David Little Proud uas yog tus coj pab nom National hais tias yeej tseem qhib kev dav rau cov kev sib khom los tsim pab nom koom tswj nrog pab nom Liberals tab sis nws yuav xub kub siab los xyuas kom seb tsim puas tau pab nom no ua ke. Ces thiaj yog thawj zaug rau lub caij ntau caum xyoo uas ob pab nom no sib tawg tsis ua ib pab nom.
Jaclyn Symes uas yog Victoria tus nom tswj nyiaj txiaj tau qhia tias yuav xyuas kom tau nyiaj tsam rau tsoom fwv xeev tej nyiaj puag xyoo uas raug txo ntawm 1.6 billion dollars los ua 600 million dollars, thiab yuav tsis nce se rau tej neeg Victorians.
Volodymyr Zelenskyy uas yog Ukraine tus nom hais tias tseem yuav muaj kev sib tham nrog tej nom theem siab ntawm Meskas, Russia, Europe thiab Aaskiv. Nws tau nrog tej neeg nthuav xov xwm tham txog tej no tom qab Meskas tus president Donald Trump tau nrog Mr Putin tham thiab hawv tias yuav rau txim lagluam kom hnyav rau Russia yog tsis kub siab tsim kom tau kev thaj yeeb nrog Ukraine.
Australia tus thawj pwm tsav Anthony Albanese kuj tau ntsib txiv plig Pope Leo XIV thiab tau nrog tej coj ntawm Europe tham thiab qhia tias yuav pab Ukraine txuas ntxiv. Nws kuj tseem yuav los ntsib Singapore tus coj Lawrence Wong ua ntej yuav rov qab los rau Australia. Tib lub caij no los Penny Wong uas yog Australia tus nom txawv teb chaws los kuj yuav mus xyuas 3 lub teb chaws pov txwv ntawm Pacific thiab.
Cob Tsib xav tsim kom tau ib lub tsheb ciav hlau khiav ceev heev ntawm Ho Ci Minh mus rau Ha Noi uas yuav siv nyiaj txog li ntawm USD$70 thiab xav ua kom tiav rau xyoo 2030.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follw los yog lwm cov podcasts platforms (iHeart, Amazon Music & Podcasts).
