Muaj neeg txhawj xeeb tias tsam tsoom fwv cov nyiaj welfare uas tseem yuav raug txiav kom tsawg coj los pab tej neeg rau lub caij muaj kab mob coronavirus kis thoob ntuj thiab poob hauj lwm los sis khwv tau nyiaj tsawg yuav tsis muaj peev xwm ntiav tau tsev nyob thiab tej zaum yuav ras los ua cov neeg tsis muaj vaj tse nyob.
Saib tau daim video uas qhia txog cov neeg tsis tau txais nyiaj pab cuam welfare los yog poob hauj lwm los sis khwv tau nyiaj tsawg es tsis muaj peev xwm ntiav tau tsev nyob es raug tej tswv tsev ntiab tawm ntawm nroog Houston teb chaws America tau ntawm no:
https://www.sbs.com.au/news/millions-of-americans-under-threat-of-eviction
Tej neeg nyob ntawm nroog Melbourne yuav tsum tau nyob twj ywm hauv tsev li nom tswv tau haias thiab tsuas tawm tsev mus yuav khoom noj khoom haus tseem ceeb, mus kawm ntawv, mus ua hauj lwm, mus ua exercise los yog mus tu saib xyuas lwm tus neeg xwb. Tsis tas li no los nom tswv yeej tau taw qhia kom siv ntaub khwb qhob ncauj thaum lawv mus rau zej tsoom tej chaw thiab. Mus txheeb tau tej xov xwm koj yuav tsum tau paub txog tus kab mob COVID-19 ntawm tej xeev tau ntxiv ntawm no.
Tej neeg nyob ntawm teb chaws Australia yuav tsum nyob kom nrug ntawm lwm tus neeg li 1.5 metres. Thiab mus txheeb ntxiv seb koj lub xeev ho muaj cov kev txwv tsis pub tej neeg sib sau li cas ntxiv.
Yog tias koj tau khaub thuas thiab muaj yam ntxwv mob, ces nyob twj yim hauv tsev thiab npaj hu xov tooj nrog koj tus kws kho mob tham los yog hu rau lub koom haum Coronavirus Health Information Hotline tus xov tooj 1800 020 080 tham seb yuav mus sim seb puas kis tus kab mob coronavirus no tau li cas.
SBS yeej tsim tau cov xov xwm ua 63 hom lus qhia txog tus kab mob no thiab koj muaj peev xwm mus txheeb xyuas tau ntawm sbs.com.au/coronavirus.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
Share
