Cov kev yuav nce nqe hluav taws xob tshiab rau 3 lub xeev li Queensland (QLD), New South Wales (NSW) thiab South Australia (SA) ces yuav ua rau NSW tau them kim tshaj plaws piv rau tej nqe hluav taws xob ntawm lwm lub xeev.
Alison Reeve uas yog tus coj teeb txheeb txog tej nqe hluav taws xob ntawm Grattan Institute hais tias muaj ntau yam nqe siv tsim hluav taws xob ces thiaj ua rau tej nqe hluav taws xob kim.
Nws hais tias ''Yuav kim zog rau NSW vim yuav muab lub chaw tsim hluav taws xob qub uas siv roj zeb ntsuam tsim kaw. Yuav tsa cov nce xa hluav taws xob tshiab siv, yuav nqes peev txhawb nqa kom tej neeg tau siv tsheb hluav taws xob, ces tej ncej tej xov xa hluav taws xob thiab tej no thiaj ua rau tej hluav taws xob kim tuaj ntxiv.''
Txhais tias yuav ua rau tej neeg tau them li no:
- NSW ces tau them 228 dollars ntau tuaj ntxiv ib xyoos twg los yog them txog 2740.
- Southeast Queensland ces ib yig twg yuav tau them txog li 77 dollars los sis them tshaj 2100 ib xyoos twg.
- South Australia ces tau them 71 dollars los yog tau them ib xyoos twg tshaj 2300 dollars.
- Piv rau Victoria ces tsuas tau them ntau ntxiv tuaj txij li ntawm 6 txog 25 dollars xwb.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
