Du Yaj uas yog tus tswv lub tuam txhab tsheb Brilliant caravan hais tias kev ua luam rau yus yeej zoo dua ua hauj lwm rau luag, tab sis muaj ntau yam yus yuav tau ua.
Nws hais tias ''Nyuaj siab heev rau lub caij tsis muaj neeg ua hauj lwm vim yog tias muaj ib tug neeg ua hauj lwm kis kab mob rau lub caij COVID-19 sib kis ces ua rau tsis muaj neeg ua hauj lwm los pab tsim kom tau tej tsheb no raws sij hawm li tej customer xav tau."
Txawm li cas los Du Yaj kuj hais tias lub caij muaj kab mob coronavirus sib kis no kuj yog lub caij uas muaj tej neeg xav yuav tsheb caravan coj mus ncig teb chaws, thiab mus ua si thiab tau lagluam zoo txawm tias yuav ua rau muaj teeb meem rau lwm cov lagluam ntog thiab ua tsis tau lag luam ntxiv los sis txawm ua tau los yeej khwv tsis tshua tau nyiaj li thaum tsis tau muaj kab mob coronavirus lawm.
Du Yaj hais tias kuj muaj qhov nyuaj thiab tab sis vim yus paub ua lawm ces kuj tsis nyuaj npaum li cas thiab. Qhov zoo ces yog nws tshwm nws nyiaj ntiag tug los chiv peev ua cov lagluam no ces kaj siab dua qhov yuav tau tiv los yog qev ntawm tej txhab nyiaj.
Tab sis qhov zoo tshaj ntawd ces yus muaj peev xwm ntiav tau lwm tus neeg ua hauj lwm pab rau yus tej zejzog uas yog tej yam yooj yim zog mus nrhiav hauj lwm ua nrog luag mab sua.
Nyob sab hauv lub tsheb Brilliant caravan -Dou Yang Source: Dou Yang
Qhov chaw nyob sab hauv lub tsheb Brillian caravan - Dou Yang Source: Dou Yang
Tsheb caravan - Dou Yang Source: Dou Yang
