Raws li kub koom haum Donate Life uas yog tsoom fwv Australia ib lub koom haum saib xyuas txog cov kev teev zwm npe tej neeg pom zoo pub tej khoom nrog cev rau lwm tus siv tau qhia, ces xyoo 2019 dhau los yeej tau muaj cov neeg coob tshaj li 500 leej uas tas sim neej los yog tej neeg tseem muaj txoj sia nyob txog li 239 leeg uas kam pub lawv tej khoom nrog cev ib yam dab tsi pub rau lwm tus siv hloov lawv tej khoom nrog cev ces muaj peev xwm pab cawm tau tej neeg tshaj 1,680 leej. Txawm li cas los yeej tseem muaj cov neeg txog li ntawm 1,700 tus tseem yuav tau tos kom tau tej khoom nrog cev coj los phais hloov rau lawv thoob plaws teb chaws Australia no, thiab tseem muaj tej neeg coob txog li 12,000 tus uas tseem yuav tau niaj hnub mus lim ntshav vim lawv lub raum tsis zoo lawm thiab.
Txawm tias tau muaj neeg Australia 1 tug ntawm 3 tug twg los yog neeg Australia txog li 69% yeej tau mus teev zwm npe pom zoo pub khoom nrog cev rau lwm tus siv los yeej tseem muaj ib txhia neeg zejzog tsis pom zoo pub tej khoom nrog cev rau lwm tus siv thaum lawv nruam sim vim cov kev coj ntseeg thiab kev cai dab qhuas ua cov txwv txiav lawv kom txhob pub tej khoom nrog cev rau lwm tus siv thiab.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm google podcasts, spotify, thiab apple podcasts los yog download SBS Radio App kom koj mloog tau SBS Hmong.
