Lub caij uas tau muaj neeg nqua hu kom yuav tsum tau hloov Australia zaj nkauj haiv ntawd, tus hau xeev New South Wales Gladys Berejiklian tau koom nrog zej tsoom sawv daws nqua hu kom yuav tsum tau los hloov thiab kho Australia zaj nkauj haiv kom sawv cev tau rau Australia cov keeb cag neeg nrog rau txhua tsav neeg nyob ntawm lub teb chaws no thiab.
Zej tsoom sawv daws yeej tau nqua hu kom hloov Australia zaj nkauj haiv dhau los lawm thiab piv txwv li los lus "We are young and free" los ua we are one and free."
Nws kuj tau qhia ntxiv tias yav dhau los los kuj tau hloov ib sob lus li " Australia's sons let us rejoice" los kuj rau hloov los ua "Australians all let us rejoice" kom ho suav tej poj niam koom nrog rau thiab.
Thiaj tau ua rau tus hau xeev Berijiklian ntawm xeev New South Wales thiaj tau qhia rau Australia lub chaw nthuav xov xwm Australian Broadcasting Corporation-ABC tias tsuas yog hloov cov ntsiab lus me ntsis kom los muaj kev cam hwm Australia tej keeb cag neeg tej keeb kwm thiab tej kab lis kev cai rau hauv zaj nkauj haiv no xwb.
Ms Berijiklian hais tias - Kuv xav tias txog caij lawm uas yuav tsum tau lees paub cov keeb cag neeg uas tau nyob rau daim av no los tau ntau caum txheeb xyoo. Yog tej yam ua rau kuv tu siab heev thiab peb yeej tau nyiaj ntxeem dhau ntawm ib lub xyoos nyuaj heev rau peb, yog li ntawd cov kev sib koom npoj thiaj yog ib cov tseem ceeb heev, thiab cov kev lees paub tag nrho Australia txhua yam tseem ceeb ntawm peb lub teb chaw yog tej yam tsim nuj heev. Thiab kuv mloog tau tias zoo li peb zaj nkauj haiv no yeej tseem tsis tau qhia txog lawv los yog lawv tej keeb kwm rau hauv li.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm google podcasts, spotify, thiab apple podcasts los yog download SBS Radio App kom koj mloog tau SBS Hmong.
