Hmoob lub koob tsheej Hmong Australia Festival xyoo 2018 lub 6 hli ntuj tim 09 no tau muaj nom tswv zejzog, nom tswv theem siab thiab tau tswj dej num ntawm Victoria Multiclutural Commission dhau los nrog rau ntau cov neeg zejzog tau tuaj seev cev koom rau lub koob tsheej no coj los ua ib co kev ceev txuag thiab khaws Hmoob tej kab lis kev cai,lus thiab ntaub ntawv thiab lub cim thawj kom yog ib feem ntawm Australia tej neeg zejzog ntau tsav neeg nyob hauv Australia no.
Hmong Australia Festival tau pib qhib rau tim 09 lub 6 hlis xyoo 2018 sij hawm 6 thaus tsaus ntuj mus txog ib tag hmo.
Ces lub koob tsheej no tau pib los hais lus fim hawm txog Australia cov keeb cag neeg uas yog tus tim tswv teb chaws Australia thiab zoo siab tos txais tsoom qhua tswj xeeb uas muaj nom tswv zos, nom tswv theem siab ntawm pab nom Liberal Party thiab Victoria Multicultural Commission dhau los nrog rua lwm cov neeg zejzog li Fillipino, Lao-Thai Geelong community, Indian community thiab Vietnamese community tau mus koom. Ntxiv ntawv yog muaj Tou Saiko Lee uas yog Hmoob ib tug tub nqua yas suab nrog rau Mena Lor uas yog Hmong Australia Idol dhau los thiab De Ja Vue band hauv Melbourne tau koom tsim kev lom zem rau Hmong community uas tau mus koom lub koob tsheej Hmong Australia Festival 2018 no.
Indian, Hmong and Vietnamese dance team singing Australian National Anthem-SBS Source: SBS
Tom qab ntawd ces sawv daws tau sawv fim hawm thiab nqua Australia zaj nkauj haiv.
Pachai Xyooj uas yog tus tuam thawj tswj ntawm lub koom haum Hmong Australia Festival tau los hais lus qhib lub koob tsheej no thiab zoo siab tos txais tsoom qhua tshwj xeeb thiab tshab txhais txog tias yog vim li cas thiaj tsim tsa lub koom txoos no. Ntxiv ntawd kuj tau ua tsaug rau VMC thiab Hmoob tej tuam txhab lagluam los yog tej koom haum uas tau pab txhawb nqa thiaj ua tau lub koob tsheej no tiav raws siab xav.
Mr. Xyooj hais tias lub hom phiaj ntawm lub koob tsheej no yog xav qhia Hmoob rau Australia lwm cov neeg zejzog paub kom muaj peev xwm ceev txuag tau Australia tej kab lis kev cai, lus thiab ntaub ntawv, nrog rau Hmoob lub cim thawj kom Australia lwm cov neeg zejzog hais ntau hom lus sib txawv thiab coj ntseeg tej kab lis kev cai sib txawv paub txog Hmoob thiab. Vim lub koom haum Hmong Australia Festival yog ib lub koom haum tsis nce rau nomt swv thiab tsim tsa coj los sawv cev rau Hmoob. Yog li Kim Paj Cai Xyooj thiaj xav kom tej neeg zejzog Hmoob mus koom lub koob tsheej no thiab txhawb nqa nws tej koom txoos thiab muaj feem xyuam mus koom lub koob tsheej no. Vim rau qhov peb nyob teb chaws Australia no lawm ces yeej yuav tau koom tau poo thiab tau xyaws nrog lwm lub zejzog neeg hauv Australia no.
Tom qab ntawd Carly Moore, uas yog tus lwm coj Hume City Council tau hais tias nws zoo siab heev uas tau tuaj koom Hmoob Australia Festival thawj xyoo no.
Deputy Mayor of Hume City Council-SBS Source: SBS
Hume yog ib lub zos uas loj hlob sai heev, thiab muaj ntau cov cib fim rau council los tsim cov kev pab cuam rau tej neeg coj ntseeg ntau yam kev cai dab qhua thiab hais ntau hom lus tsis sib thooj yog ua ke, vim yeej yog ib cov neeg zejzog li hais no, ces thiaj ua rau muaj cib fim ntau heev rau peb tsim tej kev pab cuam pub rau tej neeg sawv daws raws li qhov lawv xav tau. Tsis tas li kuv xav tias kev paub lus Askiv zoo yog tej yam txuj tseem ceeb heev rau txhua leej txhua tus ua lub neej hauv teb chaws Australia no, tab sis kuv yeej xav tias cov neeg tsiv teb tsaws chaw yeej muaj peev xwm yuav ua tau ntau yam los pab tau rau peb tej neeg zejzog thiab pab teb chaws Australia, thiab kuv yeej xav kom lawv ua li no, tab sis kuv yeej yuav pab lawv kom lawv muaj peev xwm ua tau li hais no, raws li Moore tau qhia rau SBS Radio Hmong Program.
Tsebin Tchen, ces yog ib tug neeg Australian caj ceg neeg Suav thiab yog thawj tug neeg Asian uas raug xaiv mus ua nom hauv tsev Keeb theej tswj (Senate) nrog Australia pab nom Liberal Party dhau los, tsis tas li no los nws tseem yog tus qub coj rau Victoria Multicultural Commission (VMC) dhau los thiab. Nws tau qhia tias tsoom hwv Victoria yog tus tau tsim tsa lub koom haum no los tau tshaj 20 tawm lub xyoo no thiab niaj hnub niam no tseem lis tej dej num pab tej neeg zejzog txuas ntxiv.
Tsebin Tchen former MP for Victoria Liberal Party for Australian Senate and former Victoria Multicultural Commissioner-SBS Source: SBS
VMC raug tsoom hwv xeev Victoria teeb tsa coj los ua ib tug coj tuam kom muaj kev sib cuag tau nrog rau Australia ntau cov neeg zejzog uas coj ntseeg ntau hom kev cai dab qhuas sib txawv thiab hais ntau hom lus tsis sib thooj kom musj kev sib cuag mus los thiab muaj kev sib txuas lus nrog tsoom hwv xeev, kom peb thiaj li muaj peev xwm paub txog tias tej neeg zejzog ho xav tau kev pab cuam dab tsi thiab ho muaj teeb meem dab tsi thiab kom muaj peev xwm qhia tau tsoom hwv tej cai thiab tej dej num cuam tshuam txog cov neeg zejzog no rau tej neeg no paub. Vim txhua txhua tus tsoom hwv Victoria yeej kub siab los lis VMC tej dej num ua ntuv zus, uas txhais tau tais txhua tus tus pej xeem Victorian yeej tau txais kev vaj huam sib luag, thiab raug lees paub txog tej txiaj ntsim uas lawv tau tuaj pab txhim teb kho chaw, tsis tas li no peb tseem xav kom sawv daws txaus siab thiab muaj kev zoo siab rau lawv tej kab li kev cai thiab. Kuv zoo siab heev tau tuaj koom lub koob tsheej ntawm nod hmo no nrog rau cov neeg zejzog Hmoob kom ho tau los qhia txog lawv tej kab lis kev cai thiab kom ho muaj lwm cov neeg zejzog tau tuaj muaj feem koom qhia txog lawv tej kab li kev cai tib yam thiab, ces thiaj yog ib yam dej num ua tau tiav raws li nej muaj feem kub siab lis kom tau kom ras los ua ib feem ntawm Victoria tej neeg zejzog uas muaj feem koom nrog ntau cov neeg zejzog thiab. Kuv vam thiab cia siab tias nej yuav tswj tej koom txoos thiab koob tsheej no rau ntau lub xyoo txua ntxiv no mus.
Rare Diamond kuj yog ib pab me nyuam ntxhais Hmoob uas tau xub los seev cev rau sawv daws tau saib thiab qhia txog Hmoob tej tsoo tej zam tias zoo li cas. Koj muaj peev xwm saib tau lawv cov kev seev cev ntawm no:
Tau muaj ib tug coj ntawm cov ib pab neeg Indian uas tau tuaj koom seev cev rau lub koob tsheej Hmong Australia Festival thiab tias lawv mloog tau tias muaj txoj kev hlub tshua thiab txoj kev sov siab thiab ua rau lawv zoo siab puv npo thaum tau tuaj koom ua yeeb yam nrog lub koob tsheej Hmong Australia Festival xyoo 2018 no. Tus coj ntawm pab neeg Indian uas seev cev no tau qhia tias lawv yuav siv cov kev seev cev Bharatntyam uas yog ib cov kev seev cev Natri qub qub nrog rau cov yas suab tiam tshiab. Koj muaj peev xwm saib tau lawv cov kev seev cev tau ntawm no:
Tou Saiko Lee, Los kuj yog ib tug hluas Hmoob nyob teb chaws America uas siv cov txuj paj nruag Hip-Hop thiab Rapper xyaw kev hais paj huam Hmoob nrog rau cov kev hais kwv txhiaj coj los koom ua ke rau cov kev nqua yas suab qhia txog Hmoob lub cim thawj, qhia txog Hmoob ub neej qub qab dhau los thiab Hmoob lub neej pem suab, thiab tau siv cov txuj paj nruag los ua ib cov kev sib txuas lus nrog ntau phaum neeg tsis hais nrog cov laus thiab cov hluas thoob ntuj kom paub txog Hmoob keeb kwm thiab lub neej yav nram ntej ub mus txog rau lub neej tiam tshiab no.
Koj muaj peev xwm mloog thiab saib tau Tub Saiv Kos Lis zaj yas suab ntiaj teb koom tes uas coj mus tso rau hauv xov tooj cua SBS Radio Hmong Program lub va sab tau ntawm no:
Hos cov neeg zejzog Cob tsib (Nyab laj) los kuj tau coj nws pab neeg tuaj seev cev raws Nyab laj cov kev seev cev Nola thiab cov kev seev cev uas hnav Japanese cov khaub ncaws Kimono seev cev raws Nyab laj cov suab paj nruag. Koj muaj peev xwm saib tau lawv cov kev seev cev ntawm no:
Cov neeg zejzog Fillipino lub koom haum The Advance League of People's Artist Inc los kuj tau tuaj nqua zaj yas suab " Kev koom tes kev haum xeeb" los yog "Solidarity Song".
Fillipino's Advance League of Artist Inc performed "Solidarity Song" at Hmong Australia Festival 2018-SBS Source: SBS
Lus tim tsum: Txhua daim yaj yaj duab (video clips) uas coj los tso nrog zaj xov xwm no tau txais kev tso cai thiab pom zoo los ntawm cov tswv lawm.
Listen more news in Hmong and English at SBS Radio Hmong Program on www.sbs.com.au/hmong Thursday at 6pm AEDT-Australian Eastern Standard Time and Sunday at 11 am AEDT.
You can download SBS Radio App from App Store at https://apple.co/2pLgvCX and from Google Play at http://bit.ly/2GuIRv or you can download podcasts news in Hmong and English from www.sbs.com.au/podcasts/yourlanguage/hmong.
Besides, you can follow us, click like, share and comments at SBSHmong's website at www.facebook.com/sbshmong.
Call to have a chat with SBS Radio Hmong Program on + 61 3 9949 2259 or sent your comments to comments@sbs.com.au.
