Nod yog cov lus uas Sherene Hassan uas yog tus qhia txog cov neeg Muslims thiab lawv cov kev coj ntseeg mooj kav moj coj Islam ntawm Islamic Museum of Australia cov lus:
“Australian values yog ib cov cai coj taug ua zoo zoo tib yam li lwm pawg neeg cov thiab yog cov uas siv tau rau sawv daws." “Kuv xav tias nyob rau lub caij muaj kev sib cov nyom tsis haum xeeb no ces nyob ntawm seb peb yuav taug txoj kev muab lwm tus ntshai, los yog peb yuav xaiv txoj kev totaub nkag siab lwm tus los sis peb yuav xaiv txoj kev cib nyeej tsis nyiaj ntxeem thiab tsis zam rau lwm tus, ces nyob ntawm seb peb yuav txiav txim siab ua zaj twg xwb."
“Cov neeg Muslims yee tau pab txhim kho ntiaj teb txoj kev vam meej tsis hais yuav yog tej duab, kab lis kev cai, science, architecture thiab tshuaj kev kho mob los tau ntau tiam neeg. Tsis tas li neeg Australia feem coob yeej tsis paub txog cov neeg Muslims tuaj nyob hauv tebchaws Australia cov kev pab tsim ncej xov tooj, tsim kev tsheb ciav hlau rau Australia siv thiab lawv yeej tau pab txhim teb kho chaw uas yog tej yam tseem ceeb neeg Australia thiab cov neeg Muslims yuav tsum paub thiab ua kev zoo siab kom lawv paub tias lawv muaj feem cuam tshuam nrog teb chaws Australia thiab yog lawv ib lub cim thawj thiab."
“Yog ib qho tseem ceeb uas peb yuav tsum tau nrog xyuas kom tej neeg muaj cib fim tau kawm thiab paub txog cov neeg Muslims thiab txoj kev coj ntseeg Islam tias qhia txog dab tsi tiag tiag thiab yog ib qho tseem ceeb peb yuav tsum tau txhawb nqa lub museum txuas ntxiv txhawb nqa kom tej neeg mus saib seb cov neeg Muslims ua dab tsi tom lawv tej tsev teev hawm thiab tsim cov koom txoos SalamFest."
Holy Quran-Tariq786-CC0 Creative Commons-Pixabay Source: Pixabay
“Cov neeg totaub yuam kev los sis ntaus nqe yuam kev rau cov neeg Muslims los sis cov mooj kav moj coj kev coj ntseeg Islam tsuas yog totaub yuam kev me ntsis xwb tsis muaj teeb meem ntau thiab siv caij nyoog los tham qhia qhov tseeb ces lawv hloov kev xav rau qhov zoo thiab nkag siab lawm. Thiab yeej tseem muaj ib cov uas coj yam ntxwm thiab cuj pwm tsis nyiam cov neeg Muslims thiab Islam kiag li, tab sis nyob ntawm lawv xwb, peb yeej qhib rooj lug tos lawv tuaj nrog peb tham thiab qhia qhov tseeb rau lawv, tab sis thaum cov neeg no tau tuaj nrog peb tham tag thiab ntsib peb zoo lawm ces lawv kuj hloov lawv cov kev xav tsis ntaus nqe yuam kev rau peb me ntsis lawm thiab." “Professor Kevin Dunn tau mus teeb txheeb ntau tus neeg Australia ces nws txheeb tau tias cov uas tau mus ntsib mus tham thiab ntau phooj ywg los yog paub cov neeg Muslims zoo ces yeej nyiam thiab tsis hais dab tsi ntau. Hos cov uas tsis tau ntsib tsis tau tham thiab paub los yog ntaus phooj ywg nrog lawv dua li ces yeej tsis nyiam thiab cib nyeej ntaus nqe yuam kev rau lawv."
“Kuv yeej ib txwm ua siab txias txias coj tus tus rau cov neeg tseem totaub yuam kev rau cov neeg Muslims thiab Islam thiab pab cov neeg no tu siab tias lawv tseem qaug rau toxj kev ntaus nqe yuam kev xav phem tsis zoo thiab ntxub ntxaug lwm tus. Qhia qhov ncaj lawm ces kuv tsis chim rau lawv. Vim kuv cov kev coj ntseeg yeej txhawb nqa kuv, thiab qhia kom kuv ua siab ntev. Phau vaj lug kub Quran yeej qhia tias: Yeej muaj tej neeg thuam koj vim koj cov kev coj ntseeg tab sis koj yuav tsum nyiaj ntxeem thiab txhob cib nyeej. Thiab yuav tsum siv txoj kev zoo los tig koj tus yeeb ncuab los ua koj ib tug phooj ywg. Kuv tsis nyiam nrog lawv sib cav tab sis xav sib txuas lus qhia kom lawv paub qhov tseeb xwb."
“Prophet Mohammad tau qhia tias "Yog koj tsis muaj lus zoo tham qhua txog lwm tus ces kaw qhov ncauj txhob hais dab tsi yuav zoo dua." Nws tseem hais ntxiv tias " ntshe tsis muaj leej twg yuav cia siab rau koj yog koj tsis hlub lwm tus li koj hlub koj tus kheej lawm." “ Kuv ntseeg tias vim txoj kev tsis paub tab thiab totaub yuam kev txog cov neeg Muslims los yog lawv txoj kev coj ntseeg Islams xwb. Yog lawv paub txog qhov tseeb lawm ces lawv yeej tsis hais tias cov neeg Muslims yog cov neeg tsis coj taug raws li Australia tej cai coj taug ua zoo (Values) li."
House of Allah-Abdullah Shakoor-CCO Creative Commons-Pixabay Source: Pixabay
“Kuv xav tias txhua cov activities uas cov neeg Muslims ua ntawd tsis yog yuav coj los hloov zej tsoom cov kev xav txog cov neeg Muslims, tab sis tsuas yog peb xav kho kom peb yog cov neeg zoo dua tuaj ntxiv xwb. Piv txwv li hnub "Clean Up Australia Day" uas peb tau mus koom ntawd los yeej yog vim peb txoj kev coj ntseeg qhia kom peb cam hwm lwm tus thiab qhia kom peb ua ib tug neeg zoo npaum li peb muaj peev xwm ua tau xwb."
"Cov neeg ntiag tug uas tseem totaub yuam kev txog txoj kev coj ntseeg Islam ntawd, ces kuv xav nug lawv tias, ho puas tau mus cuag mus ntsib mus nrog cov neeg Musliam tham dua los li? Puas yog lawv mus saib tej xov xwm qhia txog Islam los ntawm tej vam sab qub thiab cov facebook page uas tsis txaus ntseeg thiab qhia tej xov xwm cuav tsis yog tsis raug raws qov tseeb txog cov neeg Muslims los yog mooj kav moj coj Islams xwb? Thiaj xav hais kom lawv qee sij hawm mus xyuas Islamic Museum of Australia, mus koom tsev teev hawm Mosque rau hnub Mosque Open Day thiab nrog kiag cov neeg Muslims tham kom paub qhov tseeb ces nej tej lus thiab tej kev xav ntaus qes yuam kev yeej tsis muaj tseeb tsis muaj laj thawj li ne xav."
“Kuv twg tau siv sij hawm 15 xyoos dhau los no ua hauj lwm yeem thaj los txhawb nqa kom muaj kev sib haum xeeb ntawm cov neeg Muslims nrog rau lwm cov neeg uas coj ntseeg lwm cov kev coj ntseeg kom sib nkag siab. Tab sis tus neeg nto npe li Sonia Kruger tseem tau hais ib cov lus faib cai ntxub ntxaus thuam cov kev coj ntseeg Islam muaj ceem kawg nkaus thiab. ( Sonia Kruger tau hais kom yuav tsum txwv txog pub cov neeg Muslims tuaj ntau ntxiv rau teb chaws Australia). Ces thiaj ua rau kuv hais rau kuv tus kheej tias Sherene aw! ntshe tej hauj lwm kuv ua los zoo tib yam li mus ib kauj ruam tom hauv ntej ho thim 10 kauj ruam rov qab xwb yog tham txog cov xwm txheej no thiab cov kev rov qab xaiv Pauline Hanson los ua nom hauv tsev tsoom hwv dua."
“Yog li peb thiaj tseem kub siab txog tej neeg tsawg tsawg uas hais ub hais no thiab lwm tus kub siab txog nws nkaus xwb, yeej tsis los xyuas qhov tseeb. Tab sis kuv ntseeg tias yeej muaj neeg coob leej ntau tus zoo neeg uas tau pom txog cov neeg Muslims txoj kev ua zoo. Tsis yog kuv txoj dej num yuav los daws tej teeb meem ntawm cov neeg uas tsis pom zoo nrog peb tab sis peb tsuas xav txav ze nrog tej neeg zoo thiab qhia txog qhov tseeg txog peb rau lawv paub xwb." “Lub chaw Islamic museum lub hom phiaj yog xav tsim los txhawb nqa cov neeg Muslim lub cim thawj (Identity). Yog li tsis hais peb los sis tej chaw nthuav xov xwm tej lus tawm tswv yim ntawd yuav tsum tau ceev faj tsis txhob hais tej lus faib cai ntxub ntxaug rau cov neeg Muslims ntawd tias tsis xam muaj lawv thiab ntiab kom lawv kav tsij rov qab mus rau lub teb chaws lawv tuaj ntawd. Vim yog ib lub tswv yim phom sij heev."
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
