Tau muaj cov neeg Kurds los yog Kurdish cov kev tawm suab pom zoo txog 93% ntawm nws cov pej xeem tshaj 5 roob tus rau hnub zwj Feej Wednesday zwj thaj tim 27/09/2017 dhau los.
Yog li txawm tias cov neeg Kurdish yuav ua kev zoo siab thiab kub siab lug rau cov hauj lwm no los zejzog pej kum haiv thiab UN tus coj Antonio Guterress los yeej txhawj xeeb tsam muaj teeb meem cuam tshuam txog txoj kev ruaj ntseg, kev thaj yeeb nyab xeeb ntawm lub tebchaws Iraq thiab cheeb tsam teb chaws ntuj nqha teb nqhuab ntuj qhuav teb nkig no.
Kuj tau muaj ib txhia teb chaws hais tias tsis tau yog lub zoo tsam thawj yauv los cai lub tebchaws Iraq no ua ntau lub thiab tsim nyog yuav tau los tawm tsam nrog cov neeg phem I-S ua ntej tso.
Ntxiv ntawd los kuj tau muaj ntau lub teb chaws li America, Iran, Turkey thiab Australia los yeej tau qhia tias yuav tsis pom zoo nrog cov kev tawm suab no vim tsis raug kev raug cai raws li lub tebchaws Iraq cov txhooj cai tswj haiv (Constitutions).
Raws li tau muaj xov xwm tshiab cej luam, ces tom qab tau muaj kev pov ntawv tawm suab cai Kurdistan kom ua tau lub tebchaws ywj pheej tag, ces nom tswv Iraqi tau hais tias kom nom tswv Kurdishtan cia li tso lub fwj chim tswj kav tej tshav dav hlau thiab tej nrim teb nrim chaw rov qab rau tsoom hwv Baghdad, yog tseem tsis ua raws li hais tias ces yuav siv dag zog tub rog los xyuas lawm xwb.
Ismet Tastan ntawm lub koom haum Sydney Representative of the Kurdishtan National Congress tau hais tias nws tsis ntseeg tias tsim nyog tsoom hwv Iraqi yuav ua li hais ntawd thiab tsim nyog yuav tau siv txoj hauv kev thaj yeeb raws li txoj kev tswj hwm democracy los sib khom thiab daws tej teeb meem no. Thiab nws yeej tau plov meej tias cov neeg Kurdish ntawm teb chaws Australia no tsis xav kom muaj teeb meem cov nyom kub ntxhov nyob rau lawv lub tebchaws Iraq thiab Kurdistan ntawd.
Txawm nom tswv Iraqi yuav tau tsub nias thiab muaj kev txhawj xeeb los ntawm zejzog pej kum haiv los yeej txwv tsis tau cov neeg Kurdish txoj kev ua kev zoo siab rau cov kev tawm suab zaum no.
Zirian Fatah uas yog tus koom tswj lub koom haum Kurdish Lobby Australia tau hais tias tom qab tau muaj cov kev tawm suab no tag lawm ces tsim nyog yuav tau muaj cov kev sab laj sib khom thaj yeeb ua theem txuas ntxiv, thiab nws tau nqua hu kom tebchaws Australia thiab zejzog pej kum haiv nrog rau UN txhawb nqa kom Kurdistan ras los ua tau ib lub teb chaws twj lij ywj pheej tsis nyob qab tswj hwm ntawm teb chaws Iraq ntxiv lawm.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
www.sbs.com.au/podcasts/yourlanguage/hmong
Caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ntawm:
Thiab yog koj xav nrog xov tooj cua SBS Radio Hmong Program tham ces ua tau rau +61 3 9949 2259
