Xovxwm zwj Kuab 2020.04.24: Australia tseem txhawj tsam muaj neeg kis tau COVID-19 ntxiv, EU npaj nyiaj los pab lagluam, Donald Trump hais tias tej zaum sab hnub thiab tej tshuaj infactant yuav pab tau tej neeg mob COVID-19

Australia tej nom tswv tswj kev noj qab haus huv ceeb toom tias ntshai tsam rov qab muaj neeg kis tus mob COVID-19 no dua ib zaug ntxiv, Europe tseem sam sim npaj ib cov nyiaj los pab nws cov lagluam thiab Meskas tus coj Donald Trump hais tias tej zaum sab hnub thiab caij ntuj sov, thiab cov tshuaj disinfectant yuav pab kho tau tus mob COVID-19,...

Caij hnub tawm ntawm nroog Melbourne Source: SBS

Txhua tus neeg ntawm teb chaws Australia yuav tsum nyob kom nrug ntawm lwm tus neeg deb li 1.5 metres, thiab nom tswv tsuas pub 2 tug neeg ua ke xwb tsuas yog tias ntshe tej neeg ntawd ho yog koj tsev neeg los yog koj yim neeg uas yog tib lub tsev ua ke xwb.

Yog koj ntseeg tias tej zaum koj kis tau tus kab mob virus no lawm, txhob mus ntsib koj tus kws kho mob tab sis hu mus nrog koj tus kw kho mob tham los yog hu mus rau lub koom haum National Coronavirus Health Information Hotline tus xov tooj 1800 020 080. Thiab yog koj txog txog siav ua tsis tau pa thiab mob hnyav heev ces hu rau tus xov tooj 000 thov kev pab cuam tau.

SBS yeej kub siab los qhia tej xov xwm tshiab txog cov kab mob coronavirus (COVID-19) ua 63 hom lus rau Australia tej neeg zej zog. Yog koj xav paub txog ntau yam xov xwm ua ntau hom lus ces koj mus txheeb xyuas tau ntawm sbs.com.au/coronavirus thiab txheeb xyuas tau cov xov xwm no ua ntawv Hmoob thiab lus Hmoob ces mus saib tau ntawm SBS Hmong.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm google podcasts, spotify, thiab apple podcasts los yog download SBS Radio App kom koj mloog tau SBS Hmong.