Cov teeb meem feem ntau uas teeb txheeb tau los ntawm lub koom haum Islamophobia Register uas Dr. Derya Iner nrog lwm tus kws teeb txheeb mus tshawb fawb zaum no muaj li hauv qab no:
1. 10% yog cov tsis nyiam cov neeg Muslims thiab cov kev cai Islam kiag li, 20% yog cov tsis txiav txim siab thiab tsis paub tias nyiam los tsis nyiam li cas, 70% yog cov uas yeej tsis muaj teeb meem dab tsi los yog muaj teeb meem me ntsi xwb.
2. Muaj 2 cov teeb meem tseem ceeb uas tsim teeb meem cais thiab tsis nyiam cov neeg Muslims thiab cov kev coj ntseeg Islam xws li tej koom haum tsis hais yog Politics, social media, extreme far rights, hard-core Islamophobe thiab cov neeg ntiag tug.
3. Cov teeb meem muaj rau tej neeg Muslim feem ntau yog hais lus phem thuam saib tsis tau lawv, hawv hem yuav ua phem rau, txhawb nqa lwm tus kom ua phe, hais lus ntsw, hais lus thuam, kom tua thiab muab lawv hlawv.
4. Cov chaw uas neeg zejzog muaj ntau haiv neeg nyob, social media, shopping centres, schools, mosques yog cov chaw ua muaj tej xwm txheej lwm cov neeg ua phem rau cov neeg Muslims thiab cov kev cai coj ntseeg Islam.
5. Ib tug ntawm 4 tug neeg Muslims rau cov teeb meem no thiab feem ntau yog cov poj niam neeg Muslims uas nrog me nyuam rau neeg phem tsim teeb meem rau tom zej tsoom tej chaw.
6. Zoo nkaus li cia li muaj tej xwm txheej no tshwm sim tas li li lawm thiab zoo li cia li muaj neeg lees paub tej teeb meem no lawm.
7. I-S tsis yog cov neeg sawv cev rau cov neeg Muslims.
8. Zoo li nom tswv thiab tej neeg ntiag tug tsis xav raus tes pab daws tej teeb meem no.
9. Yog cov neeg pom tej xwm txheej no ua cov cej luam qhia rau lub koom haum Islamophobia Register thiab cov kev teeb txheeb Islamophobia Report paub xwb.
10. Xav kom yuav tsum tau los sab laj sib tham tawm tswv yim thiab qhia tej teeb meem no rau zejtsoom kom totaub thiab paub txog zoo tshaj no ntxiv.
11. Tej teeb meem no tsis yog cov neeg Muslims tib tug thiaj yuav los daws xwb tab sis yog sawv daws teeb meem yuav tau los koom tes nrog daws.
12. Islamophobia (Cov kev ntxub tsis nyiam cov neeg Muslims thiab cov kev cai Islam) yog ib cov kev faib cai ntxub ntxaus lwm pawg neeg vim lawv yog lawv ib haiv neeg uas coj ntseeg ib hom mooj kav moj coj dab tsi thiab tsis tsim nyog yuav ua li no.
Mloog tau lwm yam xov xwm ua lus Hmoob tau ntxiv ntawm lub vam sab www.sbs.com.au/hmong, www.sbs.com.au/podcasts/yourlanguage/hmong thiab www.facebook.com/sbshmong
