Raws li lub koom haum lagluam IBIS World Industry tsab ntawv cej luam qhia txog cov kev teeb txheeb tau mus tshawb fawb tsis ntev los no tau qhia, vim yog zej tsoom sawv daws muaj kev pauv hloov rau lawv cov kev siv nyiaj thiab cov kev pauv hloov tej cuj pwm siv nyiaj ntawm ib txwm siv mus siv huav online lawm xwb, ces thiaj ua rau tej chaw muag ntawv xov xwm tsis tau lagluam.
Nathan Cloutman uas yog tug kws paub tshuaj ntsuam txog tej xwm txheej lagluam no ntawm lub tuam txhab lagluam IBIS World Industry hais tias yog li tej tswv lagluam ntawm cov chaw muag ntawv xov xwm no yuav tsum tau npaj tswv yim tshiab los pab lawv kom tau lagluam, tsis hais yuav yog muag ntawv xov xwm, muag lottery (muag lej), muaj khoom plig los yog tej toob xib (khoom) uas tej neeg nyiam yuav siv. Kom thiaj li tswj tau cov lagluam no mus txuas ntxiv rau yav tom ntej.
John Avery los yeej tau hais tias nws yeej tau los xyuas kom siv tau txhua thaj chaw hauv nws lub khw los muag khoom kom tau nyiaj thiab yuav tau hloov cov khoom tshiab neeg nyiam yuav los muag tas li txhab ntxiv rau tej ntawv xov xwm, lej ntawd. Tsis tas li los nws yuav tau kub siab los services tej neeg tuaj siv thiab yuav khoom hauv nws lub khw kom zoo thiab ntiav tej neeg zejzog los nrog nws ua hauj lwm. Rau qhov tias tiam neej vam meej tam sim no ces tsis hais kev yuav khoom siv thiab xov xwm los tej neeg feem coob yeej mus siv hauv online ntau lawm xwb.
