Xov xwm luv tshaj tawm hnub zwj Feej (Wednesday news 09.07.2025):
Raws li tau muaj ib lub koom haum sawv cev rau tej neeg ua hauj lwm tau teeb txheeb nrog tej neeg ua hauj lwm childcare workers txog li 2,000 tus ces tej neeg ua hauj lwm no tshaj ib nrab yeej hais tias ''tej chidcare centres tsis kub siab txog kev nyab xeeb thiab kev kawm rau tej me nyuam.''
Jim Chalmers uas yog tus nom tswj nyiaj txiaj rau tsoom fwv Albanese hais tias Reserve Bank of Australia (RBA) cov kev tswj kab theem paj tus li qub ntawm 3.85 feem pua tsis yog tej yam uas ntau millions tus neeg Australia xav tau, txawm tej kiab khw thiab tej economists kwv yees tias yuav txo kab theem paj zum 3 tab sis RBA hais tias tseem xav tau xov xwm ntxaws ntxiv txog tej nyiaj poob nqe tso mam txiav txim siab deb puas txo kab theem paj li cas.
Pej kum haiv lub tsev hais plaub International Criminal Court (ICC) tau muaj ib daim ntawv txhom Taliban ob tug coj tseem ceeb li Haibatullah Akhundzada thiab tus chief of justice Abdul Hakin Haqqani liam tias nkawv tau ua txhaum crimes against humanity tawm tsam tsis lees paub poj niam thiab tej me nyuam ntxhais tej cai.
Victoria pawg neeg tawm tsam tej tswv yim faib cai ntxub ntxaug tsis nyiam neeg Jews thiab tswj kev koom npoj hais tias nws tseem tab tom los nrog xyuas tej xwm txheej no rau lub caij uas Victoria tus hau tub ceev xwm Mike Bush tau qhia tias nws npaj txhij yuav los lis tej hauj lwm no.
Meskas tus Presiden Donald Trump yuav mus xyuas thaj chaw raug dej nyab ntawm Texas rau lub caij uas nom tswv Meskas tsis tshua muaj peev xwm los pab daws tej xwm txheej no uas tam sim no twb tau ua rau neeg Meskas tas sim neej tshaj 100 leej lawm. Thiaj ua rau Greg Abbott uas yog Texas tus hau xeev thiaj tseem yuav rov qab mus xyuas thaj chaw Camp Mystic uas muaj tej neeg txog 27 leej raug dej nyab.
Meskas lub tuam chav tswj dej num txawv teb chaws tau ceeb toom rau nws tej embassies txog tej xwm txheej muaj neeg siv cov AI ua txoj los dag tias yog Meskas tus nom Marco Rubio. Tus neeg tsim tej xwm txheej no kuj tau siv cov text thiab voicemail coj los nrog Meskas tus nom txawv teb chaws, ib tug nom kis xeev siab thiab ib tug hau xeev tham tab sis tsis muaj peev xwm ua tau.
Suav tuam tshoj tau pub 74 lub teb chaws mus xyuas tau nws lub teb chaws coj los txhawb nqa tej lagluam ntoj ncig yam tsis tas thov visa siv rau lub caij 1 hlis (30 hnub). Tej teb chaws no feem ntau yog cov ntawm Europe, muaj 5 lub ntawm Latin America, 4 lub ntawm Middle East thiab Australia nrog.
Cob tsib yuav xa txhuv kom ntau tuaj ntxiv mus muag rau Indonesia tom qab ob tug coj ntawm ob lub teb chaws no tau sib tham thaum mus koom lub rooj sab laj BRICS summit ntawm Brazil raws li Tuoitre News qhia. Ua ke no los kuj muaj Malaysia kuj yuav xav mus tsiv ib co tsheb ciav hlau ntawm Ho Ci Minh City uas raug nyiaj tshaj USD 3 billion,
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
