momorial Hall, Melbourne, Victoria Australia:

Hmoob Melbourne cov niam tsev seev cev:

ANANDA Dance Group (Hey Jude)'s Indian Contemporary Dance Performance at Hmong Australian festival by  Chris Mallika Bhadra :

Rare Diamond seev cev nrog DJ Peter zaj nkauj Descendants of Shee Yee by Austin Vang:

Rare Diamond seev cev nrog zaj nkauj Hmoob lub neej nyob toj siab by Austin Vang:

Nplog pab tub nqua yas suab The Sissattanak Lao Geelong Band tuaj koom nqua yas suab ua kev lom zem by Austin Vang:

Ntawd yog cov xwm txheej tau tshwm sim ntawm lub koom txoos Hmong Australia Festival Inc Bushfire Fundraising rau hnub tim 7 March 2020.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub  (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm google podcasts, spotify, thiab apple: podcasts los yog download SBS Radio App kom koj mloog tau SBS Hmong.