Raws li SBS Radio Hmong Program tau nrog Mr Txos Lis uas yog ib tug Senior Advisor rau Congresswoman Betty McCollum uas yog ib tug nom sawv cev rau pej xeem rau Saint Paul Minnesota ntawd tham, ces nws yeej tau qhia tias, Meskas lub tuam chav lis laj fai pej kum (The US Department of State) yeej tseem tsis tau teb ib lo lus kom meej tseeb tias seb puas yuav xa los tsis xa cov neeg Hmoob thiab neeg Nplog uas tau tsiv tsov rog Vietnam War mus nyob teb chaws America uas tau ua txhaum cai dhau los ntawd rov qab mus rau teb chaws Nplog li cas.
Txos Lis uas yog ib tug senior advisor rau US Representative McCollum los yeej qhia tias lawv tseem tos seb nom tswv Mesas lub tuam chav no yuav teb li cas thiab tseem tsis tau ib los lus tseeb dab tsi.
Thaum SBS Radio Hmong Program nrog Ms. Sia Her uas yog tus tswj lub koom haum Council on Asian Pacific Minnisotans tham ces nws yeej qhia meej tias yeej cuam tshuam txog cov neeg Hmoob thiab neeg Nplog tau cov legal permanent residency nyob ruaj lawm tab sis tsis yog pej xeem America ntawd tab sis tsis paub meej tseeb tias yeej tseem tsis tau tau ib lo lus teb meej tseeb kiag los ntawm US Department of Sate.
Nyob rau Congresswoman Betty McCollum tsab ntawv xav rau Mike Pompeo uas Sia Her coj los share rau hauv nws personal Facebook account ntawd ces Ms McCollum yeej tau hais tias "Kuv tsis pom zoo rau lub tswv yim xav muab tej Hmoob thiab Nplog ua txhaum cai xa rau teb chaws Nplog no yog tej yam tsis tsim nyog ua (Unconscionable), yog ib cov kev tawm tsam rau nws tej pej xeem ntawm nws lub rooj nom thiab tawm tsam rau lawv tsev neeg xwb. Tej neeg zejzog Hmoob thiab Nplog yeej tau pab lub xeev Minnesota lub neej thiab lagluam ntau yam heev. Yog ib cov laj fai kum xeeb txhob txwm ua rau tej neeg no. Tsis tas li no los Nplog yog ib lub teb chaws tsis cam hwm leej tib neeg txoj cai ces yuav muaj tau teeb meem phom sij rau tej neeg no."
Ms Her thiaj qhia tias tam sim no yeej tseem tsis tau ib lo lus tseeb dab tsi, tab sis yog sawv daws xav paub ntxiv ces xav kom hu mus rau Congresswoman Betty McCollum lub office nug kiag thiab nrog kiag nws tham thiaj paub qhov tseeb.
Congresswoman Betty McCollum letter to the US Secretary of State Mike Pompeo opposing the deportation of Hmong and Lao legal permanent residents back to Laos (Asian Pacific Council of Minnesotans-Betty McCollum) Source: Asian Pacific Council of Minnesotans-Betty McCollum
2 limtiam dhau los los Meskas tus pwm tsav lis laj fai pej kum Mike Pompeo kuj tau ntsib Nplog tus lwm thawj pwm tsav Saleumxay Koumasith thiab.
Nyob rau zyoo 2017 ntawm los kuj tau muaj Meskas lub tuam chav tswj kev ruaj ntseg haiv (the US Homeland Security) tau txwv tsis pub ib co visa rau nom tswv Nplog vim Nplog tsis kam txais ib cov neeg Nplog rov qab. Tab sis txuas ntxiv ntawd los Nplog kuj tau tos 2 tug neeg Nplog rov qab lawm thiab. Ntxiv ntawd los nom tswv Meskas kuj tau muab ib cov neeg Cambodian (Khabmeem) xa rov qab lawm tab sis kuj tau muaj ib yim neeg Cambodian tau rov qab los rau teb chaws Meskas lawm.
Raws li tau muaj ib daim video John Walker yees thiab tau nrog Paul Yang uas yog tus coj lub koom haum the Fresno Cener tham coj mus tso rau hauv Fresnobee rau hnub tim 8 lub 9 hli ntuj xyoo2018 dhau los ces paul tau hais tias " Tej neeg zejzog ntawm cov teb chaws Southeast Asia li Hmoob, Nplog thiab Cambodia ces tsis yog cov neeg tsiv teb tsaws chaw tab sis yog neeg thoj nam tawg tsov tawg rog xwb. Lawv yog tej me nyuam yug ntawm tej yeej thoj nam mus loj hlob nyob teb chaws Mekas thiab paub teb chaws Mekas xwb. Thaum lawv yau lawv yeej tau ua txhaum cai tab sis lawv twg raug teem txim tag lawm. Lawv yeej yog tej xeeb leej xeeb ntxwv ntawm tej leej niam leej txi uas tau ua tub rog rau lub caij tsov rog Vietnam War nrog Meskas. Yog li thiaj tsis tsim nyog muab lawv xav rov qab. Kuv thiaj tsis pom qab yuav xav li cas rau tej xwm txheej no. Vim lawv yog ib cov zejzog neeg tshiab thiab tseem ntsib teeb meem nyuaj siab ntxhov plawv thiab tau ntshai los ntawm tej tsov rog uas zoo li tseem tshiab heev rau lawv no."
