Associate Professor David Slucki uas yog tus coj lub koom haum Australian Centre for Jewish Civilisation tau qhia rau SBS Examines tias los lua antisemitism ces yeej txhais tau lub ntsiab lus tias ''yog cov kev ntxub los yog cov kev faib cais tsis nyiam tsav neeg Jews''.
''Tej zaum kuj yog ib cov kev ua phem, ib co cim, ib co lus tsis zoo, ib co kev txuag xim hais lus phem. Tej zaum kuj yog ib co kev hawv uas rau neeg Jews ntshai vim lawv yog neeg Jews. Tej zaum kuj yog ib co xwm txheej li tsis pub lawv koom zejzog, koom ib co kab lis kev cai twg los sis koom ib co lajfai kum xeeb twg. Los sis yog ib yam dab tsi uas tiv thaiv kom neeg Jews tsis txhob muaj peev ua ua tau tub koom siab yam tau txais vaj huam sib luag ntawm tej zejzog uas lawv nyob.''
Nomi Kaltmann ces yog ib tug poj niam Orthodox-Jewish nyob ntawm Melbourne. Nws hais tias ua rau muaj tej neeg ntshai hauv nws lub zos txij thaum tau muaj tej xwm txheej tim 7 lub 10 hli ntuj xyoo 2023.
Nws hais tias ''Peb yeej tseem txaus siab hlo tias peb yog neeg Jews thiab yeej tseem ua lub neej tam li neeg Jews. Tab sis peb yuav tau ib nyuag ceev faj tshaj qub ntxiv dua yav dhau los.''
"Tsis hais ib lub tsev teev hawm twg ntawm Melbourne no li, yeej muaj ib tug neeg tswj kev ruaj ntseg zov sab nraum zoov pov puag tej neeg. Thiab kuv xav tias tej neeg Australia feem coob kuj ceeb thaum lawv hnov tias nod yog tej xwm txheej uas neeg Jews ua lub neej ntawm lub teb chaws no. Tab sis kuv xav tias yog tej yam txaus tu siab heev uas yuav tau ua lub neej li no, thiab kuv yeej swm lawm, tab sis kuv tsis lees txais tias tsim nyog tej neeg Jews ua lub neej zoo li no ntawm lub teb chaws no.''
Toom xov xwm kaw ua suab no yog tham txog cov kev totaub txog cov kev sib ntxub, thiab peb mus txheeb tias tej xwm txheej faib cais ntxub ntxaug tsis nyiam neeg Jews tau ua rau muaj teeb meem dab tsi rau Australia tam sim no.
Additional production by SBS Hebrew
