Kab mob coronavirus ntawm Australia hnub Monday tim 2020.08.24

Txawm muaj neeg kis tau kab mob coronavirus tsawg ntawm xeev Victoria los nom tswv hais tias ntshe tseem yuav siv cov state of emergency txuas ntxiv li ib lub xyoos txuas yog tias ntshe ho xub tsim tau tshuaj vaccine siv lawm xwb, nom tswv xeev tau ceeb toom kom tej neeg txhob ntshai mus sim kab mob coronavirus, thiab nom tswv xeev Queensland hais kom tej neeg txhob sib sau coob tshaj 10 leej tom qab tus neeg ua hauj lwm ntawm Waycol tau kis coronavirus rau tej neeg ntawm 67 thaj chaw lawm.

---

Mloog Janet Lauj qhia tias tus neeg ua hauj lwm ntawm Waycol kis tau tus kab mob no ho tau mus kis rau tej neeg nyob ntawm lub zos muaj Hmoob nyob coob heev ntawm Brisbane li cas ntawm no:

Mloog tau lwm cov xov xwm hais txog online scams thiab online safety tau ntawm no:

Download tau lub COVIDSafe app los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.

Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.

Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :

Australia muaj neeg kis tus kab mob COVID-19 li no:

Ntiaj teb muaj neeg kis tau kab mob COVID-19 npaum li no:

Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:

---

Tej neeg nyob ntawm nroog Melbourne yuav tsum tau nyob twj ywm hauv tsev li nom tswv tau haias thiab tsuas tawm tsev mus yuav khoom noj khoom haus tseem ceeb, mus kawm ntawv, mus ua hauj lwm, mus ua exercise los yog mus tu saib xyuas lwm tus neeg xwb. Tsis tas li no los nom tswv yeej tau taw qhia kom siv ntaub khwb qhob ncauj thaum lawv mus rau zej tsoom tej chaw thiab. Mus txheeb tau tej xov xwm koj yuav tsum tau paub txog tus kab mob COVID-19 ntawm tej xeev tau ntxiv ntawm no.

Tej neeg nyob ntawm teb chaws Australia yuav tsum nyob kom nrug ntawm lwm tus neeg li 1.5 metres. Thiab mus txheeb ntxiv seb koj lub xeev ho muaj cov kev txwv tsis pub tej neeg sib sau li cas ntxiv.

Yog tias koj tau khaub thuas thiab muaj yam ntxwv mob, ces nyob twj yim hauv tsev thiab npaj hu xov tooj nrog koj tus kws kho mob tham los yog hu rau lub koom haum Coronavirus Health Information Hotline tus xov tooj 1800 020 080 tham seb yuav mus sim seb puas kis tus kab mob coronavirus no tau li cas.

SBS yeej tsim tau cov xov xwm ua 63 hom lus qhia txog tus kab mob no thiab koj muaj peev xwm mus txheeb xyuas tau ntawm sbs.com.au/coronavirus.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.