Xov xwm luv tshaj tawm hnub zwj Quag (Tuesday newsflash 03.06.2025):
Lub koom haum Fair Work Commission tau qhia tias Australia tej neeg ua hauj lwm khwv tau nyiaj tsawg tshaj plaws yuav tau nyiaj hauj lwm ntau tuaj ntxiv txog li 3.5 feem pua, thiab yuav nce tej nyiaj hauj lwm no txij hnub tim 1 lub 7 hli ntuj (2025) no mus.
Yuav teeb tsa lub koom haum Multicultural Affairs ntawm lub tuam chav Department of Home Affairs tom qab tau muaj cov hauj lwm multicultural affias thiab settlement services sib sau ua ke nrog cov community grant programs, uas Anne Aly uas yog ib tug nom poj niam neeg Muslim yuav ua tus tswj.
Tau muaj lub koom haum Australian Institute of Family Studies (lub koom haum teeb txheeb txog tej cuab yig) ib co kev teeb txheeb tau txheeb tau tias muaj tej txiv neej neeg Australia ntau tshaj 1 tug ntawm 3 tug twg uas muaj hnoob nyoog txij 18 txog 65 xyoos yeej tau siv kev tsim kev kub ntxhov ib zaug twg ntawm lawv lub neej los ua kom lawv tus poj niam/hluas nkauj ntshai thiab txhawj txog li 32 feem puas thiab muaj tej xwm txheej ntau cev ntaj ntsug txog li 9 feem pua.
Tanya Plibersek uas yog ib tug nom ntawm pab nom Labor tau nrog Senator Dorinda Cox zoo siab tom qab nws tau tsis ua nom nrog pab nom Greens thiab tau los koom ua ib tug nom nrog pab nom Labor vim nws hais tias Labor tej cai haum rau nws dua.
Lub koom haum Red Cross tau muaj cov kev nqua hu ceev nrooj kom tej neeg Australia mus tso ntshav, vim tsis muaj ntshav txaus siv, thiab hom ntshav O+ thiab O- yog ob yam uas tej tsev kho mob xav tau siv tshaj plaws coj los pab tej xwm txheej ti tes ti taw.
Lub koom haum Commonwealth Ombudsman hais tias lub koom haum Services Australia tsis kub siab nrog xyuas tej teeb meem financial abuse ntawm nws cov kev pab Child Support Program. Raws li lub koom haum no tsab ntawv cej luam tshiab qhia ces Centerlink ua tsis ncaj los yog ua tej yam tsis tsim nyog ua thaum los tswj tej child support, txawm tej niam txiv tau yws tias lawv tus txiv/niam nram ntej ub dag txog cov child support thiab tsis mus thov se.
Cambodia tus coj Hun Manet tau coj tsoom fwv Thaib coj mus hais plaub nrog rau ntiaj teb lub tsev hais plaub (World Court los yog International Court of Justic -ICJ) vim tsis txaus siab rau tej ciam teb uas tsis haum xeeb nrog Thaib ntau limtiam tsis ntev los no raws li Bangkok Post tau tshaj tawm.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
