Cov ntsiab xov xwm tseem ceeb:
- Pab nom lwm pawg fai kum xeeb teb chaws sis sib haum xeeb txog tsoom fwv Australia yuav kaw ciam teb Austraalia ib ntus nrog Indonesia vim cov kab mob muaj rau tej tsiaj qhov ncauj thiab ko taw.
- Tsoom fwv teb chaws ceeb toom rau tej neeg mus ncig ntawm Bali thiab ntau lub teb chaws uas muaj cov kab mob foot and mouth diseas (kab mob tej tsiaj qhov ncauj thiab mob taw) kom ntxhua lawv tej khaub ncaws kom huav thiab khau kom huv, thiab yog ua tau ces tso tej khau ntawd tseg rau ntawm lub teb chaws ntawd tsis txhob nqa rov qab los rau teb chaws Australia.
- Hnub tim 26.7.2022 no mus ces tus tsoom fwv Australia tshiab yuav pib ua hauj lwm thawj zaug txij li tau yeej cov kev xaiv tsa tshiab xyoo no. Nws muaj hom phiaj yuav los tsim kom tau ntau cov cai li tsab cai teev kom them cov nyiaj Domestic & Family Violence Leave rau txhua tus neeg ua hauj lwm muaj cai so tau 10 hnub thiab tau cov nyiaj no. Ntxiv ntawd los nws kuj xav los xyuas kom nrhiav tau tej nurses txaus mus ua hauj lwm hauv tej tsev laus tu tsom kwm tej laus, xyuas kom tsis txhob siv nyiaj ntau los tswj tej dej num no, muaj kev dawb huv rau lawv cov kev tu tej laus ntawm tsev laus. Thiab tsoom fwv yuav xyuas kom tsim tau tsab cai uas teev 43% txo kom tau tej pa tsis huv txhob paug tsuas tej ib puag ncig raws li tej hom phiaj teeb tseg rau xyoo 2030.
- UN lub tuam chav tswj hauj lwm noj qab haus huv tsab ntawv cej luam tshiab qhia tias tej cai tswj thiab kho mob yeej tseem pab tsis tau tau tej neeg thoj nam tawg tsov tawg rog zoo txaus thiaj ua rau lawv tsis tshua tau txais kev noj qab nyob zoo yog piv rau lwm cov neeg ntawm lub teb chaws uas lawv nyob ntawd.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
