Hauv paus xov xwm:
- Reserve Bank of Australia hais kom tsis txhob siv cov debit/credit surcharges ntxiv
- Australia tus coj mus xyuas Suav tuam tshoj ib limtiam
- Ib co kev teeb txheeb tshiab qhia tias tej tswv lagluam them nyiaj hauj lwm tsawg thiab tsis them nyiaj superannuation rau tej hluas
Xov xwm luv tshaj tawm hnub zwj Quag (Tuesday news 15.07.2025):
Neeg txum tim coj tsoom fwv Australia mus hais plaub
Uncle Pabai Pabai uas yog ib tug tswv av neeg txum tim tau coj tsoom fwv teb chaws Australia coj mus hais plaub ntawm Federal Court liam tias tsoom fwv tsis kub siab daws tej teeb meem huab cua pauv hloov thiab tsis kub siab pov puag lawv tej teb chaws ntawm Torres Strait, uas lawv xav kom lub tsev txiav txim plaub nug no hais kom tsoom fwv los pov pug lawv tej zejzog, txo greenhouse gas.
Teeb txheeb txog poj niam cov kev coj khaub ncaws
Western Sydney University hais tias nws yuav siv ib co nyiaj ntawm lub koom haum Gates Foundation los teeb txheeb kom totaub txog poj niam cov kev coj khaub ncaws kom zoo tuaj ntxiv kom muaj peev xwm tswj tau tej xwm txheej no thiab pab kom tej poj niam thoob ntuj ua tau lub zoo neej tuaj ntxiv, ua ke no los kuj tawm tsma nrog cov kev pheej ntaus nqe tsis zoo rau poj niam cov kev coj khaub ncaws.
Cov kev ceeb toom txog kab mob hlwb txha
Tej kws paub zoo txog kab mob hlwb txha ceeb toom rau tej hluas thiab tej niam txiv kom ceev faj txog tus kab mob hlwb txha rau qhov twb muaj neeg kis coob txog li 18 tus ntawm NSW xyoo no lawm, vim tus kab mob bacteria no yuav ua rau tej neeg mob sab sai heev li yuav ua npaws, mob taub hau, caj dab txhav, ua pob liab, pob tsos hmab ntsha thiab doog thaum nyem ces kuj tsis ploj. Tej kws paub txog tus mob no thiaj xav kom qhia kom zej tsoom paub txog tus mob no thiab kub siab mus txheeb thaum tseem ntxov.
Australia tus coj mus xyuas Suav tuam tshoj
Australia tus thawj pwm tsav tseem yuav ntsib Suav tuam tshoj tus coj Xi Jinping ntawm Beijing hnub zwj Quag (Tuesday tim 15.07.2025) no thiab yuav tham txog lagluam, kev ruaj ntseg thaib Yang Hengjun uas raug Suav muab kaw. Labor yeej cog lus tias yuav xyuas kom rov qab tau Australia lub chaw nres nkoj Port of Darwin rov qab ntawm Suav ib lub tuam txhab rau Australia uas tej zaum yuav ua rau Suav tawm tsam lagluam nrog Australia los tau. Nws kuj ntsib Suav tus thawj pwm tsav thiab yuav nrog tej coj lagluam tham rau lub caij mus xyuas Suav 1 limtiam.
Reserve Bank of Australia (RBA) hais kom tsis txhob tsub cov nqe debit/credit card surcharges
Raws li RBA tau rov qab los txheeb cov debit/credit surcharges fees ces nws tau hais kom xaus tsis txhob sau tej nqe no ntxiv lawm, uas yuav pab tau tej customers thiab tej lagluam kom tsis txhob tau them se ib xyoos twg txog li $1.2 billion.
Ukraine tus coj ua tsaug rau Meskas cov kev pab
Volodymyr Zelenskyy uas yog Ukraine tus coj tau ua tsaug rau Meskas tus President Donald Trump cov kev tau los qhia tias nws yuav rau txim lagluam kom hnyav tuaj ntxiv rau Russia tom qab nws tau qhia tias yuav xa riam phom mus pab Ukraine yog tias Russia tsis kub sib nrog xyuas kom tso tseg tau cov kev ua rog ntawm Ukraine.
Tej tswv lagluam them nyiaj hauj lwm tsawg thiab tsis them nyiaj superannuation rau tej hluas
Tau muaj ib co kev teeb txheeb tshiab ntawm Melbourne Law School uas tau teeb txheeb nrog tej hluas tshaj 2800 tus hnoob nyoog qes dua 30 xyoo ces txheeb tau tias tej tswv lagluam them nyiaj hauj lwm tsawg dua $24.95 rau lawv thiab tsis them nyiaj superannuation rau tej hluas no txhua txhua ib tug ntawm plaub tug twg.
Kab mob dev vwm ntawm teb chaws Cob Tsib
Nyab laj phau ntawv xov xwm Tuoitre tau qhia tias tau muaj 6 tus neeg kis tau kab mob dev vwm ntawm lub nroog Dak Lak thiab tau nqua hu kom zej tsoom Nyab laj kub siab hno tshuaj tiv thaiv lawv tus kheej.
Nce nqe dej kim tuaj ntxiv ntawm tuam ceeb Viengchan
The Laotian Times tau tshaj tawm tias Nplog lub tuam txhab dej ntawm tuam ceeb Viengchan pom zoo yuav nce tej nqe dej rau lub sij hawm 3 xyoos ntxiv no txij xyoo 2025 no mus vim tej nqe tsim thiab lim dej los kum tuaj ntxiv.
Nplog cov pob zeb Nam No ntawm Khammuane raug teev zwm ua ntej teb tej peev txheej
Cov roob pob zeb Hin Nam No ntawm xeev Khammuane raug lub koom haum UNESCO teev ua tej khoom puav pheej qub ua thaj chaw zum 4 ntawm teb chaws Nplog lawm raws li Vientiane Times tau qhia.
Lub koom haum National Anticorruption Commission (NACC) cov kev tshuaj ntsuam Thaib tus thawj pwm tsav
Thaib lub tuam chav tawm tsam nrog cov kev ua tsis ncaj lwg noj lwg haus NACC tau pom zoo los tshuaj ntsuam Thaib tus thawj pwm tsav Paetongtarn Shinawatra tias seb puas yog nws ua tsis ncaj rau teb chaws Thaib cuam tshuam nrog tej lus kaw thaum tham xov tooj nrog Hun Sen uas yog Cambodia tus coj tsev kis xeev siab uas pom tias zoo li Paetongtarn qhau hau yuav ua raws li Hun Sen xav tau thiab tau tawm tsam nrog nws tus hau rog 2 ntawm cheeb tsam sab hnub tuaj qaum teb rau lub caij uas thaib lub tsev hais plaub txhooj cai tswj hais tau cheem tsis pub Thaib tus thawj pwm tsav ua hauj lwm raws li Bangkoj post tau qhia.
