Thaum Australia qhib ciam teb rau lub 11 hlis ntuj xyoo 2021 no ces Australia tej pej xeem thiab cov neeg nyob ruaj nraug rau cov neeg thov tau visa tuaj nyob ib ntus muaj cai tawm tau ntawm Australia mus rau lwm lub teb chaws, thiab cov tseem daig txawv teb chaws muaj cai rov qab los tau rau teb chaws Australia. Tab sis yog koj yog cov neeg thov tau visa tuaj nyob ib ntus xwb thiab yog cov neeg ncig teb chaws ces ntshe tej zaum koj yuav tsis muaj peev xwm rov qab tuaj (rov qab los tau rau Australia) mus txog theem D (Phase D) uas tseem tsis tau paub tias yuav thaum twg. Yog li thiaj xav kom koj yuav tsum ua tib zoo txheeb xyuas ntau yam li passport, visa, chaw so, nqe yuav travel insurance, nqe yuav yuaj (tickets), tias yog yuav lawm ne yog muab koj cov kev ncig ncua ne puas thim tau koj tej nyiaj rov qab rau koj, thiab puas muaj cov kev txwv dab tsi ntawm tej teb chaws koj yuav mus hla los yog mus rau, lawv puas yuam koj yuav tsum muaj ntawv hno tshuaj COVID-19 vaccine los yog koj puas yuav raug cais? Raws li tej kws paub zoo txog tej hauj lwm no qhia ces ntshe tej zaum cov xub ntoj ncig ua ntej ces yog tej neeg ua luam thiab tej neeg uas xav mus xyuas lawv tsev neeg, hos cov ncig teb chaws ua si tej zaum yuav tuaj tom qab zog.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
