Cov neeg ua hauj lwm zuaj lwm tus neeg raug nias tsam kom yuav tau provide cov services no rau lwm tus siv. Tab sis tej tswv lagluam zuaj neeg yeej tsis kub siab txog cov neeg no thiab cia lawv tus kheej yuav tau los pov puag lawv xwb tsis hais yuav yog ntsig txog fab kev muaj cai ua hauj lwm ntawm tej chaw hauj lwm, txoj kev noj qab haus huv thiab txoj kev nyab xeeb ntawd. Yog li no xov tooj cua SBS Radio Thaib Program nrog rau SBS TV program The Feed thiaj yog 2 tug uas mus nrhiav zaj xov xwm no coj los nthuav qhia rau sawv daws paub.
Cov chaw zuaj neeg (Massage parlours) yeej muaj cov neeg ua hauj lwm zuaj lwm tus txaus siab rau lwm tus neeg ntiav tau lawv deev hauv tebchaws Australia no. Tab sis cov lagluam no yeej ua txoj tsis lees paub tias muaj cov services no li.
Raws li SBS Radio Thaib Program thiab SBS Television The Feed tau mus tshuaj ntsuam xyuas lawm ces txawv tej lus ua tej tuam txhab ua lagluam zuaj neeg no hais.
Cov poj niam neeg tsiv teb tsaws chaw los yog cov tub kawm pej kum haiv poj niam uas yog cov neeg Asian thiab cov txiv neej gay yog cov neeg uas raug ntxias kom mus ua tej hauj lwm no, vim lawv xav tias khwv tau nyiaj zoo heev. Tab sis tej tswv lagluam zuaj neeg yeej tsis muaj cai teev ua ntaub ntawv tseg coj los pov puag tej neeg no li.
SBS Thai tau koom nrog The Feed ntawm SBS Viceland mus txheeb xyuas cov teeb meem no. Mloog xov xwm ua suab ua lus Akiv tau ntawm no.
Mloog tau zaj xov xwm ntawd nod:
Happy Endings
Joy uas yog ib tug me yes poj niam thaib muaj hnoob nyoog tshaj 30 xyoo uas tsis yog nws lub npe thiab tsis xav qhia kom lwm tus paub tias nws yog leej twg tiag, tau qhia rau tsev nthuav xov xwm SBS tias, nws twb tau ua hauj lwm nrog cov chaw zuaj neeg ntawm Sydney ntau lub rau lub tau ib xyoo. Nws qhia tias thaum nws tseem nyob Thaib teb ces nws yeej tsis paub tias cov lagluam zuaj neeg no cov neeg ua hauj lwm zuaj lwm tus tseem raug ntiav deev hauv Australia no li. Nws yeej tsis xav li tias yuav ua lwm yam hauj lwm ntxiv dua ntawm cov kev zuaj neeg tiag tiag ntawd li. Joy hais tias nws yeej tsis xav tias yuav los ua tej hauj lwm raug lwm tus ntiav deev yus no li tab sis pheej muaj tej neeg mus zuaj ib ce ntawd nug thiab hais nws ntau zaus ces thiaj ua rau nws mloog tau tias raug nias tsam kom ua tej hauj lwm no. Yog li thaum kawg ces nws thiaj pom zoo rau tej neeg ntiav deev nws lawm thiab.
Cov services uas cov poj niam no ua ces yeej muaj cov services li liab qab zuaj cov castomers, pab lawv sib deev, yaim lawv thiab nrog kiag lawv sib deev uas tau nyiaj txij li ntawm $15 mus txog rau $150 ntawd. Cov nyiaj no ces khwv tau npaum li cas los yeej yog nws li tag nrho. Thiab Joy qhia tias nws khwv tau nyiaj ntshuab ib plua (Limpiam-week) twg ze txog li ntawm $1,700 diam.
Dr. Helen Pringle, uas yog ib tug zes kais qhia ntawv txog fab Social Science ntawm txhooj faj lem (Tsev kawm qib siab) University of New South Wales uas nyiam teeb txheeb txog fab kev nyiag neeg coj mus siv yam tsis raug kev raug cai los yog coj mus yuam ua qhev sib deev (Human trafficking and sexual slavery) hais tias.
"Yeej muaj tej chaw ua lagluam zuaj neeg raug kev raug cai thiab uas tej zaum yeej muaj cov neeg zuaj lwm tus raug ntiav kom sib deev nrog lwm tus neeg. Hos tej lagluam no los yeej tsu siv lub tswv yim no kom tau txais txiaj ntsim rau lawv thiab. Tab sis tej zaum kuj yuav tsis yog cov kev sib deev tiag tiag kiag li cov kev ua niam ntiav ntawd."
Txawm tias cov kev muag yus tus kheej rau lwm tus deev tsis yog ib cov kev ua txhaum cai hauv tebchaws Australia, los Australia yeej muaj tej cai tswj cov lagluam niam ntiav siv sib txawv txawv ntawm tej xeev, nom tswv zej zog thiab tej tub ceev xwm ntawd thiab. Tsis tas li no los yeej tsis muaj peev xwm yuav tswj tau tej lagluam no yooj yim yog tham txog tej kev noj qab haus huv, tej chaw ua hauj lwm thiab cov kev nyab xeeb lawm.
"Joy hais tias nyob ntawm yus seb puas xav mus txheeb xyuas seb yus ho puas kis tej kab mob kas cees los yog seb yus puas muaj mob dab tsi xwb. Thaum xub uas kuv tuaj txog lub teb chaws no ces kuv ib tug phooj ywg hais kom kuv mus ntsuam xyuas ces 6 hli twg kuv thiab mus ntsib kws kho mob ib zaug."
Dr. Helen Pringle hais tias raws li Australia thiab pej kum haiv tej cai tswj tsis pub ua luam nyiag neeg siv yam tsis raug kev raug cai (Trafficking protocol) tau teev tseg, ces tsis tas yuav tsum yog ib tug neeg twg raug lwm tus nyiag txhom, raug xauv saw hlau rau ntawm txaj los yog raug muab ceev tseg cia es mam li yog cov teeb meem nyiag neeg siv yam tsis raug kev raug cai. Qhov no txhais tau tais cov neeg no yeej yog ib cov neeg tsim teeb meem rau los yog raug lawv siv yam tsis raug kev raug cai lawm.
Tab sis Joy uas yog ib tug poj niam Thaib ho xav txawv tej lus hais ntawd thiab nws qhia tias:
"Nws yeej tsis tau hnov tej lus hais ntawd dua los li thiab tsis ntseeg tias nws yog ib tug neeg raug lwm tus siv yam tsis raug kev raug cai, vim nws txhua tus phooj ywg uas ua tej hauj lwm no yeej tuaj yeem txhaus siab hlo ua raws li lawv tus kheej pom zoo xwb, vim lawv pom tau tias yog ib cov hauj lwm uas khwv tau nyiaj zoo dua lwm yam hauj lwm."
Dr. Pringle tau hais ntxiv tias tsim nyog teb chaws Australia yuav tau qog qab raws thiab siv cov tebchaws Nordic (Netherlands, Denmark, Finland, Sweden and Iceland) tej cai coj los tswj cov lagluam niam ntiav uas rau txim rau cov neeg pheej mus ntiav lwm tus deev, tab sis ho tso cai rau tej neeg muag lawv tus kheej rau lwm tus ntiav deev tau tsis txhaum dab tsi thiab. Nws tseem tau txhab ib cov lus ntxiv tias, xav kom Australia yuav tsum teeb tsa ib pawg tub ceev xwm uas tej poj niam ua tej hauj lwm no, muaj peev xwm mus yws mus qhia mus tham thiab nug txog tej teeb meem no yam tsis tas yuav ntshai los yog txhawj tsam lawv ho coj mus nthuav qhia rau lwm tus paub coj los siv ntxiv thiab.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais ddhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
Thiab tseem mloog tau ntawm digital TV tshooj 38 ntxiv thiab.
