Raws li lub koom haum Hmong Inovating Polictics tau qhia, tej zaum nom tswv yuav muab ib cov neeg Hmoob thiab neeg Nplog uas tau ua txhaum cai dhau los xa rov qab mus rau teb chaws Nplog los kuj tau.
Dhau los nom tswv America kuj xav muab ib cov neeg Nplog txog li ntawm 10 leej xa rov qab rau teb chaws Nplog tab sis nom tswv Nplog tsis kam tos thiab txais rov qab ces thiaj tau txwv tsis pub visa rau Nplog ib cov nom tswv thiab cov neeg ua lagluam mus rau teb chaws America lawm. Nom tswv Nplog thiaj tau tos 2 tug ntawm 3 tug mus rau Nplog teb lawm thiab tseem tshuav li 7 tus tseem yuav nug cov neeg no txuas ntxiv raws li Nplog lub tuam chav lis laj fai pej kum Ministry of Foreign Affairs, Lao PDR tau qhia.
Tsis ntev los no nom tswv America kuj tau qhia tias yuav muab 40 tawm leej neeg Cambodian xav rov qab rau teb chaws Cambodia lawm thiab tseem npaj yuav xa 100 leej ntxiv rau xyoo no raws li Huffington Post tau qhia.
Cov xwm txheej cuam tshuam txog America tus kws lij choj Brett M. Kavanaugh uas president Donald Trump xav teeb tsa nws los ua ib tug Justice ntawm US Supreme Court uas raug Dr. Christine Blasey Ford iab liam ntawd ces US Senate Judiciary Committee tau qhia rau US Justice Department tias yog ib cov lus iab liam tsis muaj tseeb, thiab Mictch McConnell uas yog tus coj Senate Majority Leader los kuj tau hais tias cov lus iab liam Mr. Kavanaugh tsi muaj tseeb tiag thiab tsis muaj pov thawj tim khwv txaus vim cov neeg tus poj niam no liam yeej teb tias lawv tsis paub thiab tsis tau mus koom lub khoob tsheej ua muaj cov xwm txheej no. Txawm li cas los senator Jeff Flake ntawm xeev Arizona yeej tau hais kom tsoom hwv yuav tsum tso cai thiab pub lub sij hawm 1 plua (week) rau FBI los txheeb xyuas cov teeb meem no kom tau qhov tseeb tso. Tab sis txawm li cas los US President Donald Trump yeej yuav tsis xaiv tus neeg tshiab los hloov Kavanaugh thiab yeej xav xaiv nws los ua ib tug Justice rau US Supreme Court xwb xwb li. Trump tau liam tias yog pab nom Democrats cov tom txwv ua yeeb yam ua si thiab nrhiav teeb meem rau tus judge no xwb. Nrog rau lwm yam xov xwm hauv ntiaj teb uas Dr. Vam Huas Yaj tshaj tawm rau koj mloog.#
Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab www.sbs.com.au/hmong rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store https://apple.co/2pLgvCX thiab ntawm Google Play http://bit.ly/2GuIRv los yog download xov xwm kaw ua suab (Podcasts) ua lus Hmoob thiab lus Askiv tau ntawm www.sbs.com.au/podcasts/yourlanguage/hmong los sis download tau ntawm https://www.stitcher.com/podcast/sbs-radio/sbs-hmong thiab ntawm iTunes https://itunes.apple.com/us/podcast/sbs-hmong/id814724207?mt=2 tuaj koom ua tub koom siab thiab koom mloog tau tau ntawm #SBSHmong lub Facebook page www.facebook.com/sbshmong tau.
