Hmoob cov mooj kav moj coj 20190919

Yog muaj tej laij thawj dab tsi tiag thiaj ua rau Hmoob yuav tsim ntau cov kev coj ntseeg (Mooj kav moj coj) ua luaj li?

Hmong religious movement (SBS Hmong) Source: SBS Hmong

Associate Professor Jacob Hickman uas yog ib tug paub txog tib neeg txoj kev ua lub neej thiab kab kis kev cai kev cai dab qhuas ntawm tsev kawm qib siab Brigham Young University ntawm lub tuam chav Department of Anthropology, uas kawm thiab teeb txheeb txog anthropology, psychology, religious studies, Hmong studies, Southeast Asian studies, American Studies, European Studies, and others, tau hais tias cov religious movement no tsis yog Hmoob thiaj ua li no xwb tab sis yeej tau tshwm sim rau ntau lub tebchaws thiab tej neeg tsis hais cov neeg Meskas, European thiab lwm tsav neeg los yeej muaj cov religious movement li no tib yam li ntawm cov teb chaws north Asia li Suav uas muaj cov Kotmingtan movement los yog lwm cov religious movement ntawm Southeast Asia uas cuam tshuam txog cov kev ntseeg Buddhism, Hinduism, Islam and Christianity.

10 tawm xyoo dhau los Dr. Hickman yeej tau tshawb fawb txog Hmoob tej kab lis kev cai thiab kev cai dab qhuas ntawm ntau lub teb chaws uas muaj Hmoob nyob li North Asia (Southwest China), Southeast Asia (Thailand), Europe (France) or North America thiab tseem npaj yuav tuaj tshawb fawb txog Hmong communities ntawm teb chaws Australia mus rau South America (French Guiana (Cayenne) and Argentina) rau yav pem suab ntxiv.

Associate Professor Jacob Hickman hais tias 'lub hom phiaj ntawm cov religios movement no mas raws li Hmoob keeb kwm thaum ub Hmoob yeej muaj ib lub teb chaws thiab muaj huab tais tab sis ua rog swb rau Suav ces Hmoob thiaj khiav mus ua cov neeg txom nyem nyob pem toj roob thiab plam txoj kev ntseeg uas tswv ntuj tsim rau Hmoob ntseeg ces Hmoob thiaj lam ua tej kab lis kev cai thiab kev cai dab qhua tam sim no lawm xwb  raws li cov kev cai Ibiminu ntawm Thaib teb hais mas Hmoob thiaj yuav vam meej. Lub ntsiab tseeb tiag yog xav tsim kom tau ib cov kev ntseeg los sau kom tau Hmoob ua ib tsob ib txoog thiab muaj ntaub ntawv thiab muaj cov kev ntseeg zoo tib yam los khi Hmoob lub siab ua ib tsob kom coj thiab ua tib cov kab lis kev cai thiab kev cai dab qhuas xwb."

Yeej muaj ntau cov kev ntseeg tsis hais Yaj Soob Lwj thiab cov ntawv Phaj Hauj, cov kev ntseeg Ibiminu ntawm qaum teb tebchaws Thaib, Lub koom haum Montagnard Foundation Inc, Ntawv Paj ntaub ntawm yeej thoj nam zos Vibnais, Thaib teb, Ntawv Nyiaj Keeb Puaj Txwm, Poj Koob Yawm Ntxwv mus txog rau cov kev ntseeg Hmongism thiab kev ntseeg leej niam ntawm teb chaws niam dav tib si.

Dr Hickman hais tias cov religious movement no yeej ntseeg tias yuav muaj ib lub ntuj tshiab teb tshiab thiab yuav muaj lub kee luj lim rau Hmoob pib dua lub neej tshiab. Tab sis nws xav tias yeej muaj Hmoob coob heev yeej tau ntsib tau pom tej xwm txheej no dhau los ntawm lawv lub neej lawm. Vim rau qhov muaj tsov rog ces lawv thiaj tau khiav mus pib dua lub neej tshiab rau cov teb chaws tshiab uas txawv tej teb chaws lawv ib txwm nyob dhau los lawm.

Mloog tau SBS Radio Hmong Program rau hnub Thursday 6 pm AEST thiab hnub Sunday 11 am AEST. Koom tau ntxiv ntawm SBS Hmong Facebook. Mloog thiab download tau cov xovxwm kaw ua suab (podcasts) ntawm Stitcher, Apple podcasts los yog Google podcasts thiab ntawm podcast platforms tau.

Mloog tau cov xovxwm tshaj tawm rau ib hnub twg, cov zaj xovxwm, thiab cov zaj lus nrog tej qhua tshwj xeeb tham ua lus Hmoob thiab lub Askiv tau raws li hauv qab no: