Victoria tsab cai ntiav ntsev
Tsoom fwv xeev Victoria tau coj ib tsab cai tshiab los sab laj hauv tsev tsoom fwv seb puas muaj peev xwm tsim los ua cai siv, thiab tsim tau los ua cai siv tiag ces yuav pab kom tej neeg ntiav tsev nyob tsis txhob tau them cov nqe bond zoj ntiav tsev nyob ob zaug thiab muaj peev xwm siv tau tej bond lawv them tam sim no rau tej tswv tsev coj mus them rau tus tswv tsev tshiab kom ntiav tau tsev nyob xwb, uas Victoria tus hau xeev Jacinta Allan hais tias yuav tau txiaj ntsim rau tej neeg ntiav tsev thiab tej tswv tsev.
Tsoom fwv xeev Northern Territory (NT)pov puag nws lub tswv yim txwv cov transgender women
Lia Finocchiaro uas yog tus tsoom fwv xeev NT tau los pov puag nws cov kev txiav txim siab txwv tsis pub cov transgender women coj mus kaw xyaw ua ke nrog tej poj niam coj los ua kev pov puag poj niam lub meej mom ntawm tej tsev laj cuj. Thiab nws xav kom lwm cov xeev siv tsab cai zoo tib yam li no.
Cov kev pauv hloov rau Intagram
Tej neeg hnoob nyoog qes dua 18 xyoo yuav raug txwv thiab tsuas pub saib tej content PG-13 lawm xwb. Meta hais tias tej cai no yuav raug coj mus tswj nws lub tuam txhab tej twj generative AI los txwv tej hluas no kom tsis txhob tau saib tej content tsis zoo txij tim 10 lub 12 hlis ntuj (2025) no mus li txwv tsis pub saib tej content uas hais lus phem lus tsev, tej uas txhawb nqa tej cwj pwm kom tsim teeb meem rau ntiag tug.
Tej teeb meem sib thab sib zes ntawm Australia
Jason Clare uas yog tus nom teb chaws uas tswj dej num kev kawm hais tis tseem yuav sab laj nrog tej nom tswj dej num kev kawm xeev rau tim 17 lub 10 hli ntuj no los tsim ib co tswv yim uas siv tau thoob teb chaws coj los tawm tsam nrog tej kev sib thab sib zes ntawm tej teej kawm thiab hauv online. Clare hais tias ''Muaj pov thawj qhia tias 1 tug ntawm 4 tug hluas qhia peb tias lawv raug ib tug twg los yog lawv tej phooj ywg ntawm tsev kawm thab zes limtiam dhau los. Thiab tseem muaj 1 tug ntawm 2 tug twg raug lwm tus thab zes hauv online thiab. eSafety Commission tau qhia tias tau muaj tej xwm txheej sib thab sib zes no ntau tuaj ntxiv txog 450 feem pua. Ces thiaj muaj phem zuj zus ntxiv xwb, peb haiv neeg thiaj yuav tau daws tej teeb meem no."
Victoria tsab cai Treaty legislation
Lub caij txwm xyoo 2 uas tsoom fwv teb chaws tau tso cai rau zej tsoom Australia tawm suab seb puas pub neeg txum tim muaj suab sawv cev hauv tsev tsoom fwv xyoo 2023 no xeev Victoria tau tsim keeb kwm thaum nws npaj yuav los tsim seb puas tau tsab cai Treaty ntawm cov neeg txum tim ntawm lub xeev no thiab tsoom fwv, uas yuav xaiv ib co neeg ua hauj ntawm lub koom haum First Nations' Assembly los ua cov sab laj tawm tswv yim, muaj cai txheeb thiab nug rau tsoom fwv tej cai uas yuav ua rau muaj teeb meem rau neeg txum tim.
Tsab cai Assisted Dying thiab xeev Victoria
Victoria tau hais kom tsoom fwv teb chaws Australia kho nws tej criminal code uas pheej txwv tsis pub tej kws kho mob pab cov hauj lwm txov tej neeg mob uas muaj mob tsis muaj xub ke kho tau zoo lawm txov lawv txoj sia. Mary-Anne Thomas uas yog Victoria tus nom tswj dej num noj qab haus huv thiaj tau sau ntawv rau Australia tus kws lij choj teb chaws Michelle Rowland kom hloov tej no tso cai rau tej kws kho mob pab tau tej neeg no raws cov kev pab cuam telehealth.
RMIT cov kev teeb txheeb txog cov hate crimes ntawm cov neeg LGBTQI+
RMIT lub tuam chav School of Law npaj yuav teeb txheeb txog tej xwm txheej hate crimes tawm tsam nrog tej neeg LGBTQI+ kom rov qab kub siab los daws tej plaub ntug uas tej neeg no raug tua tuag, thiab nrog xyuas kom kho tau tej xwm txheej no thiab kom tau txais kev nyab xeeb thiab kev ncaj ncees rau tej neeg no.
