Tej NAPLAN results xyoo 2025 no tau ua rau muaj kev txhawj xeeb heev rau Australia tej me nyuam cov kev kawm thiab Australia cov educational system.
Tej NAPLAN results xyoo 2025 no txheeb tau tias muaj Australia tej me nyuam kawm ntawv ib tug ntawm peb tug twg uas kawm xyoo 3, xyoo 5, xyoo 7 thiab xyoo 9 ces yeej tsis tshua muaj peev xwm nyeem tau ntawv (Askiv) zoo, kawm tsis tau tau lej (Zauv) zoo, thiab tsis tshua muaj peev xwm sau ntawv tau zoo.
Amy Haywood uas yog tus lwm coj cov Education Program ntawm Grattan Institute thiaj hais tias tej xov xwm tau los no qhia tias Australia tej me nyuam cov kev kawm poob qab zuj zus lawm.
Nws hais tias ''Tsim nyog peb yuav tau txhawj vim rau qhov tej xov xwm no tseem zoo li qub xwb, hais ntsi ntsees rau tej tub kawm txom nyem uas yog tub kawm neeg txum tim, los sis tej tub kawm uas lawv niam thiab txiv kawm tsis tiav high school los yog tej tub kawm nyob tej zos toj siab."
Dr Gary Fry uas yog tus qub thawj teej kawm ntawm Northern Territory dhau los hais tias tej no yeej tsis yog tej ua rau nws ceeb dab tsi.
Fry hais tias "Peb yeej tau tom twv txij xyoo 2008 los lawm. Thiab ib co teeb meem ntawm ntau cov ces yog neeg txum tim yeej tsis muaj feem koom txiav txim siab rau ntau yam hauj lwm ntawm ib lub koom haum twg li.''
Thiaj ua rau Fiona Longmuir uas yog ib tug neeg qhia ntawv ntawm tsev kawm qib siab Monash University lub chaw qhia ntawv School of Education hasi tias tej results no yog tej yam qhia kom peb yuav tau kub siab txog tau teeb meem no.
Longmuir hais tias ''Tej results no qhia tias peb cov kev qhia ntawv qhia tsis tau zoo, thiab peb cov ecucational system yog cov tsis tau txais vaj huam sib luag, peb xa tau nyiaj ntau pab ntxiv, peb xav tau tej peev txheej ntau ntxiv thiab xav tau tej kev pab ntau ntxiv pab rau tej teej kawm thiab tej lees kais.''
Txawm li cs los tsoom fwv teb chaws yeej hais tias nws yeej tau npaj yuav siv nyiaj $16 billion pab zej tsoom tej teej kawm rau lub caij 10 ntxiv no lawm, thiab pab raws li tej teej kawm cov kev xav tau kev pab.
Tejprogram uas tej zejzog qhia ob hom lus kuj pab kom ''lub teej kawm Yirrkala School tau muaj 12 tug tub kawm uas kawm xyoo 12 tiav uas kawm tau cov zauv ATAR zoo thiab mus kawm ntawm Australia ib co tsev kawm qib siab twg los tau xyoo 2021 thiab.''
Txawm li cas los kuj pom tias yeej muaj txhua txhua ob tug ntawm peb tug twg kuj yog cov uas kawm tau tej txuj no zoo los yog kawm tau zoo tshaj qhov tau teev tseg lawm thiab. Thiab kuj muaj neeg txum tim tej tub kawm xyoo 7 thiab xyoo 9 yog cov kawm tau zoo tshaj qhov teev tseg rau tej txuj sau ntawv thiab kawm zauv lawm yog piv rau 3 xyoos dhau los.
Tab sis lub koom haum Australian Curriculum Assessment thiab tej nom tswv qhia txog cov NAPLAN results no yeej tau piav tias tej result xyoo no yeej tseem 'nyob tus li qub.'
