Ua lub neej nyob Australia cov zos yaj sab

Muaj tej neeg tsiv teb tsaws chaw tuaj tshiab rau teb chaws Australia no yuav laug txhua nrho yeej tau mus nyob rau Australia 2 lub nroog loj li Melbourne thiab Sydney ntau xwb, tab sis tej zos yaj sab mas ho muaj neeg tsawg zuj zus lawm. Yog li tsoom hwv teb chaws Australia thiaj li pub cov neeg no uas mus nyob yaj saj li 4 lub xyoos muaj cai thov tau nyob ruaj hauv teb chaws Australia no los pab daws tej teeb meem no.

A regional town in Australia (Getty Images) Source: Getty Images

Farvardin Daliri yeej yog ib tug neeg uas yeej tau tsiv teb tshaw chaw dhau los lawm thiab.

Nws los yeej raug lwm tus faib cai ntxub ntxaug thiab raug lwm tus tsis nyiam rau lub caij nws loj hlob tuaj vim nws yog ib co neeg pawg tsawg uas coj ntseeg kev cai Bahai ntawm teb chaws Iran. Ces nws thiaj yuav tau tsiv mus nyob teb chaws India. Tab sis vim Iran ho tau hloov tsoom hwv tshiab lawm ces thiaj ua rau nws siv tsis tau nws daim passport ntxiv lawm, ces nws thiaj ua siab tuaj nyob ntawm nroog Melbourne ntawm teb chaws Australia no lawm.

Nws hais tias kuv yeej xav tuaj ua lub neej nyob li lub teb chaws Australia tej pej xeem txoj kev ua lub neej, tab sis tsis muaj peev xwm ua tau lub neej li qhov kuv xav tau ntawm nroog Melbourne no thiab. Vim kuv xav nyob nrog kuv tej neeg zejzog uas muaj txoj kev xav sib xws, coj ntseeg tib yam kev ntseeg, hais tib hom lus. Kom yus thiaj muaj ib lub cim thawj rau tej kev cai dab qhuas tib yam nrog ib pawg neeg. Kuv yeej tau nyob ntawm nroog Melbourne tau ntau xyoo, tab sis kuv mloog tau tias kuv xav kom ua tau lub neej zoo tshaj no ntxiv rau ntawm lub teb chaws no thiab, ces kuv thiaj txiav txim sib tsiv tawm mus nyob rau lwm qhov lawm.

Townsville Airport Source: Townsville Airport

Daliri twb tau mus nyob ntawm lub zos Townsville yuav laug tau 30 xyoo lawm uas nws yog tus tswj lub koom haum the Townsville Intercultural Centre thiab nws ua tus tswj lub zos no cov koom txoos uas ib xyoo ua ib zaug ntawd.

Yav dhau los mas yeej muaj neeg hais tias, lub zos Townsville yog Australia lub zos uas tsis nyiam thiab faib cai ntxub ntxaug lwm tsav neeg tshaj plaws. Tab sis kuv kuj tsis xav li cas, vim kuv tseem raug faib cais thiab raug neeg ntxub ntxaug ntau tshaj ntawd ntawm lub teb chaws uas kuv khiav tuaj lawm thiab. Yog li kuv xav tias yog ib cov kev kawm tej yam tshiab rau kuv xwb. Vim kuv yeej tau ntsib ib txhia neeg uas zoo tshaj plaws hauv ntiaj teb ntawm lub zos no thiab yus muaj peev xwm ntau phooj ywg tau nrog lawv thiab. Thaum kawg lawv yeej kam lees txais yus thiab sib cuag mus los sib haum nrog yus thiab zoo li lawv yeej tsis cais yus dab tsi.

Muaj pej xeem nyob ntawm Australia tej zos yaj sab tsawg lawm

Australia tej zos yaj sab yeej pab tau Australia tej lagluam ntawm lub teb chaws no txog lu 40% diam. Vim tej lagluam luam me yeej ntiav ib tug neeg ua hauj lwm ntawm txhua txhua 3 tug ua hauj lwm hauv teb chaws Australia no diam. Tej zos no ces yeej yog txhua lub zos thoob teb chaws, tsis hais tej nroog me, thiab tej zos tuaj ntug ntawm ntau lub nroog li Sydney, Melbourne, Brisbane, Perth, Adelaide thiab Canberra tib si. 

Txawm li cas los yeej muaj ntau cheeb tsam yaj sab no yeej muaj pej xeem tsawg zuj zus lawm thiab.

Stuart McAlpine  uas yog ib tug neeg ua liaj ua teb ntawm lub zos Dalwallinu ntawm xeev Western Australia us yog ib lub zos yug yaj thiab cog qoob loo los yeej pom tias lub zos no tej pej xeem yeej tsawg zuj zus rau lub caij muaj tej laus coob zujzus tuaj no lawm thiab. Yog li xyoo 2010 nws thiaj tau tawm ib lub tswv yim los pab kom muaj pej xeem coob tuaj ntxiv mus nyob rau lub zos no thiab tau txais kev txhawb nqa los ntawm nom tswv zos.

Muaj tej pej xeem tsawg zuj zus lawm thaib muaj ib txhia teej kawm los yeej muaj tej tub kawm tsawg txog theem tias ntshe kawg yuav tau muag tej teej kawm ntawd kaw lawm xwb. Yog li peb thiaj xub nrhiav tswv yim los pab kom muaj neeg rov qab los nrog peb nyob ntawm peb lub zos me me no kom muaj tub kawm coob ntxiv tuaj kom tej teej kawm ntawv thiaj tsis raug kaw thiab qhia tau ntawv txuas ntxiv mus.

Yeej tsis yog tej yam yooj yim uas yuav ua kom tej neeg tsiv teb tsaws chaw nyiam mus nyob peb lub zos us nyog rau sab qaum teb ntawm nroog Perth mus deb txog li 263 kilometres diam. Yog li ntawd McAlpine thiaj yuav tau kub siab ceev nrooj los sib tw nrog lub caij lub nyoog los pab cawm lub teej kawm ntawm nws lub zos.

The QLD state nominating body has closed the skilled program owing to a “significant backlog” of applications Source: SBS

Txhais tau tias kuv yuav tau nrhiav tswv yim los pab kom muaj neeg tau hauj lwm ua liaj ua teb ntawm peb lub zos thiab kom muaj phaum neeg nyob ntawm peb lub zos txuas ntxiv, vim rau qhov lub teej kawm ze tshaj plaws ntawm peb lub zos no tseem nyob nrug deb txog li 70 kilometres diam thiab hos lub teej kawm 2 ces tseem nyog nrog txog 105 kilometred ntawm peb 2 lub zos Perenjori thiab Dawallinu thiab ces thiaj li tsis tshua muaj tej hluas xav rov qab los nyob ua tej hauj lwm cog qoob loo no lawm.

which Stuart McAlpine kuj yog tus tswj pawg rooj saib xyuas tawm tswv yim sab laj txog tej pej xeem nyob yaj sab (The Regional Repopulation Advisory Committee) thiaj tau siv sij hawm ntau xyoo los pab kom muaj pej xeem mus nyob coob ntxiv ntawm nws lub zos Dawallinu.

Tab sis lawv yuav tsum tau mus qhia ntawv Askiv (English) rau tej neeg mus nyob tshiab uas tsis paub lus Askiv zoo kom muaj peev xwm ua tau lub neej, thiab yuav tau los nrog xyuas kom muaj vaj tse txaus rau tej neeg no tau nyob ces thiaj ua rau muaj neeg mus nyob coob ntxiv tuaj lawm.

Ces thiaj pib muaj tej cuab yig los nrog peb nyob ntawm lub zos no ntau ntxiv tuaj lawm thiab tau tso lawv tej me nyuam mus kawm ntawv ntau tuaj ntxiv thiaj muaj tej tub kawm coob ntxiv tuaj txog 15% lawm. Txawm tias peb yuav muab ib lub teej kawm me kaw thiab plam 12 tug tub kawm yav dhau los lawm, los tam sim no peb yeej pom muaj tej tub kawm coob tuaj ntxiv txog li 2 npaug lawm uas yog nce ntawm 120 leej los ua 220 lawm. Ces tam sim no peb thiaj pom tej cuab yig neeg los nyob tshiab no mus koom tej zejzog, thiab mus koom cov kev sib tw los yog mus siv qee cov kev pab cuam ntau ntxiv tuaj lawm. Thiab kuv xav tias tej zaum peb muaj tej neeg no ze txog li 100 leej yeej tau los xeem ua pej xeem Australia lawm thiab.

Nrhiav cov neeg hauv nroog mus nyob tej zos yaj sab

Mahir Momand uas yog ib tug neeg paub zoo txog cov kev qev tej nyiaj tsawg tsawg rau tej neeg siv (Microfiance expert) thiaj xam pom ib lub tswv yim yuav nrhiav cov neeg tsiv teb tsaws chaw tuaj tshiab nyob hauv nroog mus ua lub neej nyob tej zos yaj sab.

Nws yog tus tswj lub koom haum nrhiav cib fim ntawm tej zos yaj sab hauv teb chaws Australia (Regional Opportunities Australia - ROA), uas ua hauj lwm pub dawb pab rau tej zejzog kom nrhiav tau hauj lwm ua thiab nrhiav chaw tshiab rau tej neeg tsiv teb tsaws chaw mus pib dua neej tshiab rau tej zos yaj sab.

Thaum lawv tuaj txog teb chaws Australia, ces tej yeej muaj tej neeg tsiv teb tsaws chaw tuaj tshiab no txog li 80% nybo hauv tej nroog loj ntau lub. Tus zauv nruab nrab qhia tias tej neeg no yeej nyob hauv tej nroog loj txog li ntawm 3 mus txog 5 lub xyoos thiab tej neeg no los yeej tseem nrhiav tsis tau tej hauj lwm lawv xav ua los yeej muaj ib txhia yeej nrhiav tsis tau hauj lwm ua li. Ces cov neeg no thiaj yog cov neeg kub siab heev yuav mus nyob rau tej zos yaj sab ntawm teb chaws Australia kom ruaj thiab mus tsim vaj tse ua lub neej nyob rau tej zos no.

Source: Pexels

pab kom lawv nrhiav tau hauj lwm ua

Raws li Australian Bureau of Statistics (ABS) cov zauv txheeb xyuas pej xeem rau xyoo 2011 ces vim tsis tshua muaj neeg coob sib tw nrhiav hauj lwm ua li tej nroog loj ces tej zaum yuav ua rau tej neeg tsiv tawm ntawm tej nroog loj mus nyob rau tej zos yaj sab kom thiaj muaj cib fim nrhiav tau hauj lwm ua ntau tuaj ntxiv.

Piv txwv tias cov neeg yug txawv teb chaws tuaj rau teb chaws Asutralia uas mus nyob rau tek zos yaj sab yeej nrhiav tau hauj lwm ua txog li 78% diam yog piv rau tej nyob hauv nroog loj ces tsuas nrhiav tau hauj lwm ua txog li 61.3% xwb.

Suraj Adebayo Opatokun yog ib tug neeg Australia caj ceeb neeg Nigerian yeej tau kawm 3 xyoos tiav Environmental Science ntawm lub tsev kawm qib siab Macquarie University tab sis yeej nrhiav tsis tau ib txoj hauj lwm ruaj ua hlo li.

Ces tsis ntev tom qab nws tau mus nyob rau lub zos yaj sab nws thiaj nrhiav tau ib txoj hauj lwm mus txheeb xyuas tej nqaij uas yeej txawv cov kev sib txeeb hauj lwm ua ntawm tej nroog li qhov nws pom ntawm nroog Sydney ntawd.

Thaum nyob ntawm Sydney mas nrhiav hauj lwm ua nyuaj tiag tiag li. Yeej tsis muaj peev xwm nrhiav tau hauj lwm ua hlo li. Yog li thiaj yog thawj txoj hauj lwm ua kuv nrhiav tau ua.

Tej neeg tsiv teb tsaws chaw uas yeej paub ua hauj lwm dhau los

Tej neeg feem coob uas mus siv cov kev pab cuam ntawm lub koom haum Regional Opportunity of Australia (ROA) ces yeej yog cov neeg tsiv teb tsaws chaw los yog tej neeg uas nyuam qhuav kawm tiav tshiab tsis ntev los no. Yeej muaj ib txhia yog cov neeg uas yeej tau kawm los ua kws kho mob thiab yeej xeem tau los ua pej xeem Australia lawm tab sis yeej tseem nrhiav tsis tau tej hauj lwm lawv xav ua hauv tej nroog loj li.

Momand thiaj hais tias txawm li cas los yeej muaj ntau yam uas yuav tau los xyuas tej zos yaj sab ntawd tias seb ho puas muaj hauj lwm rau tej neeg yuav mus nyob ntawd ua kom tau txais txiaj ntsim rau 2 tog thiab.

Peb yuav tsum tau los txheeb xyuas tias puas muaj kev kho mob zoo siv, muaj teej kawm, muaj hauj lwm ua thiab muaj tej lagluam me.

Cov kev sib ntseeg siab thiab tso siab rau tej zejzog, thiab tej zejzog cov kev lees txais thiab tos txais tej neeg no tsis hais lawv yog tsav neeg twg thiab cov kev muaj peev xwm pab kom lawv muaj feem sib cuag mus los tau nrog tej zejzog no yog tej yam tseem ceeb. Yog tias peb tsis pab tej neeg no thiab ho tsis ntaus kev phooj ywg nrog lawv, es pheej cia tej chaw nthuav xov xwm qhia txog qhov phem txog lawv nkaus xwb thiab tsis pab tej neeg no li ces lawv kuj tsis xav mus nyob thiab.

Yog li thiaj nyob ntawm seb tej neeg zejzog ntawd ho uas qhib siab hlo zoo siab tos txais tej neeg tshiab yuav los nrog lawv nyob ntawd, vim yog tej yam tseem ceeb heev rau tej neeg mus nyob tshiab xyaw nrog tej neeg zejzog ib txom nyob ntawd kom tej neeg tshiab thiaj li muaj feem koom thiab ua tau lub neej nrog lawv. Yog li thiaj muaj ntau yam yuav tau los nrog xyuas ua ntej yuav qhia tau tias seb thaj chaw twg tsim nyog cia tej neeg mus nyob ntxiv.

Rov qab tsiv ntawm tej zos yaj sab mus nyob nroog loj

Lub tsev kawm qib siab the Australian National University lub tuam chav School of Demography ua teeb txheeb txog tej pej xeem txoj kev ua lub neej ntawm ib thaj chaw twg cuam tshuam txog cov kev yug, kev ploj qaug, kev ua lub neej, kev mob nkeeg thiab kev ua dej num khwv tau nyiaj thiab seb tej pej xeem ho nyob coob tsawg li cas ua li neej li cas cov kev teeb txheeb tej xov xwm los tau 35 xyoos no yeej tau qhia lawm tias tej neeg tsiv teb tsaws chaw mus nyob tshiab rau tej zos yaj sab ntawd tsuas nyob txog li 5 xyoos xwb ces lawv rov qab khiav mus nyob tej nroog loj lawm.

Thiaj yog ib cov xwm txheej uas Farvardin Daliri xav tias peb muaj peev xwm hloov kom tej neeg nyob ruaj thiab txhob tsiv mus nyob tej nroog loj tau thiab.

Farvardin Daliri yeej tau tsim ib cov program coj los qhia txog txoj kev ua tus coj rau tej hluas uas yug ntawm tej zos yaj sab thiab tej nyuam qhuav tuaj nyob tshiab los sib sau ua ke mus kawm cov kev ua tus coj no. Nws ntseeg tias yog peb pab kom tej neeg no muaj feem koom ua lub neej nrog tej zos lawv nyob ntawd thiaj thiab pab kom lawv txhob raug lwm tus ntaus nqe yuam kev los yog faib cai tsis nyiam los yog tsis txhob muaj tej xov xwm phem tshaj txog lawv tas mus li tab sis yuav tsim tsim kom muaj kev nkag siab thiab sib totaub thiab lees paub tias lawv yeej yog lawv ib tsav neeg uas coj txawv zoo li ntawd ces thiaj yuav tswj tau kom tej neeg no nyob txuas ntxiv ntawm tej zos ntawd.

Yuav tsum tau tsim kom muaj cov kev sib ntseeg siab thiab kev tso siab thiab tsim kom tau ib cov txheej txheem uas muaj kev sib ntseeg siab coj los siv. Yog li cov kev ntseeg tej zejzog thiab lees pab tias lawv yog pej xeem Australia li lawv tsav neeg ntawd thiab ho tsim kom muaj cov kev sib cuag mus los sib raug zoo nrog rau lawv, tsim koj muaj cov kev phooj ywg zoo nrog lawv. Vim peb yeej yuav tsis muaj peev xwm rub tau cheem tau kom lawv nyob ntawm tej zos txuas ntxiv yog tias pheej muaj tej xov phem txog lawv tas mus li xwb. Peb yuav tsum tau tawm mus cuag mus ntsib thiab mus sib qawg sib puag xwb pwg kiag nrog lawv mas thiaj yuav muaj txoj xub ke tawm rau sawv daws taug.

Saib SBS 3 toom yeeb yaj kiab hu ua "Struggle Street" kom koj paub txog txoj kev ua lub neej txom nyem li cas ntawm Australia tej zos nybo yajsab uas plam ntau yam txiaj ntsim ntawm ntau cov zejzog tau rau hnub Wednesday 9 October  2019 sijhawm 8.30pm mtaw, SBS. Thiab tom qab tso rau sawv daws saib tag lawm, mam li ho rov qab coj los tso txhua lim piam rau hnub Wednesday rau sawv daws saib ntxiv ntawm SBS On Demand ntxiv thiab.

Mloog tau xov tooj cua SBS Radio Hmong Program rau hnub Thursday 6 pm AEST thiab hnub Sunday 11 am AEST. Koom tau ntxiv ntawm SBS Hmong Facebook thiab mloog los yog download tau cov xov xwm kaw ua suab (podcasts) ntawm ntau cov podcast platforms li Stitcher, Apple podcasts, Google podcasts los yog mloog thiab download tau cov xovxwm kaw ua suab ntawm lwm cov podcast platforms tau.

Mloog tau lwm yam xov xwm tshaj tawm rau ib hnub ib hnub, mloog cov zaj xovxwm, tej lus nrog cov qhua tshwj xeeb tham ua lus Hmoob thiab lus Askiv tau raws li hauv qab no: