Lub koom haum Australia Day Council ntawm xeev Western Australia (WA) tau tsim ib cov sob kawm Civics and Citizenship uas qhia txog tsoom hwv cov qib theem nom tswv, cov kev xaiv tsa nom tswv, Australia tej tsev tsoom hwv thiab tej tuam chawv tswj laj fai kum xeeb mus txog rau tej txheej txheem tsim cai los siv, coj los qhia ntawm nroog Perth lub chaw Consititution Centre pub rau cov pej xeem Australia tshiab thiab cov neeg tsiv teb tsaws chaw tuaj nyob teb chaws Australia tshiab, kuj ua rau lawv kub siab thiab xav kawm tej sob kawm no kawg nkaus.
Morgan Lewis uas yog tus coj ntawm lbu koom haum Australia Day Council ntawm xeev WA hais tias kom tsis txhob lam saib tej sob kawm no tsis rau nqe, vim lawv lub hom phiaj tseem ceeb yog xav pab kom tej neeg Australia hais los ntawd mloog tau tias lawv yog ib feem ntawm teb chaws Australia, kom lawv kub siab nias siab hlo siv lawv lub tsa peev xwm puv npo los ua lub neeg thiab pab txhim teb kho chaw raws li qhov lawv ua tau rau lub tebchaws Australia no.
Nirmal Singh tau hais tias vim tej neeg yeej xav tuaj nyob kom ruaj thiab xav thov ua pej xeem, yog li thiaj tsim nyog yuav tau kawm kom paub tias lub teb chaws Australia tej nom tswv thiab txoj kev tswj hwm thiab tej cai zoo li cas kom yus thiaj muaj peev xwm ras los ua ib feem ntawm lub teb chaws no thiab hu lub teb chaws no ua yus lub teb chaws tshiab, uas yog cov neeg Australia ib cov kev tos txais yus koom nrog lub teb chaws no.
Nyob rau lub caij uas ib txhia tseem xav mus kawm cov sob kawm no kom paub xwb, twb muaj ib txhia uas tau nrog tej neeg zejzog lis ntau yam dej nuam tau sib tw los ua nom zos, hos ib txhia ua muaj zoo laj lim tswv yim twb ho tau mus ua hauj lwm tam li yog cov neeg tawm tswv yim pab nom tswv xeev thiab tsoom hwv teb chaws lawm.
Salim Youseff uas yog ib tug tub koom siab ntawm pawg rooj saib xyuas thiab taw qhia txog Australia cov neeg zejzog nau haiv ntawm lub xeev WA (WA's Multicultural Advisory Committee) yeej ntseeg tias tsim nyog txhua leej txhua tus yuav tsum tau muaj feem koom nrog cov kev kho thiab tsim cai txhua yam kom thiaj li yuav tsim tau tej cai no coj los siv tau zoo haum rau ntau haiv neeg coj ntseeg kev cai dab qhuas sib txawv thiab hais lus tsis sib thooj ntawd.
Yog li lub hom phiaj ntawm tej sob kawm no yog xav kom tej pej xeem ntawm ntau haiv neeg tuaj nyob teb chaws Australia no kom kub siab muaj feem koom nrog lawv tej neeg zejzog, koom nrog tej kab ke tswj hwm lis laj fai kum xeeb thiab kom mus pov ntawv xaiv tsa nom tswv.#
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
