Xov xwm luv tshaj tawm hnub zwj Quag (Tuesday news 10.06.2025):
Tau muaj ib co kev teeb txheeb txog tej kev nkag siab yuam kev thiab tej battery ntawm tej tsheb siv hluav taws xob ntawm tsev kawm qib siab University of Queensland nrog Germany 3 lub chaw teeb txheeb txheeb tau tias muaj tej neeg Australia yuav laug txog ib nrab ntseeg ib co xov xwm yuam kev txog tej tsheb no. Thiab kuj muaj lwm cov kev ntseeg ntseeg tias tej tsheb siv hluav taws xob tsis tso pa tsis huv thiab tsis muaj cov electromagnatic fields uas ua rau muaj mob. Thiaj ua rau NRMA txhawj tias tej no ua rau tej neeg tsis yuav tej tsheb tso tej cua tsis huv tsawg siv.
Nyob rau lub koom txoos RISING festival ces yuav coj neeg txum tim tej duab coj los tso rau Melbourne tej public transport. Thiab lub trams ces yog tso tej art coj los fi rau William Barak uas yog ib tug coj neeg txum tim Wurundjeri Woi-wurrung thiab yog ib tug artist.
Australia kuj tau xa ib pab neeg tua hluav taws mus pab teb chaws Canada tua hluav taws ntawm Alberta raws li cov kev pom zoo MOU ntawm ob lub teb chaws no cov kev sib pab daws tej xwm txheej ti tes ti taw.
Iain Anderson uas yog ib tug neeg tshuaj ntsuam ntawm Commonwealth Ombudsman tau txheeb tau tias tub ceev xwm ACT tej xwm txheej txog li 1 feem 3 ces tub ceev xwm yeej tsis ua sib ntev, yeej coj nruj tsiv thiab hais lus phem.
EU tau qhia tias nws yuav tshwm nyiaj coj los pab pov puag tej hiav txwv, tej zejzog nyob raws ntug hiav txwv thiab tej lagluam txhom ntses tom qab lub koom haum Marine Conservation Institute tau qhia tias muaj tej hiav txwv tsawg dua 3 feem pua thiaj pov puag lawv tus kheej los ntawm tej hauj lwm lagluam uas tseem tsawg tshaj 30 feem puas raws li COP28 tej hom phiaj ua kom tau rau xyoo 2030.
Israel tej tub rog tau txwv tsis pub Greta Thunberg thiab tej neeg tawm tsam nres ntawm Israel lub chaw nres nkoj Ashdod tom qab mus txog Gaza strip thiab yuav coj khoom mus pab tej neeg no.
Prue Car uas yog tus lwm coj ntawm tsoom fwv NSW thiab yog ib tug nom ntawm pab nom Labor tau nqua hu kom tej poj niam kub siab txheeb txog lawv cov kev noj qab haus huv tom qab nws raug txheeb tau tias mob cancer mis.
Meskas lub tuam chav tswj hauj lwm noj qab haus huv thiab pab cuam zej tsoom tau qhia ib co ncauj lug tias Robert F Kennedy uas yog tus nom tswj tej dej num no tseem yuav txiav txim tias yuav muab pawg rooj saib xyuas uas tawm tswv yim los tswj cov kev hno tshuaj vaccine rau lub koom haum Central for Disease control and Prevention on Vaccines rho tawm hauj lawm.
Hnub tim 10 lub 6 hli ntuj no ces kuj tau coj ib tsab cai tshiab coj los siv twj cov lagluam qev nyiaj yuav khoom Buy Now Pay Labor li Afterpay and Zip pay kom yuav tsum ua raws tib co cai tib yam li tej cai tswj credit cards uas yuav tau txheeb tej neeg siv cov services no seb puas muaj peev xwm them tau rov qab, thiab yuav tsum yog tej tuam txhab uas muaj ntaub ntawv ua tau tej lagluam no raug cai.
Tau muaj Meskas tej tub rog txog li 700 tus raug muab xa mus pab tej national guard ntau txheeb tus uas tswj kev ruaj ntseg ntawm Los Angles rau lub caij muaj cov kev rwg npoj tawm tsam txog cov kev tsiv teb tsaws chaw. Gavin Newsom uas yog California tus hau xeev thiaj tau coj tsoom fwv Trump mus hais plaub thiab kuj tau muaj 22 tug hau xeev ntawm lwm lub xeev ntawm pab nom Democrate kuj tsis pom zoo nrog Trump, tab sis nws hais tias ''tsuas yog tswj kev ruaj ntseg thiab xyuas kom tej pej xeem tsis txhob raug kev phom sij xwb.''
Tub ceev xwm teb chaws tau mus tawm tsam nrog ib lub tuam txhab tswj kev ruaj ntseg thiab liam tias nws tau siv tsheb thaiv muas txwv xa nyiaj ntsuab coj mus xa tej nyiaj txhaum cai ntawm teb chaws no. Ces tub ceev xwm teb chaws thiaj tau muab 3 tug txiv neej teem ntau lub txim.
Tau muaj xov xwm qhia tias nom tswv Nplog yuav siv 4 yam tswv yim los pab kom tsim tswj tau hluav taws xob siv li xyuas kom tsim tau lub pas dej tauv 3, tsim tej chaw loj uas muaj phiaj ziab tshav tsim hluav taws xob siv thiab tsim tej chaw siv phiaj ziab tshav me nrog rau ua tib zoo xyuas kom tsim tau tej hluav taws xob siv raws li The Laotian Times tau qhia.
Lub koom haum AustCham los yog Australia Chamer of Commerce of Laos kuj tua ua kev zoo siab txwm 20 xyoo uas Megan Jones uas yog Australia tus ambassasor hauv NPlog teb tau hais tias ''tau txhawb nqa cov kev ua luam thiab nqes peev lagluam ntawm Australia thiab Nplog uas muaj Australia raws li Vientiane Times qhia.''
Kuj tau muaj ib tug nom ntawm Thaib lub tsev tsoom fwv tau nqua hu kom Thaib tus thawj pwm tsav Paetongtarn ib ib lub rooj sab laj tseem ceeb los txheeb txog tej kev tsis haum xeev ntawm ciam teb Thaib thiab Cambodia kom thiaj tswj tau kev ruaj ntseg rau tej xwm txheej no yav tom ntej thiab kuj tau hais kom daws cov kev tsis sib haum xeeb ciam dej nrog lub teb chaws no thiab raws li Bangkok Post tau qhia.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
