Federica Mogherini uas yog European Commission tus coj tswj cov laj fai txawv teb chaws rau lub koom haum no tau cog lus rau ntiaj teb ntawm teb chaws Malta lub rooj koom txheej (Rooj sab laj) tham txog ntiaj teb cov hiav txwv (Malta Ocean Summit 2017) no tias European Union (EU) yuav pab nyiaj txog li 560 (Roob) millions Euros coj los khiav tej dej num 36 nqe uas tau npaj tseg los tu ntiaj teb cov hiav txwv kom huv si ntawd. EU kuj qhia ntxiv tias nws yuav pab nyiaj txog li 840 (Roob) million Euros coj los pab lis tej dej num no thiab.
Teb chaws Askiv (United Kingdom) tus tub huab tais Charles Philip Arthur George tau hais tias yog peb tseem tsis txuag thiab pheej txov tej hiav txwv ntxiv ces yuav ua rau peb tsis muaj peev xwm ua tau lub neej rau pem suab txuas ntxiv lawm. Nws tau hais ntxiv tias:
"Ntawm kuv ntiag tug ces kuv yeej ntseeg tias yog tej yam tseem ceeb tshaj plaws uas peb yuav tsum tau pauv hloov peb cov kev lagluam tam sim no mus ua cov lagluam uas tsim tau tej khoom coj los siv tab sis tom qab siv tag lawm yuav tsum tau coj tej khoom uas tseem zoo siv ntawd rov qab coj los siv dua ntxiv tsis hais yuav yog yam khoom dab tsi uas tseem zoo siv li."
European cov nom tsim cai los kuj tau qhia tias cov tswv yim npaj tseg yuav ua raws tau hais ntawd, yuav muaj peev xwm pab tau ntiaj teb cov lagluam txog li 90% thiab pab tsim tau hauj lwm ntau roob txoj rau tej neeg ua. Nws qhia tias yuav muaj kev koom tes los ntawm tej tuam txhab lagluam thiab ntau cov tsoom hwv los sib pab lis tej dej num no ua ke.
Cov kws paub zoo txog fab tsiaj nruab deg (Marine biologists) tau cej luam qhia ib cov xov xwm rau lub rooj koom txheej tham txog ntiaj teb cov hiav txwv ntawm teb chaws Malta (Malta Ocean Summit) tias tam sim no kiag tseem muaj cov roj hmab (Plastic) tom ntiaj teb tej hiav txwv ntau tshaj cov hnub qub saum nruab ntug lawm.
Ntxiv ntawd los lub koom haum ceev txuag thiab pov puag tej hiav txwv (Ocean Conservancy) los kuj tau cej luam qhia tias txhua txhua ib lub xyoos twg ces yeej muaj tej pastic raug tso mus paug tsuas rau ntiaj teb cov hiav txwv txog li 8 million metric tonnes diam.
Yog li no Nicholas Mallos uas yog ib tug kws paub zoo txog fab tsiaj muaj sia hauv nruab deg thiab ho yog tus coj lub koom haum Trash Free Sea los sis lub koom haum pov puag kom cov hiav txwv txhob muaj tej khoom seem txeej (Rubbish) paug tsuas thiaj tau qhia tias nws muaj lub zeem muag xav los txo kom tau ntiaj teb tej khoom tsim coj los qhwv khoom siv ntawm kom tsawg thiab txhog mus paug tsuas rau tej hiav txwv ntxiv lawm.
"Nws hais tias cov khoom hais no feem ntau los cov teb chaws tab tom txhim kho ua cov tsim los siv, vim lawv muaj pej xeem coob thiab siv roj hmab ntau heev. Tsis tas li ntawd los tseem tsis muaj tej tswv yim zoo los txheeb xyuas kom rov qab coj tau cov plastic los yog tej khoom zoo siv coj rov qab mus siv dua ntxiv, ces thiaj li muaj tej teeb meem hais no."
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
