Cov program txheeb seb puas mob cancer ntsws

Txij hnub tim 1 lub 7 hli ntuj xyoo 2025 mus ces ib co neeg Australia yog cov muaj cai siv tau cov National Lung Cancer Screening Program.

Doctor getting a patient ready for a medical scan at the hospital Credit: Hispanolistic/Getty Images

Mloog tau tej zaj lus thiab lwm yam xov xwm ua lus Hmoob tau ntawm SBS Hmong | SBS Hmong.

Kab mob cancer ntsws ces yog cov kab mob raug ntsuam ntau ua zum tsib ntawm teb chaws Australia.

Mark Butler uas yog Australia tus nom tswj dej num noj qab haus huv hais tias txij hnub tim 1 lub 7 hli ntuj xyoo 2025 mus ces Australia tej neeg txum tim, neeg tsiv teb tsaws chaw uas muaj hnoob nyoog 50 txog 70 xyoo uas muaj keeb kwm haus luam yeeb thiab yog cov yuav muaj tau cib fim mob tau cancer ntsws yog cov muaj cai yuav siv tau cov National Lung Cancer Screening Program.

Ib xyoos twg tus kab mob cancer ntsws ua rau neeg Australia tas sim neej txog li ntawm 9,000 tus los yog muaj ib tug neeg tas sim neej txhua txhua ib teev twg. Tos ho muaj neeg tas sim neej ntau los twb vim yog txheeb tau tus mob no lig dhau lawm thiab yog ib tug mob uas kho nyuaj thiab ciaj dim tsawg yog piv rau lwm hom kab mob cancers.

Minister of Health Mark Butler

Tus nom no kuj tau hais ntxiv tias tej neeg nyob toj siab los yeej yuav tau txais txiaj ntsim los ntawm cov National Lung Cancer Screening program no thiab.

Nws hais tias ''Ntxiv ntawm cov program no ces peb yeej tseem muaj ib co tsheb truck thauj tej CT scans technology vam meej coj mus ntsuam tej neeg ntawm tej zejzog toj siab uas nyog ntawm lub teb chaws no kom txhua tus neeg Australia tau siv thiab.''

Nws hais ntxiv tias cov screening program no yuav pab txheeb tau tej cancer ntsws txog li ntawm 70 feem pua tias seb puas mob thaum tseem ntxov uas tej zaum yuav pab txo tau tej neeg mob cov kev tas sim neej txog li ntawm 20 feem pua.

Mark Brooke uas yog tus coj lub koom haum Lung Foundaton thiaj cia siab tias yuav yog ib co program zoo siv ''vim Australia yog tus muaj peev xwm rau cov kev kho mob no thiab yog thawj lub teb chaws uas tsim cov progrma no siv hauv ntiaj teb.''

Vim muaj cov kev txhawj xeeb tias tsam neeg txum tim thiab tej neeg tsiv teb tsaws chaw tsis muaj kev ntseeg siab rau Australia cov health care system ces thiaj tau cia lawv muaj feem koom los tsim cov program no siv.

Peb lub koom haum tsab xo ces yooj yooj yim xwb uas yog yeej tau txais kev nyab xeeb thiab peb xav txhawb nqa kom tej neeg muaj cai siv tsis txhob ncua thiab kab tsij mus siv, vim rau qhov cov program no yuav pab cawm tau nej txoj sia.

CEO of Lung Foundation, Mark Brooke

Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.