Phillip Kue qhia tias tos nws ho tau mus sib tw wrestling ntawm Oregon thaum nws tseem kawm high school los vim nws txiv kuj yog ib tug neeg wrestler thaum tseem kawm high school thiab, ces nws txiv thiaj li txhawb nqa nws thiab nws tus kwv thaum nkawv tseem yau uas tseem kawm kindergarten los lawm.
Thaum xub mas nws yeej tsis tshua kub siab thaib tsis tshua nyiam pe tsawg tab sis tom qab uas Mr Kue loj tuaj thiab kawm xyoos 5 thiab xyoo 8 yuas nws pom tias nws kuj tshaj lij heev thiab ces nws thiaj li tau rau siab thiab tau mus sib tw yeej 3 zaug uas yog cov kev sib tw Threestyle Wrestling (COBRA ALL-STARS) ntawm xeev Oregon.
Nws kuj tau mus sib tw youth wrestling rau national level 2 zaug thiab zaum kawg kuj tau thib 2. Tab sis qhov tseem ceeb tshaj mas Mr Kue yeej tau yeej cov kev sib tw no ntawm nws lub xeev Oregon 3 zaug dhau los lawm thiab uas yog tej yam nws zoo siab heev. Yog li cov kev sib tw zaum 3 uas nws yeej thib 2 no thiaj yog tej yam tseem ceeb heev rau nws.
Saib tau Phillip Kue cov kev sib tw wrestling tau ntawm no:
Los yog koj muaj peev xwm mus saib tau nws cov kev sib tw lwm uas tej chaw nthuav xov xwm thiab lub koom haum USA Wrestling yees coj mus tso rau hauv YouTube tau ntawm no: Junior 132 Phillip Kue COBRA ALL-STARS - Cobra Wrestl Vs Cayden Hughbanks Maize: https://www.youtube.com/watch?v=AaqVXa3ymi4 los yog mus mloog tau nws cov kev interview nrog NBC Sports tau ntawm https://www.nbcsports.com/northwest/high-school/phillip-kue-wins-2019-prep-wrestler-year.
Cov kev ua ib tug qauv zoo ua rau tej hluas yog ib yam txhawb kuv siab thiab txhawb kuv dag zog kom kuv haj yam ua tau tej kev sib tw no tshaj lij tshaj qub ntxiv. Kuv paub tias Hmoob community yeej tseem tsis tau txhawb nqa cov kev sib tw martial art los yog wrestling txaus vim sawv daws tseem pom tau tias pheej sib ntaus sib thawb sib phoom ntau xwb, tab sis kuv xav tias tseem muaj lwm yam tseem ceeb tshaj ntawd thiab yeej yog ib cov sob kawm tseem ceeb rau yus txoj kev ua lub neej uas yuav qhia kom tej me nyuam yaus paub yoog raws cai thiab kom cam hwm coj tej cwj pwm zoo thiab uas kuv ntseeg tias yog tej yam uas pab kom kuv ua tau lub neej li kuv tab tom ua tam sim no.
Phillip Kue is competing with his opponent in a wrestling tournament - Courtesy of Phillip Kue Source: Courtesy of Phillip Kue
Txawm li cas los vim yeej nrhiav tsis tshua tau tej hauj lwm no ua ces nws thiaj xav tias yuav rau siab los kawm phab txuj qhia (education) kom yog thaum nws kawm tiav los ces nws npaj yuav los ua lees kais qhia thiab ua coach qhia tej me nyuam yaus txog phab txuj wrestling los sis yog teeb tsa cov chav qhia tej zob kawm no los yog teeb tsa tsev kawm qhia wrestling los kuj tau thiab raws li nws tau hais.
Tab sis nws qhia tias tsis ntev no tej zaum nws kuj tseem xav mus koom cov kev sib tw rau cov senior wrestling in national los yog olympic trials uas yog ib cov kev sib tw loj thiab tseem ceeb heev.
Nws hais tias cov kev kawm wrestling no yeej pab kom yus paub discipline, tswj yus tus kheej, pab yus tiv thaiv thiab pov puag yus tus kheej thaib qhia tej sob kawm zoo rau yus txoj kev ua lub neej thiab pab tau ntau yam rau ib tub tib neeg thiab.
Hos hais txog tias yeej tau muaj Hmoob coob tus mus koom cov kev sib tw rau phab martial art li UFC fighting, Karate, self defence los yog Muay Thai lawm nes nws ho xav hais dab tsi rau tej neeg uas xav mus kawm cov wresting no ces nws qhia tias, kawm dab tsi los tau nyob ntawm yus nyiam xwb, tsuas yog yuav tau rau siab ntso xyaum yam yus kawm ntawd kom yus tshaj lij xwb.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm google podcasts, spotify, thiab apple podcasts los yog download SBS Radio App kom koj mloog tau SBS Hmong.
