Thaum koj tuaj nyob teb chaws Australia lawm, thawj yam ntawm ntau yam koj yuav tau ua yog qhib ib phau ntawv siv nyiaj (bank account). Vim tsis hais yuav pib txij li npaj chaw nyob, tej tswv lagluam koj ua hauj lwm rau them nyiaj rau koj ntawd ces yeej yuav tsum muaj ib phau bank account hauv Australia no thiaj pab kom koj ua tau lub neej yooj yim dua tuaj ntxiv.
James Wakim uas yog ib tug neeg tau ua hauj lwm hau tej tuam txhab nyiaj dua los hais tias:
“Muaj ntau lub tuam txhab lalguam yeej tsis xav siv nyiaj ntsuab pes tsawg lawm thib lawv xav kom tej neeg them ib yam dab tsi rau ib lub caij twg uas twb paub tias yuav them los yog yuav siv kiag lawm xwb." "Kev muaj phau ntawv khaws nyiaj yog tej yam yooj yim rau koj tau siv yuav khoom los yog them nuj nqe tom tsev tau yam tsis tas yuav mus them kiag los sis yuav kiag ntawm chaw, tej neeg feem ntau txog li 80-90% yeej tsis siv nyiaj ntsuab lawm ces thiaj yuav tsum tau npaj kom muaj ib phau ntawv khaws nyiaj (bank account) los siv".
Cov tuam txhab nyiaj:
Source: AAP
Dua ntawm phau ntawv siv nyiaj no lawm kom yeej tseem qhib tau lwm phau ntxiv li cov saving account los yog term deposit los sis cov phau ntawv khaws nyiaj cia siv rau lub neej pem suab uas tau txais paj me ntsis thiab.
Tej tuam txhab nyiaj los yeej xav kom tej neeg mus qhib bank account (cov phau ntawv siv nyiaj) no yog li lawv thiaj xyuas kom tej neeg mus qhib tau cov account no yooj yim. Txawm koj tsis paub lus Askiv (English) zoo los lawv yeej muaj neeg pab koj thiab.
Mariangela Stagnitti uas yog ib tug neeg tawm tswv yim rau tej lagluam pab cov neeg tsiv teb tsaws chaw tuaj nyob tshiab hauv teb chaws Australia no tau 30 xyoo no hais tias:
“Txawm yog ib tug neeg thoj nam tuaj ntawm teb chaws Africa uas nyob hauv Australia xav mus qhib thiab tsis paub lus los yeej muaj lub koom haum NAATI nrhiav neeg txhais lus rau koj los yog yeej muaj ib tug neeg hauv lub txhab nyiaj ntawm paub hom lus ntawd pab koj."
Teb tuam txhab nyiaj no muaj cov txheej txheem li cas xwb?:
Source: CC0 Creative Commons
Tab sis koj yuav tsum nqa ib cov ntaub ntawv yam tsawg li 2 yam coj mus qhia koj lub cim thawj (Identity) kom tau 100 points los yog ntau tshaj ntawd. Saib tau txuas ntxiv li hauv qab no:
| 70 points |
| 40 points |
| 25 points |
| 25 points |
Piv txwv li koj siv koj daim passport thiab ntawv tso cai tsav tsheb (driver's license) los sis koj daim passport nrog Medicare card thiab ib daim Internet bill los tau.
Txawm koj yog neeg txawv teb chaws siv cov working-holiday visa (visa tuaj ncig teb chaws thiab ua hauj lwm) hauv Australia, thov cov student visa (Visa kawm ntawv) los yog lwm cov temperary visa (cov visa thov tuaj nyob ib ntus) los yeej qhib tau ib phau bank account siv tib yam txawm koj tsis yog cov neeg uas nyob ruaj (permanent residents los yog pej xeem (citizens) ntwm teb chaws Australia no).
Thaum koj qhib phau ntawv siv nyiaj no koj yuav tau dab tsi:
Lub txhab nyiaj koj qhib phau ntawv khaws nyiaj ntawd yuav muab ib daim card nrog rau 4 tug zauv Personal Identification Number-PIN rau koj siv, kom thiaj li rho tau nyiaj ntawm Automatic Teller Machin (ATM) siv los yog thaum koj yuav tau siv nyiaj ntau coj mus yuav thiab them ib yam dab tsi.
Qhov tseem ceeb tshaj plaws koj yuav tsum tsis txhob qhia koj tus PIN rau leej twg paub hlo li tsam lawv ho nyiag koj tej nyiaj siv.
Koj yuav tsum mus xyuas thiab xaiv ntau lub txhab nyiaj seb koj nyiam qhib thiab siv lub twg:
Source: CC0 Creative Commons
Vim muaj ib txhia txhab nyiaj mas siv tau yooj yim dua hos lwm cov ho txawv thiab tej zaum lawv ho muaj cov neeg uas tib zoo los pab qhia tej neeg siv lub txhab nyiaj ntawd los yog lwm lub ho muaj cov tswv yim khawv nyiaj zoo dua lwm lub thiab.
Yog li ces koj mam ua tus txiav txim tias seb lub twg zoo rau koj tsiv tshaj plaws. Ho nug thiab nrog koj tej phooj ywg, koj tsev neeg los yog tej neeg zejzog seb lawv ho siv lub txhab nyiaj twg los yog lawv ho puas taws qhia li cas rau koj kom ho siv lub twg zoo dua.
Related:
The basics of banking
