Kab mob siab hom C rau lub caij muaj kab mob coronavirus

Teb chaws Australia puas yuav muaj peev xwm nrog ntiaj teb los kho tej neeg sawv daws kom tsis txhob muaj cov kab mob siab hepatitis C rau xyoo 2030 li tau npaj tseg tiag?

Hepatitis C virus - BSIP/Universal Images Group Source: Getty

Hnub tim 28 July 2020 dhau los yog hnub World International Hepatitis C Day  thiab ntiaj teb lub koom haum tswj kev noj qab haus huv (World Health Organisation-WHO) tau qhia tias:

• muaj neeg txog li 71 roob (million) tus thoob ntuj yeej mob tus mob siab hom C (hepatitis C) uas mob los tau ntev lawm.
• WHO tau kwv yees tias xyoo 2016 ntawd muaj neeg tas sim neej los ntawm cov kab mob siab hom C no txog li ntawm 399,000 tus vim cov kev mob tus mob siab hom C no ua rau tej neeg no mob cancer rau lawv tej siab.
• yeej muaj tshuaj antiviral coj los hno thiab kho tau tus mob siab hom C no zoo txog li 95% tab sis tsuas muaj neeg tsawg tsawg thiaj li tau mus tshuaj ntsuam thiab tau siv cov kev kho tus mob no xwb.

Cov laj thawj ua rau tej neeg kis tau tus kab mob siab hom C (Hepatitis C) muaj li hauv qab no:

• Kis tau raws ntshav
• kis tau los ntawm tej neeg faib tej koob tshaj tshuaj siv li cov neeg hno yeeb tshuaj.
• kis tau los ntawm cov kev kho mob uas tsis tau txais kev nyab xeeb.
• kis tau los ntawm cov kev tso tej nshav uas tsis tau ua tib zoo txheeb tias seb puas muaj tus mob siab hom C (Hepatitis C) paug tsuas rau tej nshav es coj mus tso txhab rau ib tug neeg uas xav tau ntshav ntxiv rau nws lub cev.
• kis tau los ntawm cov kev sib deev uas to thiab los ntshav.

Disclaimer:

Tej xov xwm hais los no tsuas yog qhia ua xov xwm dav dav rau sawv daws kom nkag siab txog tus kab mob siab hom C (Hepatitis C) no xwb, tsis tau ua tib zoo txheeb xyuas tias seb koj ho raug cov xwm txheej kab mob no li cas, yog li ntawd thiaj xav kom koj ua tib zoo sab laj nrog tej kws kho mob muaj ntaub ntawv tso cai thiab tej kws kho mob uas paub txog cov kev kho tus mob siab C no tham kom thiaj pab tau koj raws li qhov tsim nyog.

---

Tej neeg nyob ntawm nroog Melbourne yuav tsum tau nyob twj ywm hauv tsev li nom tswv tau haias thiab tsuas tawm tsev mus yuav khoom noj khoom haus tseem ceeb, mus kawm ntawv, mus ua hauj lwm, mus ua exercise los yog mus tu saib xyuas lwm tus neeg xwb. Tsis tas li no los nom tswv yeej tau taw qhia kom siv ntaub khwb qhob ncauj thaum lawv mus rau zej tsoom tej chaw thiab. Mus txheeb tau tej xov xwm koj yuav tsum tau paub txog tus kab mob COVID-19 ntawm tej xeev tau ntxiv ntawm no.

Tej neeg nyob ntawm teb chaws Australia yuav tsum nyob kom nrug ntawm lwm tus neeg li 1.5 metres. Thiab mus txheeb ntxiv seb koj lub xeev ho muaj cov kev txwv tsis pub tej neeg sib sau li cas ntxiv.

Yog tias koj tau khaub thuas thiab muaj yam ntxwv mob, ces nyob twj yim hauv tsev thiab npaj hu xov tooj nrog koj tus kws kho mob tham los yog hu rau lub koom haum Coronavirus Health Information Hotline tus xov tooj 1800 020 080 tham seb yuav mus sim seb puas kis tus kab mob coronavirus no tau li cas.

SBS yeej tsim tau cov xov xwm ua 63 hom lus qhia txog tus kab mob no thiab koj muaj peev xwm mus txheeb xyuas tau ntawm sbs.com.au/coronavirus.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.