SBS World News tau tshaj tawm tias tau muaj neeg tas sim neej txog li 26 leej thiab 15 leeg tau ploj rau sab qaum teb ntawm teb chaws nyab laj thaum muaj lub khaub zeeg cua Cernca los hla 3 lub tebchaws li Nyab laj, Nplog thiab Thaib teb ntawd.
Son La, Yen Bai, Dien Bien, Cao Bang thiab Lai Chau yog cov xeev ntawm nyab laj teb uas muaj cov neeg txom nyem nyob coob yog cov raug dej nyab loj heev zaum no raws li nom tswv Nyab laj tau qhia. Ces thiaj ua rau muaj av toj pob thiab dej nyab loj heev tshoob tej pob zeb, txo av nkos thiab tej tog khaub los tsim kev puas tsuaj rau tej vaj tse, kev, qoob loo.
Raws li tau muaj kev kwv yees thaum ntxov lawm ces muab cov kev piam sij puas ntsoog xa raug nyiaj txog 54 roob dollars nyiaj Australia raws li nom tswv tau qhia.
Nyob Nplog teb los kuj muaj ntau lub xeev raug dej nyab xws li Odoumxay, Vientiane, Borikhamxay, Xekong, Saravan thiab Attapeu. Ua rau muaj neeg tas sim neej yam tsawg li 1 leeg. Thiab raws li Nplog phau ntawv xov xwm Vieitiane Times tau tshaj tawm ces nom tswv Nplog twb rau pab nyiaj rau zej tsoom ze txog li ntawm 600 million Kip coj los pab tej xwm txheej dej nyab no lawm.
Hos nyob rau Thaib teb ces lub xeev Sakounakhorn thiab Mukdaharn yog 2 lub xeev raug dej nyab loj tshaj plaws, raws li Mai Nyiaj Xiong uas yog SBS Radio Hmong Program tus ntxhais tshaj xov xwm tau cej luam qhia.
