Nom tswv xeev New South Wales raug yuam kom yuav tsum tau pab tub kawm pej kum haiv

Txhua lub xeev ntawm teb chaws Australia no yeej tau npaj qee cov kev pab cuam rau pej kum haiv tej tub kawm lawm tab sis xeev New South Wales tseem tsis tau muaj kev pab cuam dab tsi, thiaj ua rau nws raug tsub nias tias yuav tsum tau ua ib yam dab tsi l

"Feed-A-Student" program aims to provide food packs to 1,000 Filipino international students in Sydney. Source: Supplied

Txawm tias Australia tus thawj pwm tsav Scott Morrison tau hais kom tej tub kawm pej kum haiv uas tsis muaj peev xwm pab tau lawv tus kheej rov qab mus tsev thiab yeej tseem tssi tau muaj cov kev pab cuam dab tsi rau tej tub kawm no los yeej tau muaj qee lub xeev tau muaj ib cov kev pab cuam rau tej tub kawm no lawm thiab.

Tej xeev feem ntau nyias yeej muaj nyias cov kev pab cuam coj los pab rau tej me yes no me ntsi lawm tsuas yog tshuav tib lub xeev New South Wales uas thiaj tseem tsis tau muaj cov kev pab cuam dab tsi rau tej tub kawm no xwb. 

Qee lub xeev li hauv qab no yeej tau npaj ib cov kev pab cuam coj los pab tej tub kawm pej kum haiv xws li:

1. Xeev Northern Territory yeej tau qee me ntsis nyiaj ntawm lwm yam hauj lwm los pab kom tub kawm pej kum haiv tau hauj lwm ua.
2. Xeev Queensland yeej tab tom muaj cov kev sab laj thiab daws teeb meem nyuaj siab ntxhov plawv, cov pob khoom noj khoom siv thiab tej pluas hno pub rau tej tub kawm pej kum haiv.
3. Xeev Victoria thiab South Australia thiab Tasmania  los kuj tau pab nyiaj tib zaug me ntsi rau tej tub kawm pej kum haiv tau siv yuav zaub mov noj thiab khoom siv me ntsis lawm thiab.
4. Xeev Australian Capital Territory (ACT) yeej tau tshwm ib co nyiaj coj los pab rau tej tub kawm kom tau hauj lwm ua thiab Western Australia los kuj tau qhia tias nws tau npaj ib cov kev pab cuam rau lub caij muaj kab mob coronavirus sib kis no lawm thiab. Tsuas yog tshuav tib lub xeev New South Wales (NSW) uas nom tswv tseem tsis tau muaj kev pab cuam thiab xav tias yuav sab laj nrog the Australian National Cabinet seb lawv xav li cas tso mam li pab tej tub kawm no.

Koj muaj peev xwm nyeem tau xov xwm uas tej nom tswv tau pab rau tej tub kawm pej kum haiv ntawm SBS News ntxiv.

Tsoom hwv Australia yeej tsim tau lub coronavirus tracing app hu ua COVIDSafe no coj los siv rau hnub zwj hnub tim 26 April 2020 los lawm. Koj muaj peev xwm mus download tau raws li hauv qab no:

• Download tau lub app no ntawm Apple Store yog koj siv iPhone.
• Download tau lub app no ntawm Google Play yog koj siv Andriod phone.

Tam sim no twb muaj neeg Australian tshaj 4 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.

Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj ntawm teb chaws Australia no:

Thiab tej neeg kis tau tus kab mob coronavirus ntawm teb chaws Australia no muaj li hauv qab no lawm:

NYEEM NTXIV: Qhia qhov tseeb txog cov kab mob COVID-19: READ MORE

MLOOG THIAB NYEEM NTXIV: Hmoob tus kws kho mob cov tswv yim tiv thaiv kom koj txhob kis tus kab mob coronavirus (COVID-19): READ MORE

NYEEM NTXIV: Cov lagluam twg yuav raug kaw thiab muaj cai ua lagluam txuas ntxiv rau lub caij kab mob COVID-19 tseem sib kis txuas ntxiv: READ MORE

Image

Puas pub tsav tsheb mus ib qho qhov twg? (SBS) Source: SBS

Yog koj raug teeb meem kub ntxhov hauv lub cuab yig rau lbu caij kab mob COVID-19 kis thoob ntuj ces koj tawm tau ntawm koj tsev mus nrhiav kev pab cuam tau (SBS) Source: SBS

Txhua tus neeg ntawm teb chaws Australia yuav tsum nyob kom nrug ntawm lwm tus neeg deb li 1.5 metres, thiab nom tswv tsuas pub 2 tug neeg ua ke xwb tsuas yog tias ntshe tej neeg ntawd ho yog koj tsev neeg los yog koj yim neeg uas yog tib lub tsev ua ke xwb.

Yog koj ntseeg tias tej zaum koj kis tau tus kab mob virus no lawm, txhob mus ntsib koj tus kws kho mob tab sis hu mus nrog koj tus kw kho mob tham los yog hu mus rau lub koom haum National Coronavirus Health Information Hotline tus xov tooj 1800 020 080. Thiab yog koj txog txog siav ua tsis tau pa thiab mob hnyav heev ces hu rau tus xov tooj 000 thov kev pab cuam tau.

SBS yeej kub siab los qhia tej xov xwm tshiab txog cov kab mob coronavirus (COVID-19) ua 63 hom lus rau Australia tej neeg zej zog. Yog koj xav paub txog ntau yam xov xwm ua ntau hom lus ces koj mus txheeb xyuas tau ntawm sbs.com.au/coronavirus thiab txheeb xyuas tau cov xov xwm no ua ntawv Hmoob thiab lus Hmoob ces mus saib tau ntawm SBS Hmong.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.