Tsoomfwv Australia tau qhia tias nws yuav tsis pub tej tswv tsev thiab tswv chaw ntiab tej neeg ntiav tsev nyob thiab ntiav chaw ua lagluam tawm thiab tej zaum kuj yuav tsis pub sau tej nqe ntiav tsev rau lub sij hawm 6 lub hli.
2 tog yuav tau los sib tham seb yuav them tau tej nqe ntiav tsev no rau lub caij tseem muaj tus kab mob coronavirus COVID-19 kis thoob ntuj no li cas, yog tias tej neeg ntiav tsev nyob poob hauj lwm thiab khwv tau nyiaj tsawg dua qub, los sis yog tej tswv lagluam ntiav chaw siv ua lagluam khwv tsis tau nyiaj li qub kom them tau tej nqe ntiav tsev thiab ntiav chaw rov qab rau tej tswv tsev thiab tswv chaw.
Tab sis yeej muaj ntau yam kev pab cuam los ntawm tsoom hwv Australia los pab rau sawv daws rau lub caij no thiab los yog sab laj nrog lub koom hau National Debt Helpline tau.
Tsis tas li no tej nom tswv ntawm tej xeev los yeej tau qhia tias lawv yeej yuav txwv tsis pub tej tswv chaw ntiag tej neeg ntiav tej chaw no tawm thiab yeej muaj ib cov nyiaj ntau roob (million) dollars coj los pab cuam tej hauj lwm no uas koj mus txheeb xyuas tau tej xov xwm no ntawm lub koom haum Tenants Unions ntawm lbu xeev koj nyob ntawd.
Thiab yog koj xav paub txog tej xov xwm qhia txog cov kev ntiav tsev nyob rau lub caij muaj kab mob coroanvirus COVID-19 sib kis ces txheeb tau ntawm nod.
Los yog tias koj tsis muaj peev xwm sib khom nrog tus tswv tsev thiab tswv chaw ces koj sib txuas thiab txheeb xov xwm txog tej hauj lwm no nrog lub koom haum Fair Trading ntawm lub xeev koj nyob tau.
Tsis tas li no yog koj xav paub txog koj txoj cai tam li yog tus neeg ntiav tsev nyob thiab tus tsev tsev ces koj muaj peev xwm txheeb tau xov xwm ntawm lub koom haum Property Council of Australia log yog koj ho txom nyem nyiaj txiaj thiab xav tau txais kev pab cuam rau koj ces txheeb xyuas tau tsoom hwv Australian cov kev pab cuam economic response rau lub caij muaj kab mob coronavirus (COVID-19) no tau.
