Angus Taylor uas yog tus coj lwm pab nom teb chaws (Pab nom koom tswj - Liberal National Party (Coalition)) tau qhia txog nws tej nyiaj puag xyoo 2026-27 uas nws hais tias yuav xub kub siab pab Australia tej pej xeem ua ntej tshaj plaws, yuav tsis pab tej neeg nyob ruaj ntawm Australia.
Angus Taylor uas yog tus coj lwm pab nom teb chaws (Pab nom koom tswj - Liberal National Party (Coalition)) tau qhia txog nws tej nyiaj puag xyoo uas hais tias yuav xub kub siab pab Australia tej pej xeem ua ntej tshaj plaws, yuav tsis pab tej neeg nyob ruaj ntawm Australia.
Nws tau qhia txog nws tej cai tswj tej vaj tse, kev tsiv teb tsaws chaw thiab cov kev kho se uas nws hais tias yuav pab kom tau txais kev ncaj ncees dua, tau txais kev ywj pheej dua thiab zoo dua rau neeg Australia.
Ua ke no nws kuj xav los xyuas kom siv tau nyiaj ntau ntxiv tuaj los ua cov hauj lwm tub rog, tso tseg tsis siv Labor cov kev kho negative gearing thiab capital gains tax, nws yuav tsis siv Labor tsab cai carbon tax, yuav kho tsab cai pov puag tej ib puag ncig thiab yuav tso tseg tsis txwv cov kev siv nuclear energy.
Tom qab nws tau qhia txog nws tej policies tag lawm, Pauline Hanson uas yog tus coj pab nom One Nation tau hais tias nws tau qog qab siv pab nom One Nation tej cai.
Pab nom Greens tus nom senator Mehreen Farugi hais tias neeg tsiv teb tsaws chaw tsis yog tej ua rau muaj teeb meem nuj nqe siv ua lub neej rau teb chaws Australia, tom qab uas Angus Taylor tau muab tej neeg tsiv teb tsaws chaw cuam tshuam nrog cov kev tsis muaj vaj tse txaus nyob ntawm Australia no.
Ms Faruqi tau hais tias ''tsoom fwv yeej tsis kam tsub se rau tej neeg nplua nuj kom tau nyiaj los pab tsim tej kev pab cuam ntau yam thiab siv tej nyiaj se tau los no tsim vaj tse rau zej tsoom nyob."
Txawm li cas los Jim Chalmers uas yog Australia tus nom tswj nyiaj txiaj rau tsoom fwv Albanese los kuj hais tias 'tej cai uas Angus Taylor coj los qhia rau zej tsoom Australia paub lub caij qhia txog nws cov Budget reply xyoo 2026 no tsis yog ib co nyiaj puag xyoo, vim nws yeej tsis muaj peev xwm qhia tias siv nyiaj npaum li cas thiab tau nyiaj qhov twg los ua nws tej hauj lwm no. Tsuas yog ib co tswv yim ua kom seb tej neeg xaiv nom uas nyiam pab nom One Nation puas tig los nyiam nws pab nom xwb.'
Dr Chalmers tau hais tias ''peb tej tswv yim yog los pab peb tej lagluam kom ruaj khov thiab ntxeem kom dhau tej xwm txheej nyuaj."
Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page thiab mloog tau SBS Hmong Youtube.
